Koronavirusun yayılmasına qarşı şəhərləri bağlamaqdan daha effektiv yol təklif edilib
846
0
Koronavirusun yayılmasının qarşısını almaq üçün şəhərlərin bağlanmasından daha effektiv bir yol var, o da cərimələrin sərtləşdirilməsidir.
Qadin.Net bildirir ki, TASS-ın məlumatına görə, bu barədə rusiyalı virusoloq və professor Viktor Zuyev bildirib.
Onun sözlərinə görə, maska taxmaq virusdan qorunmanın ən təsirli yoludur və əhali bunun əhəmiyyətini dərk etmirsə, sərt tədbirlər görülməlidir.
“İqtisadiyyatla əlaqəli səylərimizi qısaltmağa ehtiyac yoxdur... İşə getməyi dayandırmaq da lazım deyil, bu cür insanlar, bir sıra ölkələrdə olduğu kimi, cərimələnməlidirlər”, - deyə Zuyev bildirib.
Qeyd edək ki, son məlumatlara görə dünyada 37 749 569 nəfərdə koronavirus aşkarlanıb. Virusdan 1 081 446 xəstə ölüb, 28 360 010 nəfər sağalıb.
XƏBƏR LENTİ
