19.05.2015-22:00

• Kitablar

12 703

11

Reallığın ağırlığından və yoruculuğundan həm mənəvi olaraq, həm də fiziki olaraq müvəqqəti də olsa, xilas olmaq üçün kitab ən gözəl vasitədir. Hər bir ədəbi qəhrəmanın həyatı oxucu üçün təcrübə mənbəyi və yaxşı mənada dərs ola bilər. Araşdırmalar nəticəsində bütün qadınların oxumalı olduğu 10 lazımlı kitabın siyahısı tərtib olunub. Onların içərisində həm klassik, həm də müasir nəşrlər var, amma onların hər biri zərif cinsin nümayəndələrinin zövqünü oxşamaq iqtidarına malikdir.

Erix Maria Remark, “Borc həyat”

Bu əsər həyatın hər dəqiqəsini son an imiş kimi yaşamağı öyrədir. Axı heç kim bilmir ki, dünyada bizi nə gözləyir...

Elis Manro, “Həyat qədər dəyərli”

Bu kitabı oxuduğu vaxt adama elə gəlir ki, yazıçı məhz sənin üçün yazıb həmin hissləri. Əlbəttə, yazıçının bu uğuru da ona Nobel mükafatını qazandırdı.    

Kolin Makkaalou, “Tikanlı quşlar”

Bu kitab bəsit və maraqsız qəbul olunmuş sevgi romanları haqqında olan bütün stereotipləri qırıq-qırıq edərək özünün valehediciliyi ilə bütün dünyanı elə ilk səhifəsindəcə heyran qoyub.

Elzabet Hilbert, “Ye, dua et, sev”

Bu roman həyatda xoşbəxtlik axtarışına çıxanlar üçün yazılıb və oxumağa dəyər.

Coann Harris, “Şokolad”

Kiçik, unudulmuş qəsəbəyə bir gün ana ilə qızı köçür. Onlar burada xudmani şirniyyat dükanı açırlar və şokolad bişirirlər. Şokoladın tərkibində sanki sevgiyə sürükləyən sirli qüvvələr var və çox keçmədən qəsəbənin sakinlərinin hamısı bu ləzzətdən dadırlar.

Şoderlo de Laklo, “Təhlükəli əlaqələr”

Roman insanların zəif nöqtələri, istək və arzuları uğrunda apardıqları mübarizədə itirdikləri, verdikləri qurbanlar və s. həyəcanlı məqamlarla boldur. Oxumaq məsləhətlidir.

Anna Frank, “Gündəlik”

Anna 15 yaşında  ikən düşərgədə olub. O kitab yazmayıb, ədəbi irsi sadəcə gündəliklərindən ibarətdir. Amma o gündəliklər hər kəsin qəlbinə xitab edib.

Con Faulz, “Fransız leytenantın sevgilisi”

Sevgi haqqında daha bir dəyərli roman. Bu romanın hər bir oxucusu onun müəllifi ola bilir. Sonluq oxucunun ixtiyarına buraxılıb.

Margaret Mitchell, “Küləklə sovrulanlar”

Bu hekayə hər bir qadına tanışdır. Roman sevgi və nifrət, xəyanət və sədaqət və əlbəttə ki, qorxunc müharibə haqqındadır. Kitab hər zaman təkrar oxumaq istədikləriniz sırasında olacaq.

Marqret Etvurd, “Qulluqçunun hekayəsi”

Bu kitab qadınların hüquqlarının həddindən çox pozulduğu dünya haqqındadır. Bu dünyada qadın sadəcə kişinin qulluqçusudur.

Qadınlar bəhanəsiz olaraq bu siyahıdakı kitabları oxumaq üçün vaxt tapa bilərlər. Ola bilsin ki hansısa kitab sənə çoxdandır içindən çıxa bilmədiyin suala cavab tapmağda kömək edə bilər. 

1 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Iceberg