Ağ Evdə mətbuat konfransı keçirən ABŞ prezidenti Donald Tramp mühafizəçilər tərəfindən heç bir izah verilmədən aparılıb.
Publika.az xəbər verir ki, hadisə canlı yayın vaxtı baş verib.
Trampın diqqətini mətbuat konfransının əvvəlində təhlükəsizlik işçisi çəkir.
Daha sonra o, prezidentin qulağına nə isə dedikdən sonra ABŞ-ın dövlət başçısı mühafizəçiləri ilə birlikdə konfransın keçirildiyi ərazini tərk ediblər.
Daha sonra jurnalistlərin qarşısına çıxan Tramp bunları deyib: “Ağ Evin yaxınlığında atışma baş verib. Məxfi xidmətə təşəkkür edirəm. Bir nəfər yaralanıb və o, xəstəxanaya aparılıb. Vəziyyəti barədə məlumatsızam”.
ABŞ-ın gizli xidməti Ağ Ev yaxınlığında baş verən atışmanın təfərrüatını açıqlayıb.
Müvafiq açıqlama şöbənin “Twitter” hesabında yerləşdirilib.
Binaya hücum edənin 51 yaşlı bir kişi olduğu qeyd olunur.
Həmin şəxs axşam saat 6-da gizli xidmətin əməkdaşına yaxınlaşıb. O, silahlı olduğunu deyib və silahını çıxarmağa macal tapmamış, asayiş keşikçisi cəld tərpənib və naməlum şəxsi yaralayıb.
Daha sonra şübhəli şəxsə tibbi yardım göstərilib və o, xəstəxanaya aparılıb.
ABŞ gizli xidmətinin əməkdaşının hərəkətləri ilə bağlı daxili araşdırma aparacağı bildirilir.
Qeyd edək ki, ABŞ Prezidenti Donald Tramp Ağ Evdə mətbuat konfransı keçirən zaman küçədən atışma səsi eşidilib və mühafizəçi dövlət başçısını zaldan çıxarıb. Şübhəli şəxs zərərsizləşdirildikdən sonra Tramp zala qayıdıb və hadisənin onunla əlaqəsi olmadığını deyərək, konfransı davam etdirib.
XƏBƏR LENTİ
