![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Allah təala Qurani-Kərimdə Peyğəbərimizin-səllallahu əleyhi və səlləm-həyatına and içmişdir.Uca adını onun adıyla birgə çəkmiş və özünə ediləcək imanı onun Peyğəmbərliyininə iman etmə şərtinə bağlamışdır.Hüzurunda heç kimsənin səsini qaldırmasına razı olmamış,mübarək adının adi bir ad kimi çəkilməsini istəməmişdir.Bütün bunlarla yanaşı özünün və mələklərinin onu yad edib salətu-salam gətirdiklərini bildirərək Məhəmməd ümmətinin də eynilə ona çox salavat gətirməsini əmr etmişdir.Belə ki,bir ayədə:
"Həqiqətən,Allah və Onun mələkləri Peyğəmbərə salavat göndərirlər(xeyir-dua verirlər).Ey iman gətirənlər!Siz də ona salavat göndərib(onun üçün salavat deyib) layiqincə salamlayın!(Allahümmə səlli alə Məhəmmədin və ali Məhəmməd;əssəlamu əleykə eyyuhənnəbi və rəhmətullahi və bərəkətuhu-deyin!)" (əl-Əhzab,56) buyurulduğu kimi o uca varlığa salətu-salam gətirmək möminlər üçün ilahi bir əmrdir.Əshabdan Ubey bin Kab (r.a) nəql edir:
Bir gün Həzrət Peyğəmbərdən -səllallahu əleyhi və səlləm-soruşdum:
Ey Allahın Rəsulu!Mən sənə çox salavati-şərifə gətirirəm.Görəsən bunu nə qədər etməliyəm?
-İstədiyin qədər-buyurdu.
-Dualarımın dörddə birini salavati-şərifəyə həsr etsəm olar?
-İstədiyin qədərini həsr et.Amma daha çoxu sənin üçün xeyirli olar.
-Elə isə duamın yarısını salavati-şərifəyə həsr edim.
-İstədiyin qədər et.Amma daha çoxu sənin üçün xeyirli olar.
-Onda üşdə ikisi bəs edərmi?
-İstədiyin qədər.Amma artırsan sənin üçün xeyirli olar.
-Elə isə duaya sərf etdiyim vaxtın hamısını salavati-şərifəyə həsr etsəm necə olar?
-Elə olduqda Allah üçün çətinliklərini yox edər və günahlarını bağışlayar. (Tirmizi,Qiyamət,23)
Bu mənada peyğəmbərimizin aşiqləri dillərindən salətu-salamı düşürməzlər.Çünki salətu-salam qəlblərdə Rəsulullah sevgisinin artmasına səbəb olar.
Digər tərəfdən,islami qaydaya görə dualar Allaha həmd və Rəsulullaha salavat gətirməklə başlayıb yenə onlarla bitirilir.Çünki salavati-şərifələrin Peyğəmbər-səllallahu əleyhi və səlləm-haqqında bir dua hökmündə olduğu və geri çevrilməyəcəyi kimi bir fikri mövcuddur.Dualarımızın başını və sonunu salətu-salamla bəzəmək də bu həqiqətdən qaynaqlanır.Yəni,qəbul ediləcəyi iki duanın arasında öz dualarımızı yerləşdirmək,onların da qəbul olunmasını təmin etmək düşüncəsiylə olur.
Həzrəti Ömər(r.a) buyurmuşdur ki:
"Dua yerlə göy arasında dayanır.Rəsulullaha salavat gətirilmədikcə Allaha yüksəlmir." (Tirmizi,Vitr,21)
Belə ki,bir gün Rəsulullah-səllallahu əleyhi və səlləm--namazdan sonra Allaha həmd etmədən və Onun peyğəmbərinə salət və salam gətirmədən dua edən bir adam gördü.Həmin adamı göstərərək:
"Bu adam tələsdi!"-buyurdu.Sonra həmin adamı yanına çağırdı və belə buyurdu:
"Biriniz dua edəcəyi zaman öncə Allah təalaya həmd etsin,sonra Peyğəmbərinə salət və salam gətirsin.Daha sonra isə istədiyi şəkildə dua etsin." (Tirmizi,Dəavət,64)
Dualarımızın qəbul olunması diləyi ilə...Amin!
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]