Bakıda hava
USD 1.7000 AZN
EUR 1.9478 AZN
23 fevral 20:18Ayla Ayla Dalaka gəldi amma Sabriye yoxdu gören Sude nu udacag?! 23 fevral 20:18Ayla Ayla Surayyə canım Survivora baxıram,Özetdi.Sən də bax
39991

Verilmiş söz (hekayə)

Verilmiş söz (hekayə)

Hər yan ağ rəngə bürünmüşdü. Yer öz üzərinə ağ yorğan salmış, üzərində həkk olmuş müxtəlif izləri gizlətmişdi. Gecənin qaranlığında müşahidə edilən bu bəyazlıq, küçədə utancaq kəslər kimi üzünü yerə dikən işıq dirəklərindən süzülən işıqlar altında gözləri qamaşdırırdı. Əsən zəif külək yerə yığılmış qar topasının vəhdətini parçalayır, onları başqa bir yerə köçürürdü. Sanki bilditmək istəyirdi ki, vəhdət və birlik inhisarlaşmamalı, hər yanı öz əhatəsinə almalıdır.
Kimsəsiz küçələrin birində də həmin vəziyyət müşahidə edilirdi. Tək-tük evlərin küçə qapılarının üzərində yanan işığın şüaları, bu qapılardan birinin kandarında oturan bir kişinin cüssəsini işıqlandırırdı. Kişi tərpənmirdi. Kənardan belə görünə bilərdi ki, onu hərəkətsiz edən kəskin şaxtanın hökmranlığıdır. Lakin, xeyr. Bu kişinin ruhu əsir düşsə də, sərkərdəsi şaxta deyilmiş. Topa-topa yağan qar səkidə oturan kişinin libasını da bəyazlatmışdı. Bəlkə də bir az tərpənsəydi, qarın yaradıcılığını pozacaqdı. Lakin o, heç kəsin işinə qarşımaq istəmirdi. Başını aşağı dikmiş, susqunluqda qəlbinin döyüntü səsləri ilə qarın yağma səsinin ahənginə qulaq asırdı.
Saat 00:30 olardı. Qaranlıqdan yekələrək gözləri daha da qamaşdıran iki işıq göründü. Təkcə yaxınlaşdıqda anlamaq oldu ki, bu, maşının qabarit işıqlarıdır. Qar dənələrini əzə-əzə hərəkət edən təkərlər bir müddət sonra öz xışıltı səsini susdurdu. Maşının qapısı açıldı. İçindən düşən yorğun, balacaboy kişi qapını bağladı. Lakin geri çevrilib bir də yoxladı. Bağlı idi. İrəli gəlib evinin qapısının ağzındakı qar topasını görüb donquldandı. Ayağı ilə təpikləyib qarı o yan-bu yana səpələdi ki, qapının girişi təmizlənsin. Axırıncı təpiyi daha ürəkdən atdı və ayaqqabılardan uçuşan qar parçalarının ardınca baxdı. Qapını döydü, lakin açan olmadı. Yenə də təkrarladı, bir daha, bir daha. İçəridə sönmüş işıqlardan bəlli idi ki, ev əhli yatmışdı. Əlini cibinə atıb mobil telefonunu çıxartdı. Sonra qulağına tutdu:
– Zatuva nəhlət! Balansınız kifayət qədər deyil. Eh! – deyə, qəzəbləndi. Sağ tərəfə çəkilib topa qarın içinə girdi. Küçəyə baxan pəncərəni taqqıldatmağa çalışdı. Cavab verən olmadı. Bir az da bərk döydü: – Ağəz, Gülzar! Auu! Gəl aç da bu sovxaya qalmış qapını! Dondum axı.
Evin işıqları yandı. Pəncərənin pərdəsi kənara çəkildi və gözü yarımaçılı olan bir qadın oradan boylandı. Bir  az da əsəbiləşən kişi dedi:
– Nə marıtddıyırsan üzümə, bilmirsən işdən gələcəyəm? Dur aç qapını. Tez ol, üşüdüm!
Pərdə cəld öz əvvəlki vəziyyətini aldı. Kişi arxaya çəkilmək istəyərkən ayağı sürüşdü və yerə yıxıldı. Keçəl başı yarıya qədər qarın içinə batdı. Yada-gümana gəlməyən üç-dörd söyüş söydükdən sonra bir təhər ayağa qalxıb üst-başını təmizlədi və qəfil gözü qonşu qapıya sataşdı. Həmin kişiyə. Qardan görünməz olan kişiyə.
– Muxtar məllim, sənsən?
– Bəli, mənəm – deyə, üzünü ona tərəf çevirən kişi cavab verdi.
– A kişi, qışın oğlan çağında burda niyə oturmusan? Nolub, sən Allah?

