Xüsusilə yay aylarında qısa qollu köynəklər geyməyə başlayanda, ya da çimərliklərdə günəş vannası qəbul edərkən, qaralmış qoltuq altımız özümüzü narahat hiss etməyimizə səbəb olur.
Qışda göz önündə olmadığı üçün qoltuq altı bölgəsinə ümumiyyətlə fikir vermirik. Ancaq yay gələndə bu səhlənkarlığımız ucbatından başımız ağrayır. İstifadə etdiyimiz dezodorantlardan baxım məhsullarına qədər bir çox şeyin səbəb ola bildiyi qoltuq altı qaralmaları bir anda dəhşətə çevrilir. Əslində alınacaq bir neçə kiçik tədbirlə bu problemin öhdəsindən gəlmək mümkündür.
Qoltuq altı problemiylə mübarizə aparmağın və özünüzü daha rahat hiss etməyinizin yolları...
Az tərləyin
Qoltuq altı qaralmaların ən əhəmiyyətli səbəblərindən biri tərləmədir. İstər yay olsun, istərsə də qış, bədəninizin tərləməyə meylli olan bu bölgəsinin nəfəs almasına maneə törədən paltarlar geyməməlisiniz. Mümkün olduğunca boş və tərkibində pambıq nisbəti yüksək olan paltarlar seçməyə çalışın.
Dezodorantdan istifadə etməyin
Dezodorantların tərkibində olan bəzi kimyəvi maddələr dərinizə mənfi təsir göstərə bilər. Buna görə də dezodorant yerinə pudradan istifadə etməyi sınaqdan keçirin. Qoltuq altına incə bir təbəqə şəklində çəkmək kifayətdir.
Təri önləyən dezodorantları seçməyin
Təri önləyən, yəni anti-perspirant dezodorantlar da qol altı qaralmalarına səbəb ola bilir. Bunların əvəzinə anti-bakterial pudraları seçə bilərsiniz.
Ülgüc yerinə yapışqan
Qoltuqdakı tüklərdən xilas olmaq üçün sürətli və asan bir üsul olduğu üçün ülgüc seçilir. Ancaq qol altınıza davamlı ülgüc çəkmək zaman keçdikcə qaşınmalara və qaralmaya səbəb ola bilir. Başqa sözlə, burada olan tüklərdən xilas olmaq üçün yapışqan seçməyiniz daha doğru olacaqdır.
Limondan istifadə edin
Qoltuq altınız üçün limondan faydalana bilərsiniz. Hər gün duşdan sonra bir dilim limonu qoltuq altına sürtün. Bir az gözlədikdən sonra ilıq suyla durulanın. Bu üsul dərinizi ölü dərilərdən təmizləyib, qaralmalardan da xilas edəcək.
Maskadan istifadə edin
Limon suyu, süd tozu və balı məcun konsistensiyasına gələcək şəkildə qarışdırın. Bu qarışığı qoltuq altınıza çəkin və 15 dəqiqə saxlayın. Daha sonra ilıq suyla qoltuq altınızı durulayın. Bu maskanı nizamlı olaraq bir neçə həftə tətbiq etsəniz, qaraltının azaldığını və zamanla itdiyini görəcəksiniz.
XƏBƏR LENTİ
- ŞƏRHLƏR