26.03.2016-16:15

• Mütləq bilməlisiniz

105 373

67

Psixoloqlar sehrbaz və maqlar kimi bir səslə söyləyirlər ki, borc almaq və vermək olmaz. Onların bir qrupu belə hesab edir ki, borc - həm alan, həm verən üçün stressli bir haldır. Sehrbazlar isə bunu enerjinin  tükənməsi ilə əlaqələndirirlər. Beləliklə, borc vermək olarmı?

Bəli, əgər ...
 * borca verilən pul kiçik məbləğdirsə;
 * sizdə "artıq" pul varsa;
* borca istənilən pul doğrudan da lazımlıdırsa və siz həqiqətən kömək etmək istəyirsinizsə.
Yox, əgər ...
 * borc pul verdiyiniz şəxsin pulu qaytaracağına əmin deyilsinizsə;
 * özünüzə pul lazımdırsa;
 * borca görə münasibətlərinizin pozula biləcəyindən qorxursunuzsa (əksər hallarda borc pulu verə bilməyən həmin şəxs sizinlə qarşılaşmaq istəməyəcək!);
 * çox böyük miqdarda pul istənilərsə və bu pulu vermək üçün çətinliklər yaranarsa;
* borca pul verdiyiniz kəs "borc kağızı" imzalamaq istəməzsə.

 Əgər borca pul verə bilmirsinizsə, onda düşünmək üçün zaman istəyin. Sizi əmin edirəm ki, siz mütləq yaxın adamınızı incitməmək şərtilə borc pul verməmək üçün bəhanə tapacaqsınız. Belə formada da söyləyə bilərsiniz: "Həqiqətən də münasibətlərimizin pozulmağını istəməzdim!"

 Yadda saxlayın, "sözdə" qaytarılacaq borc bəlkə də heç vaxt qaytarılmadı! Belə bir halda "sözlərlə" məhkəməyə müraciət etmək olmaz!

 Borc haqqında müqaviləni mütləq imzalatmalısınız. Belə müqavilə formasını internetdə tapın, çap edib doldurun. Əgər borca verilən pulun məbləği böyükdürsə, girov alın. Adətən, belə girovu borc qaytarılmadıqda satıb pula çevirmək olur. Qızıl əşyaları bu planda universal variant ola bilər. 
Ən geniş yayılmış variant - yazılma sənəd formasıdır. Belə formanı özünüz də yazıb notariusda təsdiq etməlisiniz. Borc qaytarılmadıqda bu sənədlə məhkəməyə müraciət etmək olar.
Əgər məbləğ böyükdürsə, bu üç variantı birləşdirmək də olar. 
Borc haqqında sənədi necə yazmaq olar?

Sənədi borc verdiyiniz şəxs özü yazmalıdır. Sənəddə aşağıdakılar öz əksini tapmalıdır:
* SAA (soyad, ad, atasının adı), ünvan və borc alan şəxsin şəxsiyyət vəsiqəsindəki məlumat;
* SAA, ünvan və borc verən şəxsin şəxsiyyət vəsiqəsindəki məlumat;
* borca verilən məbləğ (rəqəmlərlə);
* borcun verilmə və qaytarılacaq tarixi;
* borcun faizlə və yaxud faizsiz qaytarılmasının qeyd olunması;
* qeyd olunmuş tarixdə borc qaytarılmadığı halda nə baş verəcək? (bu punktu çox zaman qeyd etmək yaddan çıxır);
* sənədin yayılma tarixi və yeri;
* imza.

  Deyirlər ki, siz "gərəksiz" pulu borc verməlisiniz. Amma dostluğunuzun qorunub saxlanılması naminə pullarınızdan imtina etməyə hazırsınızmı? Əzizlərim, bəs siz necə? Verdiyiniz borcu ala bilirsinizmi və ya bu məsələlərlə əlaqədar fikirlərinizlə paylaşa bilərsiniz?

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Gozellik ilahesi