Verilmiş söz (hekayə)

– Heç, ay Elbrus kişi. Sağlığın!
– Bəs evə niyə girmirsən?
– Həyat yoldaşıma demişdim ki, 11-də işdən çıxıb gələcəyəm. Mən isə gecikdim. Evin işıqlarının sönmüş olduğunu gördükdə anladım ki, yoldaşım yatıb. Onu durquzmağa əlim gəlmir.
– A məllim, nə var ki burda? Hıy? – deyə, Elbrus başını irəli uzatdı. – Mən də işdən gəlirəm. İndi evdəkilər yatıb deyə, bayırdamı gecələməliyəm? Sən Allah, gör nəyi şişirtmisən.
– Yox, Elbrus kişi. Axı mən dediyim vaxtda gəlməmişəm. Yazıq, yəqin ki, məni gözləyərək yatıb. Ya da elə bilib ki, gəlməyəcəyəm.
– Gəl keçək bizə. Çay-zad iç, qızış. Qar adamına oxşayırsan.
– Çox sağ olun, bura da yaxşıdır. Sizi narahat etməyim.
– Nə narahatçılığı? İstəmirsənsə, maşının açarlarını verim otur maşında. Ora istidir.
– Yox, təşəkkür edirəm. – Elbrusgilin qapısı açıldı. Şala bürünmüş arvadı bir ərinə, bir də qonşusuna gözünü qırpa-qırpa baxırdı.
Bax da, necə istəyirsən. – deyə, Elbrus arvadını itələyib içəri keçdi.
Qapı bağlandıqdan sonra hər şey əvvəlki halına döndü. Sakitlik və səssizlik. Qısa sürən dialoq Muxtar müəllimin içindəki vicdan əzabını yüngülləşdirə bilməmişdi. O göyə baxıb, başını aşağı dikdi və ah çəkdi. Ağzından çıxan buxar havaya qalxır və gözdən itirdi. Çox keçmədi ki, Muxtarın arxasındakı qapı açıldı. Lakin fikrə getmiş Muxtar bunu hiss etmədi. Qapının arxasından ahəstə səs eşidildi:
– Muxtar? – Hökm sürən sakitlikdə bu səs adi insanların səsi kimi səslənirdi. Qapıdan tələsik çıxan həyat yoldaşı onun üstünə atıldı. – Sənə qurban, bəs burda niyə oturmusan? Başına dönüm, məni niyə durquzmamısan? Ay-vay! Allah məni öldürsün!
Muxtar bir anlıq özünə gələrək ayağa qalxdı. Üzərinə yığılmış qar topaları ətrafa səpələndi. Həyat yoldaşının hərarətli nəfəsini duyar-duymaz həyəcanlandı:
Bağışla məni, sözümün üstündə durmadım. Gecikdim və səni yuxudan oyatdım.
O nə sözdür, əzizim, sən məni bağışla ki, yuxu məni aparıb, səni gözləyə bilməmişəm.
Bir anlıq sükut çökdü. Lakin qəfil səslənən gülüşlər ətrafa yayıldı. Hər ikisi qucaq açıb bir-birilərini qucaqladılar. Muxtarın soyuqdan buzlaşmış nəfəsi qızışdı.
Artıq qar dayanmışdı. Göy üzündə ay – aydın şəkildə görünür və aşağı boylanırdı.

Səslərin sayı: 3
14
2343
loading...
Şərhlər
Offline
Xanim_Xatun
Hər ikisi qucaq açıb bir-birilərini qucaqladılar. Muxtarın soyuqdan buzlaşmış nəfəsi qızışdı.
10 iyun 2015 17:55
Offline
Qəribə
Maraqla oxudum. Cox sagolun.
6 iyun 2015 18:33
imza: Не забывайте благодарить Бога, Он же не забывает будить вас каждое утро.

Iдеальных людей не бывает, цените тех,
кто смог полюбить ваши недостатки.
Offline
Ellada Babayeva
Muxtar kimi bəylər az deyil. yes
3 iyun 2015 00:43
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Aysel İ.
Dəniz84,
Sizinlə razıyam Dəniz xanım.

Həmfikir olduğumuza sevindim mocking
3 iyun 2015 00:24
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Ellada Babayeva
Maraqla oxudum. İki dəyişik xasiyyətli insan biri həyat yoldaşına hörmət edir digəri isə yox.
3 iyun 2015 00:19
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Şəri Babayeva
Maraqla oxudum. Təşəkkür edirəm.
Dəniz84,
Sizinlə razıyam Dəniz xanım.
2 iyun 2015 22:27
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
Fatma xanım
3 dəfə oxuyannan sonra nə baş verdiyini anladım , xöşbəxt o insandıki onun qabağına elə kişi bə ya elə qadın çıxıb , elə ailələri tapmaq çox çox çətindi
2 iyun 2015 16:43
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Aysel İ.
Əzizlərim, bir kişi ailəsi ilə xoş davranmalıdır. Arvadına xoş söz deyən, onu sevindirən ərdən Allah da razı qalar.
Daim arvadı ilə sərt və qaba davranan kişi, məsciddən çıxıb gül dükanına girir. Bir dəstə gül alıb evə gəlir. Qapını döyür. Arvadı tələm-tələsik qapını açan zaman əri ona deyir:
- Əzizim, necəsən? Gör sənə nə almışam.
Çaşqınlıqdan donan qadın bir ərinə bir də gülə baxır. Əlini başına tutaraq qapıdan sovuşub qonşuya tərəf qaçaraq qışqırmağa başlayır:
- Ay ma-ma-aa! Allah, özün kömək ol, kişinin başına hava gəlib!

