İndi bu sual haradan çıxdı deyə düşünə bilərsiniz. O zaman əvvəldən söyləyək: ötən günlərdə İngiltərədə şiddətli baş ağrısı səbəbiylə xəstəxanaya gedən birinin hörümçək qorxusundan tamamilə xilas olduğunu bilirdinizmi? Türkiyədə də məşhur və məhşur olmayan qadınlara həyatlarından çıxarmaq istədikləri qorxuları barədə sorğu aparılıb. Gəlin, onlara bir nəzər yetirək.
Bennu Gerede (foto sənətçisi)
Açığı çox böyük qorxularım yoxdur. Amma yenə də iflic olmaq kimi həyat funksiyalarımı itirmə qorxumu çıxarmaq istərdim.
Şenay Akay (model)
Xüsusilə qardaşım oğlu doğulduqdan sonra uşaq sahibi olmağın nə demək olduğuna daha yaxından şahid olaraq sevdiklərimi itirmək qorxum artdı.
Atiye (müğənni)
Qorxu deyil hiss desəm: səksənmək. Bu hissimi çıxarda bilsəydim, həyat mənim üçün daha asan olardı. Çünki səssizlikdə ya da bir düşüncəyə dalarkən ani bir səs, hərəkət belə məni səksəndirir və o anda sanki nəfəs ala bilmirəm.
Simin Bıçakçıoğlu (ralli pilotu)
Timsahlardan çox qorxuram. Belə bir imkan olsa, timsah qorxumun çıxarılmasını istəyirəm. İkincisi isə köpək balıqları.
Nazlı Soylu (stilist)
Hörümçək fobiyam var idi. Şüuraltı təmizliyi sayəsində bu qorxumu aşdım.
Deniz Berdan (stilist)
Ailə üzvlərindən birini itirməkdən, ya da başlarına pis bir iş gəlməsindən çox qorxuram. Öz ölümümdən belə o qədər qorxmuram. Amma onlara bir şey olduğunu düşünmək belə istəmirəm.
Özge Ulusoy (model)
Siçandan çox qorxar və diksinirdim. Amma Survivor proqramı sayəsində bu qorxum yox oldu. Təklik də məni qorxudur. Evdə tək olmağı belə sevmirəm. Bu səbəblə tez-tez böyük bacımgildə qalıram.
Anjelika Akbar (musiqiçi)
Mənim heç bir qorxum yoxdur. Mənim mənəvi bir böyüyüm deyir ki, "qorxduğun bir şey varsa, demək ki, bunu daxilindən tələb edirsən. Tələb edirsənsə, o mütləq olacaq". Yəni bu dünyada qorxu ilə əlaqədar qayda elə işləyir. Ona görə bir şeydən ya qorxmayacağıq, ya da qorxduğumuzu yaşamağa hazır olacağıq.
Özlem Yıldız (model)
Belit Şenol (jurnalist)
Sevdiklərimi və onların sevgilərini itirməkdən çox qorxuram. Beynimdən bununla əlaqədar bir parçanın çıxarılmasını istərdim.
Ceylan Hastürk Acar (tərcüməçi)
Göyərçindən qorxuram. Zarafat deyil, belə bir fobiyam var. Ornitofobiya: hətta küçədə belə gəzə bilmirəm. Kaş ki, belə bir qorxum olmasaydı!
Tuğçe Kalkavan (tələbə)
İki şey məni qorxudur: Qaranlıq və tarakanlar. Bu qorxularımın yox olmasını istərdim.
Bürc Kocatüfek (stamotoloq)
Kiməsə zərər vermək qorxum var. Beynimdən çıxarılmasını istəyirəm.
Deniz Lağ Limni (qrafikçi)
Kloun qorxum çıxsın istəyirəm. Çünki klounlar uşaqlığımdan bəri məni çox narahat edir.
Pınar Qərb (evdar qadın)
Yüksək bir yerə çıxınca aşağıya baxa bilmirəm. Bu qorxumu məğlub etmək üçün hər metodu sınayaram.
Yaxşı bir imkan olsa, siz hansı qorxunuzu itirmək istəyirsiniz?
XƏBƏR LENTİ
- ŞƏRHLƏR