Bakıda hava 24°
USD AZN
EUR AZN
08:50Xəyalə Murad Cüməniz Mübarək! 08:50Xəyalə Murad Sabahınız xeyirli,gününüz aydın olsun,Əziz Qadin.Netlilər!
41013

"Ürəyim bir qitə, sənsən fatehi" (şeir)

ÜRƏYİM BİR QİTƏ, SƏNSƏN FATEHİ

"Ürəyim bir qitə, sənsən fatehi" (şeir)

Sənlə yol gedərəm dumanda, çəndə,

Səninlə çoxalar ömrümün nuru.

Sədaqət, etibar görmüşəm səndə,

Sən aydan arısan, sudan da duru.

 

Mən sirli dünyaydım dərəli-dağlı,

Orda olmamışdı belə at çapan...

Mənim ürəyimin qapısı bağlı,

Ora olmamışdı hələ yol tapan.

 

Üstümə çiləndi səhərin mehi,

Yollardan çəkilib getdi duman-çən.

Ürəyim bir qitə, sənsə fatehi,

Gəlib fəth elədin bu qitəni sən.

 

SƏN MƏNİ BAĞIŞLA, MƏN DƏ Kİ, SƏNİ...

 

Buludlar toqquşdu, ildırım çaxdı,

Elə bil dağ çayı tərsinə axdı.

Ömrümün kövrələn, bu payız vaxtı,

Gəl qovaq yollardan dumanı, çəni,

Sən məni bağışla, mən də ki, səni...

 

Ağ ilə qaranı seçə bilməsən,

Bu qəm adasında köçə bilməsən,

Mənim günahımdan keçə bilməsən,

Vaxtsız çoxalacaq saçımın dəni,

Sən məni bağışla, mən də ki, səni...

 

Dərdin yaxını az, uzağı çoxdur,

Baxtın öz qarası, öz ağı çoxdur.

Onsuz da dünyanın sazağı çoxdur,

Şaxtalar vurmamış çölü, çəməni

Sən məni bağışla, mən də ki, səni...

 

Artıq olan olub, keçən keçibdi,

Dəvələr yuklənib, karvan köçübdü.

Alın yazısını tanrı seçibdi,

Qoyaq ortalığa yaşıl səməni,

Sən məni bağışla, məndə ki, səni...

 

Vaqif Məmmədov

Səslərin sayı: 0
2
392
loading...
Şərhlər
Offline
Sima
SƏN MƏNİ BAĞIŞLA, MƏN DƏ Kİ, SƏNİ...
18 avqust 2019 13:41
Offline
aysel hesenli
Artıq olan olub, keçən keçibdi,

Dəvələr yuklənib, karvan köçübdü.

Alın yazısını tanrı seçibdi,

Qoyaq ortalığa yaşıl səməni,

Sən məni bağışla, məndə ki, səni...
17 avqust 2019 18:14
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!