Bir çox insan öz potensialını istifadə etməz, çünki daxilindəki sərhədsiz zəka və sevgi xəzinəsinin varlığından xəbərdar deyil. Amma istədiyiniz hər şeyi ordan çəkib ala bilərsiniz. Maqnitli bir dəmir parçası öz ağırlığının 12 qatını qaldıra bilir. Ancaq bu dəmir parçasının maqnit xüsusiyyətini ləğv etsəniz, bir quş lələyini belə qaldıra bilməz.
Eyni şəkildə iki cür insan vardır. Maqnitlənmiş insanlar güvənc və inancla doludurlar. Uğurlu olmaq və qazanmaq üçün dünyaya gəldiklərini bilirlər.
Digərlərinin isə maqnit xüsusiyyəti yoxdur. Onlar qorxu və şübhə ilə doludurlar. Bir fürsətlə qarşılaşdıqlarında-əgər uğursuzluğa düçar olsam, insanlar mənə lağ edərlər- kimi düşüncəyə qapılırlar. Belələri olduqları yerdə saymağı qəbul edib yaşayırlar.
Biri sizə bütün zamanların ən vacib sirrinin nə olduğu sualını soruşsa, necə cavablandınardınız? Atom enerjisi, Qalaktikalar arası səyahət, qara dəliklər? Xeyr, bunların heç biri deyil. O zaman ən əhəmiyyətli sirr nədir?
Cavab son dərəcə sadədir. Ən böyük sirr təhtəlşüurunuzda olan və möcüzələr yaradan möhtəşəm gücdür. Bura insanların ən son baxacağı yerdir; bu səbəbdən bir çox insan bu sirri kəşf edə bilməz.
Yaşadığınız təcrübələr, hadisələr, içində olduğunuz şərtlər və davranışlar düşüncələrinizin təsiri ilə təhtəlşüurunuz tərəfindən yaradılır. Bunu unutmayın; nəticələri ortaya çıxaran şey inanılan şey deyil, zehninizdəki inancdır. İnsanlığın başına dərd olan yanlış inancları, fikirləri, batil inancları və qorxuları qəbul etməkdən əl çəkin. Həyatın gerçək və doğrularına inanmağa başlayın.
Sadəcə bir zehniniz var, ancaq bu tək zehin bir-birindən fərqli xarakteristik iki funksiyalı bölməyə sahibdir. İkisini bir-birindən ayıran sərhəd zehni öyrənən elmə məlumdur. Zehnin iki funksiyası bir-birindən təmamilə fərqlənir. İkisinin də ayrıca əlavəsi və gücləri vardır. Zehnin iki funksiyasını bir-birindən fərqləndirmək üçün bir çox ad istifadə edilir. Bunlar arasında obyektiv və subyektiv zehin, şüur və şüuraltı, səthi və dərin mənlik, erkək və dişi zehin adları vardır. Siz istədiyiniz adı seçə bilərsiniz, məsələn, mən şüur və təhtəlşüur adlarını istifadə etdim. Əsas olan başlanğıc nöqtəsi kimi zehnin ikili təbiətini fərq etmək və tanımaqdlr.
Zehnin iki funksiyasını anlamağın ən yaxşı yolu onu bir bağça olaraq düşünməkdir. Siz də bir bağbansınız. Bütün gün boyunca şüuraltınıza düşüncə toxumları əkirsiniz. Çox zaman bunu etdiyinizin fərqində belə deyilsiniz; çünki toxumların təməlində vərdiş etdiyiniz düşüncə tərziniz var. Şüuraltına (təhtəlşüur) toxum əkdikcə, bədəninizdə və əhatənizdə əkinləri biçərsiniz.
Şüuraltınızı bütün toxumların tumurcuqlanıb səpildiyi münbit bir torpaq sahəsi kimi düşünün. Əgər ora tikanlı bitki əksəniz, misalçun, üzüm toplaya bilərsinizmi, dəvətikanı əksəniz, incir toplaya bilərsinizmi? Hər düşüncə bir səbəb, bir hərəkət, bir nəticədir. Buna görə də düşüncələrinizin nəzarətini ələ keçirmək çox əhəmiyyətlidir.
Bir çox əhəmiyyətli elm adamı, sənətkar, şair, incəsənət adamı, yazıçı və s. öz təhtəlşüurları ilə işləməyin fərqində olublar. Onlara hədəflərinə çatmağa kömək edən güc də bu olub.
Böyük tenor Enriko Karuso bir dəfə səhnə qorxusu yaşamışdı. Güclü qorxunun səbəb olduğu spazmlar boğaz əzələlərini sıxmışdı. Səs telləri iflic olmuş, istifadə olunmaz hala gəlmişdi. Kostyumunu geyib üzü tər içində səhnə arxasında dayanmışdı. Həmin dəqiqələrdə isə səbrsizliklə gözləyən minlərcə izləyici qarşısında Karuso çıxıb mahnı oxumalı idi.
Karuso titrəyərək "Oxuya bilmərəm" dedi. "Mənə güləcəklər. Karyeram məhv olacaq"
Soyunma otağına qayıdanda birdən-birə geri qayıtdı. Sonra dayanaraq bağırdı: "Kiçik Mən, içimdəki Böyük Məni boğmağa çalışır!"
