Sobanı yandırın. Dolabdan bir qab, bir qaşıq, bir qəlib və tort üçün lazım olan başqa şeyləri çıxarın. Qəlibi yağlayın. Qozları sındırın.
Mətbəx masasının üzərindəki yeddi oyuncaq avtomobili və on səkkiz konstruktor parçasını götürün. İki fincan un ölçün. Conninin əllərini unun içərisindən çıxarın və üzərindəki unu təmizləyin. Un, şəkər v ə kakonu ələyin. Süpürgə və xəkəndazı götürüb Conninin sındırdığı qabın sınıqlarını yerdən təmizləyin. Başqa bir qab götürün. Qapının zənginə cavab verin. Mətbəxə qayıdın. Conninin əllərini kakaonun içərisindən çıxarın və üzərindəki kakaonu təmizləyin. Yumurtaları götürün. Bir qabın içərisinə sındırın. Telefona cavab verin. Geri qayıdın. Yağlanmış qəlibi götürün. Qəlibin içindəki bir santimetr qalınlığındakı duzu təmizləyin. Tort qəlibinə duz tökdükdən sonra "aradan çıxan" Connini axtarın. Mətbəxə qayıdın və Connini mətbəx masasının başında tutun. Əllərini qabın içərisindən çıxarın, üzərindəki un, şəkər, kakao və sairəni təmizləyin. Yağlanmış qəlibi yenidən götürün və içindəki qoz qabıqlarını atın. Yenidən tort qəlibinə qoz qabıqlarını tökdükdən sonra "aradan çıxan" Connini axtarın. Yenidən mətbəxə qayıdın. Yeri təmizləyin. Masanı təmizləyin. Divarı təmizləyin. Qabları yuyun. Tort mağazasına zəng edib bir ədəd tort sifariş verin. Sobanı söndürün və gözləyin...
P.S. Yazini olduğu kimi vermək istədim. Ona görə də Conni adini özümüzünküləşdirmədim.
XƏBƏR LENTİ
- ŞƏRHLƏR