Vitamin və mineralları nə qədər qəbul etmək lazım olduğuna dair düzgün cavab yoxdur. Bu, insanların həyat tərzi, pəhriz və keçirdiyi xəstəliklərdən asılıdır. Bəlkə də kimsə daha çox kalsiuma ehtiyac duyur, digərləri C vitamininə. Bununla birlikdə bir çox hallarda üç vitamin çatışmazlığına daha çox rast gəlinir.
İmmunoloq Hizer Modey onlar haqqında danışmaq qərarına gəlib. Bunun sayəsində ilk növbədə hansı vitaminləri qəbul etmək lazım olduğunu biləcəksiniz:
1. B vitamini
Bitki və heyvan mənşəli qidalarından B vitaminlərinin bütün növlərini (B12 istisna olmaqla) əldə edə bilərik. Buna baxmayaraq, bir çox insan bu maddələrin çatışmazlığından əziyyət çəkir. Niyə?
Onlar bədənimizin həyat fəaliyyəti üçün istifadə olunur. Detoksifikasiya üçün, enerji, sinir və immunitet sistemlərində. Bədənimiz bir çox funksiyanı yerinə yetirmək üçün bu qrup vitaminlərə etibar edir. Odur ki, B vitamini ilə zəngin qidaların qəbulu yetərli deyil.
B vitamini çatışmazlığı, ümumiyyətlə, bağırsaq problemləri ilə özünü göstərir. B12 çatışmazlığının bəzi ümumi əlamətləri nazik bağırsaqda bakterial böyümə və qıcıqlanmış bağırsaq sindromudur.
2.Sink
Sink bədənimiz üçün vacib bir mineraldir. Zərərli bakteriya və viruslara qarşı mübarizədə immun sistemimizə kömək edir. Sink bədəndə zəruri zülalların yaranmasına da kömək edir.
Çatışmazlığın qarşısını necə almaq olar? Daha çox dəniz məhsulları yeyin. İstiridyə, buğda cücərtisi (səməni suyu) sinklə çox zəngindir.
3. Maqnezium
Bu vitamin də sağlamlığımız üçün vacibdir. Bədənimiz bunun sayəsində 300 biokimyəvi reaksiya həyata keçirir. Təəssüf ki, məhsullarda bunların çoxu yoxdur. Odur ki, immunoloq, vitamin əlavələri qəbul etməyi məsləhət görür.
Maqneziumun müxtəlif formaları var. Hizer Modey maqnezium qlisinat qəbul edir. Bu, narahatlığı azaltmağa və yuxunu yaxşılaşdırmağa kömək edir, həmçinin laksativ təsir göstərmir.
Aytən Məftun(publika.az)
XƏBƏR LENTİ
- ŞƏRHLƏR