Norveçin rəsmi adı Norveç Krallığıdır (norveççə: Kongeriket Noreg). Şimali Avropada yerləşən Skandinaviya yarımadasının qərbində bir ölkədir. Finlandiya, İsveç və Rusiya Federasiyası ilə qonşu olan ölkənin qərbdə Atlantik Okeanının bir qolu olan Norveç dənizinə sahili vardır.
Konstitusiyalı monarxiya ilə idarə olunan ölkənin paytaxtı Oslodur. 324,220 km ² sahəyə yayılan Norveçin, Finlandiya ilə 729, İsveç ilə 1.619, Rusiya ilə 167 kilometr sərhədi var və 21.925 kilometrlik çox uzun bir sahil zolağı vardır.
Norveç, İsveçrə ilə birlikdə Avropanın ən inkişaf etmiş ölkəsidir. Birləşmiş Millətlər Təşkilatının qaynaqlarına görə həyat standartlarının zirvədə olduğu ölkədir. Digər tərəfdən, cinayət nisbətinin ən aşağı olduğu ölkədir. Ölkədə ildə bəzən bir və ya iki cinayət hadisəsi qeydə alınmaqdadır. Buna baxmayaraq ölkədə intihar hadisələrinin sayı çox yüksəkdir.
Norveçdə ictimai dövlət anlayışına, şəxsiyyətə dəyər verilir. İctimai təhlükəsizlik sistemi çox yaxşı inkişaf etmişdir.
Norveç həm də NATO ölkəsidir. Şimal qütbündə Rusiya ilə ABŞ arasında tarazlayıcı rola malikdir.
Avropanın ən bahalı ölkəsidir.
Norveçin milli bayramı.
Norveçdə 17 May Konstitusiya günü olaraq qeyd edilir . Milli bayramlarda xüsusilə gözəl geyimlər geyinilir. Bir çoxları "bunad" və ya digər milli kostyumlarda olurlar. Səhər uşaq keçid mərasimləri təşkil edilir.
Məktəb uşaqları keçid halında gedərkən əllərində Norveç bayraqları daşıyır və mahnılar söyləyirlər. Günün irəliləyən zamanlarında məktəb, park və qəsəbə, ya da şəhər mərkəzlərində müəyyən yığıncaqlar təşkil edilir. 17 May eyni zamanda uşaq bayramı olaraq da qeyd edilir.
Norveç mətbəxi.
Norveç mətbəxi əsasən balıq yeməklərindən ibarətdir. Balığı balla yemək kimi bizim çox vərdiş etmədiyimiz bir yemək mədəniyyətinə sahibdirlər.
Norveçin qərb sahillərində olan fyordlar dünyaca məşhurdurlar. Hər bir fyord özünə xas bir quruluşa və xüsusi cazibəyə malikdir. Ən uzun və ən gözəl mənzərəyə sahib olanlar Geirangerfjorddadır. Dünyanın ən uzun fyordu sayılan Sognefjord burada yerləşir. YUNESKO-nun "Dünya mirası" hesab etdiyi Naroyfjord, bu fyordun bir qoludur. Ölkənin qərb sahillərində yerləşən Bergen şəhəri fyordlara tamaşa etmək üçün ən əlverişlı yerdir.
Ölkənin qərb sahillərinin cənub hissəsi köhnə taxta evlərlə bəzənmişdir. Bu hissələr, sakit yaşıl sahələr və uzun ağ çimərliklərlə örtülüdür.
Ölkənin şimal bölgələri təbiətin bəxş etdiyi fərqli işıq görüntüləri (The Northern Lights) və gecə yarısı səmada görünən (24 saat boyunca üfüqdə günəş görünür) günəşin təqdim etmiş olduğu fövqəladə görüntülər (The Midnight Sun) insanın ağlını başından çıxaracaq qədər gözəldir. Norveçin şimal ucu (The North Cap), dəniz səviyyəsindən 307 metr yüksəklikdədir. Norveçin ikinci böyük buz qayaları olan Svartisen dünyadakı ən güclü anafor olan Saltstraumen və sahil boyunca yüksələn möhtəşəm dağlar insanı heyrətə gətirəcək mənzərələrdəndir.
Ölkənin cənub hissəsi; gözəl təbiət mənzərələri və çoxşahəli şəhər həyatı ilə diqqəti cəlb edir. Cənubda yerləşən istər paytaxt Oslo, istərsə də fyordlar, dağlar və meşəlik təpələr insanı ovsunlayan coğrafi quruluşa malikdir. Cənubda Lillesand, Tvedestrand, Risor, Brekkesto və Gamle kimi kəndlər bir sahil incisidir. Cənub bölgəsi, xüsusilə Telemark bölgəsi xizək həvəskarlarının ən sevimli məkanlarındandır.
XƏBƏR LENTİ
- ŞƏRHLƏR