Epidemiya dövründə telefonların hansı yolla istifadəsi təhlükəsizdir? - FOTO
35 543
0
Koronavirusa qarşı tədbir üçün cib telefonlarını streç üzlüklə sarıyıb, istifadə etmək məsləhət görülür.
Qadin.Net bildirir ki, “HaberGlobal”ın məlumatına görə, bunu türkiyəli professor Hüsnü Pullukçu bildirib.
“Cib telefonları həyatımızın çox hissəsini əhatə edir. Demək olar ki, bütün günü əlimizdə olur, üzərinə çoxlu bakteriya və virus toplanır”.
O, epidemiya dövründə telefonlardan düzgün istifadənin iki yolu olduğunu bildirib:
“Telefonunuz suya davamlıdırsa, dezinfeksiyaedici vasitə ilə təmizləmək, yaxud spirt hopdurulmuş dəsmalla silmək lazımdır. Əks təqdirdə, telefon istifadəsi bizim üçün təhlükəli ola bilər. Səhər streç üzlüklə sarıdıqdan sonra, axşam evə gəldikdən sonra onu çıxarmaq kifayət edəcək”.
Professor streç üzlüyə sarıldıqda belə telefona toxunduqdan sonra əlləri üzə və gözə vurmamaq barədə xəbərdarlıq edib.
O, həmçinin, bir çoxlarının bu dövrdə plastik qaba üstünlük verməsini yanlış addım adlandırıb:“Plastik səthlər şüşələrə nisbətən virusu daha uzun müddət (müxtəlif məlumatlara görə, 4-7 gün) özündə saxlayır. Buna görə, şüşə qablardan istifadə daha məqsədəuyğundur”, - deyə o bildirib.
XƏBƏR LENTİ