Yenidən səhnəyə doğru gəldi və dimdik durdu. "Çıx buradan!"-deyə əmr etdi. "İçimdəki Böyük Mən mahnı oxumaq istəyir".
Karuso, Böyük Mən ilə təhtəlşüurun sərhədsiz gücünü qəsd edirdi. Bağırmağa başladı: "Çıx! Çıx bayıra! Böyük Mən mahnı oxuyacaq".
Şüuraltı buna içindəki həyat güclərini sərbəst buraxaraq cavab verdi. Karuso bağırmasının (çağırış) qarşılığını alınca səhnəyə çıxdı və mahnısını mükəmməl bir şəkildə ifa etdi. Dinləyənlər sehrlənmişdilər.
Şüur bir gəminin kapitanı kimidir. Gəmini o idarə edir. Motor otağındakı işçilərə əmr göndərir. Bu işçilər növbə ilə qazanlara, alətlərə, ölçülərə və b.-na nəzarət edirlər. Motor otağındakılar haraya getdiklərini bilməzlər, sadəcə əmrləri yerinə yetirirlər. Əgər kapitan tutaq ki, kompasla və ya digər alətlərlə bağlı yanlış təlimatlar verirsə, gəmini qayalara çarpa bilərlər. Nəzarət və məsuliyyət kapitanda olduğu üçün, motor otağındakılar ona itaət edirlər. Kapitan gəminin sahibidir və istəkləri yerinə yetirilir. Eyni şəkildə şüurunuz da gəminizin-yəni bədəninizin, əhatənizin və münasibətlərinizin- kapitanı və sahibidir. Şüuraltınız verilən əmrlərə uyar və əmrlər haqqında sorğu-sual aparmaz.
Əgər özünüzə daim bu işi görə bilmərəm, buna pulum yetməz, məndən yaradıcı insan olmaz, mən sağalmayacağam və s. deyirsinizsə, əmin olun ki, şüuraltınız həmin əmrlərə tabe olur və sizi də həmin mənfi düşüncələrə inandıracaq.
Cozef Mörfi "Təhtəlşüurun gücü"
Bənzər xəbərlər...
XƏBƏR LENTİ
Ətdən çox istifadə hansı fəsadlara yol açır?
Bakıda uşaqlar arasında yoluxucu virus yayılıb
Azərbaycan ərazisində hərbi vəziyyət elan olunub
Gümüş xərçəngə qarşı effektiv vasitədir
Azərbaycan yeni pensiya sisteminə keçir
“Virus mutasiyaya uğrayaraq yenidən yayıla bilər”
Pikassonun tablosu 6,9 milyon dollara satıldı-FOTO
Putindən Azərbaycanın xalq artisti ilə bağlı FƏRMAN
Prezident İlham Əliyev Gəncədə
Unikal əməliyyat keçirildi, beyni yeyən qurd çıxarıldı
Böyük Corc Buş 90 yaşında paraşütdən tullanıb
Yay gəlməmiş bəla gəldi: Tovuzda qadını ilan sancıb
SON DƏQİQƏ: Məşhur aktyor vəfat etdi - FOTO
Hande Ataizinin gözəllik sirri məlum oldu
"Yenə də ad günü... Yenə də palata və mən..."
Ev şəraitində lülə-kabab (foto resept)
“Araz” supermarketlər şəbəkəsində əməkdaşlar arasında COVID-19-a yoluxanlar var? - AÇIQLAMA
Evlilikdən əvvəl 5T qaydası
"Terminator 6" filmindən ilk FOTO
Qatıqlı təzə lobya yeməyi (foto resept)
Adobe Photoshop CS5 Extended x86/x64
Azərbaycanda zəlzələ oldu
Niyə arıqlaya və ya kökələ bilmirik?-2
Ölümün bir addımlığında: Beyin travması
"Stress çarxı" adı altında insanlar necə aldadılır?
Süni ət istehsal edildi
Əl və ayağa qulluq necə olmalıdır?
Xəyallarını de, düşüncələrini göstərim
"Ebola" Qərbi Afrikada 8 mindən çox can alıb
Azərbaycanda kolleclərə qəbulda yenilik
Xəstəliyim yoxdur, amma xəstəyəm...
Uşağı "pis yetişdirməyin" yolları (Son)
Online nikah mümkün olacaq - UKRAYNADA
Mariya Şarapova ərə gedir
Yayın trendi; həsir çantalar
"Facebook"a qarşı sərt tədbirlər görüləcək
“Skype”da inanılmaz səhv
Azərbaycanda uşaqlarla bağlı yeni qaydalar qüvvəyə mindi
Hansı brauzer daha populyardır?
Azərbaycanda şaxta olacaq
Toyunuzdan əvvəl detoks edin
Günün qoroskopu: mövqelərinizi möhkəmləndirin
BÜRCLƏR bizə nə vəd edir? - 25 mart
Dərslərə az qaldı...
İjevsk salatı
Qadın.Net-lilər üçün avatarlar
Bu gün Lavrov və Çavuşoğlu Rusiyada Qarabağ məsələsini müzakirə edəcəklər
Bakıda Türkiyə Mədəniyyəti Günlərinin açılış mərasimi keçirilib
Qəbələdə mürəbbə festivalı keçirilir
Makaron haqqında bunları bilmirdiniz!
- ŞƏRHLƏR