Amerikalı yazıçı Sarah Jio son dövrlərin ən çox oxunan əsərlərinin müəllifidir. Onun bir-birindən maraqlı romanları (“Yağmur sonrası”, “Mart menekşeleri”, “Son Kamelya”) dünya oxucularına milyonlarla tirajla çap olunmaqla çatır. Xanım yazıçının maraqlı romanlarından biri də “Böyürtkən qışı” əsəridir. Axıcı dili, təsirli hekayələri, təəccübləndirən sonluqları ilə tanınan yazıçı bu əsərində də oxucuların diqqətini çəkməyi bacarmışdır. Bəs sevgini, ümid və ümidsizliyi bir arada canlandıran bu əsərdə söhbət nədən gedir?
Əsərin ilk diqqət çəkən obrazı həyatın hər çətinliyi ilə qarşılaşmağa özünü hazırlayan Vera Raydır. Amma Vera özü də gözləmədiyi bir fəlakətlə qarşılaşanda nə qədər gücsüz olduğunu, olanlarla tək başına mübarizə apara bilməyəcəyini bütün dəhşəti ilə anlayır.
1933-ci ilin may ayında gözlənilmədən qasırğalı qar yağır. Vera hər gecə soyuq evdə uşağını, tək ümidi olan oğlu Danieli evdə tək qoyub otelə xidmətçilik etməyə gedir. O, bunu Danielin qarnını doydurmaq üçün məcburən edir. Amma qarlı may gecəsindən sonra səhərə yaxın yorğun halda işdən evə qayıdan Vera bir an öncə oğlunu bağrına basmaq ümidi ilə onun yatağına baxanda gördükləri qarşısında həyatı alt-üst olur. Yataq boş, 4 yaşlı oğlu isə sirrə qədəm qoymuşdu.
İllər keçir, 80 il sonra eyni ayın eyni günündə eyni qasırğa müşahidə olunur və qar yağır. Artıq 2013-cü ildir. Müxbir Claire bu qeyri-adi hava haqqında məqalə yazmaq üçün keçmişə qayıdır və təsadüfən 80 il əvvəl eyni gündə baş verən uşaq itməsini araşdırmağa başlayır. Claire bilmirdi ki, bu araşdırma onu heç gözləmədiyi yerlərə aparıb çıxaracaq.
Vera kimi Claire də övlad itirməyin nə olduğunu bilir, ona görə də bu hadisəyə çox həssaslıqla yanaşır. Veranın şəxsiyyətini araşdırdıqdan sonra onun özü ilə bir çox cəhətdən oxşar olduğunu qəbul edir.
Vera 1920-ci illərdə rəfiqələri ilə bir evdə qalır. Onların qaldığı ev şəhərin yoxsul məhəlləsindədir. Bir gün xidmətçi işlədikləri oteldəki tədbirə qonaq qismində risk edərək iştirak edirlər və Vera o gecə orada yüksək təbəqədən olan Çarleslə tanış olur. İlk vaxtlar Vera Çarleslə öz aralarında olan təbəqə fərqinə görə ondan qaçır, amma Çarles heç də başqa zənginlər kimi olmadığı üçün Veranın səfilliyini vecinə almadan onunla israrla münasibət qurur. Onlar birlikdə çox xoş aylar keçirirlər. Çarlesin fikri ciddidir və o, Veraya evlənmək təklif edib onu valideyinləri ilə, şəhərin ən zəngin, ən tanınmış ailəsi olan Kensinqtonlarla tanış etməyə aparır. Çarlesin bacısı Josefina Veranı Çarles onunla evlənəcəyi təqdirdə onu bütün mirasdan məhrum edəcəkləri ilə hədələyir. Vera bu pisliyi Çarlesə etmək istəmir və Çarlesin bütün səylərinə baxmayaraq Vera ondan ayrılır və onun hamilə olduğunu Josefinadan başqa heç kim bilmir.
Artıq Danielin 4 yaşı var, Vera onun qaçırılmasından sonra özünə gələ bilmir, işə getmir və işdən də qovulur, polis Veranın dedikləri ilə demək olar ki maraqlanmır. Çünki onlar aşağı təbəqəyə mənsub idilər. Veranın tək əlacı ona uşağını tapacağını vəd edən zəngin Lonla bir gecə keçirtməkdir. Səhər isə aldadıldığını bilən Vera Çarlesin evinə gedib həqiqəti demək istəyir, amma Çarles artıq evlidir, ata olmağa hazırlaşır. Vera bütün dünyadan ümidini üzüb yaxınlığdakı gölə tərəf gedir.
