"Görünür, Rusiya-Azərbaycan münasibətləri bu münaqişənin nizama salınmasını müəyyən dərəcə yaxınlaşdırır. Ən azı, biz münaqişənin müxtəlif həll variantları üzrə daim danışıqlar aparırıq". ANS PRESS-in məlumatına görə, bunu Rusiya Dövlət Dumasının komitə sədrinin müavini Tatyana Moskalkova deyib. O bildirib ki, münaqişə zonasında insan tələfatının olmaması vacibdir: "Bir müddət öncə Rusiyada Azərbaycan və Ermənistan parlament üzvlərinin görüşü baş tutmuşdu. Orada müsbət nəticələr əldə olunmuşdu. Bu sahədə səyləri artırmaq lazımdır. Ayrı-ayrı sahələrdə (humanitarlar, iqtisadi, mədəni) əlaqələri yaxşılaşdırmaq lazımdır", - deyə Tatyana Moskalkova bildirib. O həmçinin dostluq qrupları və birgə komissiyalar ərasında əməkdaşlıq mövcuddur: "Məsələn, Rusiya-Azərbaycan inteqrasiya əlaqələrini biz komissiya çərçivəsində inkişaf etdiririk. Biz miqrasiya məsələlərini yeni nizama salınmasına çalışırıq. Samur çayında yeni körpüylə bağlı problemləri həll etmişik. Rusiya-Azərbaycan sərhədində vahid pəncərə sistemi yaradılır. Hüquq-mühafizə sistemi sahəsində Rusiya-Azərbaycan birgə əməliyyatlar aparır. Narkotrafiklə mübarizədə və spirtli içkilərin qeyri-leqal dövriyyəsi sahəsində də yüksək nəticələr əldə olunub". O, həmçinin Rusiya-Azərbaycan arasında humanitar və parlamentlərarası əlaqələrinin inkişafına diqqət çəkib: "Azərbaycan parlamentinin komitələri və Rusiya Federasiyasının Dövlət duması birgə işləyir. Azərbaycan prezidenti İlham Əliyev ötən il Rusiya parlament nümayəndə heyətini qəbul edib. Bizim üçün çox əhəmiyyətli görüş idi", - deyə Rusiya Dumasının komitə sədrinin müavini söyləyib. Rusiya Federasiya Şurasının üzvü, senator İqor Morozov da öz növbəsində Ermənistan və Azərbaycan Dağlıq Qarabağ münaqişəsi ilə bağlı danışıb. O bildirib ki, iki ölkə arasındakı sülh danışıqları prosesinin daim dəstəkləmək əhəmiyyətlidir: "Bu mürəkkəb, dondurulmuş münaqişənin tamamlanması, danışıqlar predmetidir. Burada münaqişə tərəfləri bir-birinə güzəştə getməlidir", - deyə İqor Morozov söyləyib.
Mənbə: ANS PRESS
XƏBƏR LENTİ
- ŞƏRHLƏR