Yazıq qadın neyləsin fikirləşib ki kişinin başına nə isə düşüb dəlol
Biz hal-hazırda belə bir cəmiyyətdə yaşayırıq ki, normal ailə münasibətləri artıq əsatir hesab edilir. Heç kəsin də müsbət yüklü ailənin mövcudluğuna inamı yoxdur.

Çox şükür romantik sözlər olmasada gül və maraqlı hədiyyələr hər zaman alıram həyat yoldaşımdan. Hətta işdən gələrkən qarşısana gül maqazini çıxmasa yoldan bir gül belə qırıb mənə gətirdiyi olur. Sözünə də hər zaman sadiqdir. Mən əksini etsə elə bilərəm kişi havalanıb)) Ancaq həqiqətən də elə zamanda yaşayırıq ki, kişilər qadının yeri evdir evdə oturmalı uşaqlara baxmalıdır. Bu onun borcudur, mən isə kişiyəm nə istəsəm edə bilərəm deyən ailələr çoxdur. Belə ailələrin də sonu çox zaman acınacaqlı olur.
2 iyun 2015 13:51
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Farid Abdullah
Deyirlər bir gün bir kişi məscidə gəlir. Oturub axundun çıxışına qulaq asır. Görür ki, axund deyir:
- Əzizlərim, bir kişi ailəsi ilə xoş davranmalıdır. Arvadına xoş söz deyən, onu sevindirən ərdən Allah da razı qalar.
Daim arvadı ilə sərt və qaba davranan kişi, məsciddən çıxıb gül dükanına girir. Bir dəstə gül alıb evə gəlir. Qapını döyür. Arvadı tələm-tələsik qapını açan zaman əri ona deyir:
- Əzizim, necəsən? Gör sənə nə almışam.
Çaşqınlıqdan donan qadın bir ərinə bir də gülə baxır. Əlini başına tutaraq qapıdan sovuşub qonşuya tərəf qaçaraq qışqırmağa başlayır:
- Ay ma-ma-aa! Allah, özün kömək ol, kişinin başına hava gəlib!
***
Biz hal-hazırda belə bir cəmiyyətdə yaşayırıq ki, normal ailə münasibətləri artıq əsatir hesab edilir. Heç kəsin də müsbət yüklü ailənin mövcudluğuna inamı yoxdur.
2 iyun 2015 13:13
imza: Həqiqətən də, insanlar nəfslərində olanı dəyişmədikcə, Allah da onlarda olanı dəyişməz.
Offline
Aysel İ.
Dəniz84,
Ayyy allah sizi guldursun Deniz xanim gulmekden gozumden yas geldi

biggrin
2 iyun 2015 13:13
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
zehra
Dəniz84,
Ayyy allah sizi guldursun Deniz xanim gulmekden gozumden yas geldi good

Ferid bey qeleminize sagliq ozunuze gore belkede hansisa meqama diqqet cekmek istemisiniz amma mene catmadi elede tesirlenmedim.Muxtar kisinin veziyyeti heyat yoldasina soz veribde ustunde durmayan qadinin veziyyetini xatirlatdi.bu gunki dovrumuzde bele kisiler yoxdur diablo
2 iyun 2015 12:31
Offline
Aysel İ.
Bu hekayə mənə daha çox nağıl kimi gəldi. Çünki, Sonay deməli Muxtar kimi kişi yoxdur. İkincisi mobil telefon deyilən şey var yəni əlaqə saxlaya bilməyiblər? 3-cüsü Əri şöldə olan qadın heç bir zaman yatmaz. daha doğrusu
Sənə qurban, bəs burda niyə oturmusan? Başına dönüm, məni niyə durquzmamısan? Ay-vay! Allah məni öldürsün!

bu sözləri deyən qadın yatmaz.İnsanın gözünə yuxu getməz.
Qadın kişi evə 11 oldu gəlmədi başlayır deyinməyə "Sən gəl gör başına nə oyun açıram" diablo

12 oldu gəlmədi "Səni evə buraxsam məndən pis adam yoxdu")) am

01:00 Gəlmədi başlayır Allaha yalvarmağa"Ay Allah qurban olum kişim evə sağ salamat gəlsin nəzir verəcəm"
girl_ten
Ən azından belə olur anca kişi gələnə kimi gözünə yuxu getmir. biggrin
Maraqlı hekayə üçün təşəkkürlər Fərid bəy.
2 iyun 2015 09:16
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Sonay Quluzade
Heç Muxtar kimi kişilərin varlığına inanmıram mocking Mənə elə gəlir ki, bütün kişilər Elbrus kimidir. Maraqlı və inanılması bir az çətin hekayədir.
Təşəkkür edirəm.
2 iyun 2015 08:59
Offline
°elif •.°
Maragli hekayedi maragala oxudum tesekkurler give_ros
2 iyun 2015 08:19
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!