Bəs Verayla Clairenin ortaq cəhətləri nədir? Claire qəzetdə müxbirdir, eyni zamanda qəzetin rəhbəri olan ailənin oğlu Ethanla evlidir. Bir il əvvəl ana olmağa hazırlaşan Claire qaçışla məşğul olarkən onu maşın vurur və o, uşağını itirir. Bundan sonra onunla Ethan arasında soyuqluq başlayır. Əri üzə vurmasa da, bu qəzadə Claireni günahkar bilir və Claire bunu hiss edir. Göz görə-görə ailəsi hər gün bir az daha dağılır. Claire artıq qaçışı tərgidib. Bütün vaxtını araşdırdığı məqaləyə həsr edir. Çox gərgin araşdırmalardan sonra o zaman vəkil işləmiş bir adamın sənədlərini araşdırır və Danielin bibisi Josefina tərəfindən qaçırıldığını, Veranın isə intihar etmədiyini, yenə də Josefina tərəfindən öldürüldüyünü öyrənir. Bütün bunları qəzetdə yerləşdirmək istəyəndə isə o ailənin əri Ethan ilə qohum olduğunu öyrənir və çoxdandır axtardığı Daniyelin əslində öz qaynatası olduğunu bilir. Daha sonra nə baş verir? Claire arası soyuq olan ərinin etirazlarına baxmayaraq bu məqaləni qəzetdə çap etdirəcəkmi? Danielin bu işə münasibəti necə olacaq? Bütün bunlar sizin üçün maraqlıdırsa, o zaman buyurun, romanı oxuyun.
XƏBƏR LENTİ
14 fevral - Hərbi Hava Qüvvələri Günüdür
Mozaik tortlar
İmtahan verəcək abituriyentlərin nəzərinə!
Azərbaycanda buraxılış və qəbul imtahanları ilə bağlı son qərarlar açıqlanır - CANLI YAYIM
Castin Biber xanımından danışdı-FOTO
Ən uyğun vaxtı bilək
"Artıq ət" nə vaxt kəsilməlidir?
Azərbaycanda turizmin yeni növü yarandı
Kliçko Yanukoviçlə razılığa gəldi
Azərbaycan neftinin qiyməti dəyişdi
Kürəkdəki sızanaqlardan necə xilas olmalı?
Cüdoçumuz Avropa çempionu oldu
"Ölü" su içirsiniz?
2018-in gəlin saç düzümləri
Qadın.netlilərin pis vərdişləri
Zövqlü toy donları
Beş aylıq fasilədən sonra aviabiletlərin satışı başlayır - VİDEO
“Bakı yüksəliş yolundadır”
Qış gəldi, dərd gəldi
Cəlbedici gözlər
Vaksin hazırlanana qədər koronavirusa qalib gəlməyin yolu açıqlandı
Çağırışçılar üçün yeni xidmət işə düşdü
Şahdağda qiymətlər endiriləcək?
Azərbaycanlılar Türkiyənin daşınmaz əmlak bazarında beşincidir
"Sürücülər sükan arxasında telefonla danışır, bazarlıq və digər problemlərini həll edirlər"
Yonca Evcimik 56 yaşını belə qeyd etdi-FOTO
Azərbaycan polislərinə yeni silah veriləcək
Naxçıvanda zəlzələ oldu
Mətbəxdə işləri asanlaşdıran əşyalar
İnsanların həyatını asanlaşdıran 7 texnologiya
Monitorinq başa çatıb
Plombir tortu (foto resept)
Superlüks Lexus LX 570
Türkiyə Milli Müdafiə Nazirliyi: “Əmin-amanlığın bərpa prosesini yaxından izləyəcəyik” - VİDEO
Ənənəvi Braziliya karnavalı başlayıb
Yaşlanmağı gecikdirmək üçün qızıl təkliflər
İdeal saç və geyim rəngi
"Ağıllı" saatlar Berlində nümayiş olunacaq
Bakıda 700 sərnişin avtobusu kart sisteminə keçəcək
Həccin vaxtı açıqlandı
Hikmət Hacıyev Ermənistanın təxribatı barədə bəyanət verib
Azərbaycanda tətbiq olunacaq yeni COVID-19 testlərilə bağlı BİLMƏDİKLƏRİMİZ
Sofia Vergaranın gözəllik sirləri
Bədəndə suyun çatışmadığını göstərən 10 əlamət
Şeymadan yeni FOTO
Smartfonların zərərli şüasından qoruyan EKRAN YARADILDI
Dovşanı necə qarşılamaq lazımdır?
Dilan Çiçek "Sinbad"a çəkilmək istəyir
Sobada əzilmiş kartof (foto resept)
Aerokriopilinq - dərinin soyuq hava ilə müalicəsi
- ŞƏRHLƏR