09.02.2013-01:50

• Saçlara qulluq

80 705

74

    Əziz xanımlar, sizi daha gözəl göstərən saçlara qulluq etməyin də öz qaydası var. Əsas üsullardan biri onların düzgün yuyulmasıdır. Saçları tez-tez, qaynar su ilə yumaq ziyandır. Saçlarınızı yuyanda ilıq, yaxalayanda isə soyuq sudan istifadə edin. Saçınıza düşən şampunlardan istifadə etmək də əsas şərtlərdəndir. Çalışın ki, onları otaq temperaturunda qurudasınız, əgər fendən istifadə edirsinizsə onu saçlarınıza çox yaxın tutmayın. Saçları tam qurumamış darayın. Saçlarınızı hər gün müxtəlif istiqamətlərdə yumşaq daraq ilə darayın. Onları dararkən dərini də masaj etmək lazımdır, bu , saçların yaxşı uzanmasına, onların toz və qabıqdan təmizlənməsinə kömək edər.   Saçların qabıq verməməsi üçün 100 qr gicitkan köklərinin üstünə 0.5 l sirkə, 0.25 l su töküb yarım saat qaynadın, soyuyandan sonra süzüb hər gün başın dərisinə çəkin.   Saçları bərk hörmək olmaz , bu, qan dövranını pozur və onların tökülməsinə gətirib çıxarır. Sarışın xanımlar saçlarını yuyarkən axırıncı dəfə çobanyastığı çiçəklərinin dəmləməsi ilə yaxalaya bilərlər. Ağ saçlı qadınlar saçlarını lil(sinka)qatılmış su ilə yaxasalar saçlarının sarılığı gedər və gözəl ağ rəng alar.

   Quru saçları isə həftədə birdəfə yumaq lazımdır:belə saçları olan xanımlar başlarını isti su ilə yumamalı, isti hava ilə qurutmamalıdır.

İmkan daxilində ayda 2-3 dəfə başınızı yumamışdan əvvəl qidalandırıcı kompres edin: 2 yumurta sarısına 2 çay qaşığı bitgi yağı, 1 xörək qaşığı su əlavə edib çalın və diş fırçası ilə bu məhlulu başınıza çəkib polietilen papaq qoyun və isti yaylıqla bağlayın. 2-3 saat sonra ilıq su və sabunla yuyun. 

 Alma sirkəsində də fayda var

   Saçlarınızın gözəl və kəpəksiz olması üçün onu yuduqdan sonra yaxalayan zaman 1 litr  suya, 1 stəkan alma sirkəsi tökün. Bu qarışıqla yuyulandan sonra saçlarınız daha parlaq və qabıqsız olacaq.

   1 stəkan alma sirkəsinə yarım stəkan su tökün sonra pambığı bu məhlulda isladıb səpkinin üzərinə kompres edin. Faydasını görəcəksiniz.

   1 qaba yarım stəkan alma sirkəsi, yarım stəkan su tökün. Sonra qaynadın və üzünüzə bu məhlulda buxar vannası edin.O cümlədən yarım stəkan alma sirkəsi və bir o qədərdə su ilə üzünüzü gün ərzində 2-3 dəfə silin.

   1 stəkan suya 1-2 qaşıq alma sirkəsi, 1 çay qaşığı bal qatın və səhərlər ac qarnına için. Beləliklə siz artıq çəkidən bir zamanda xilas olacaqsınız.

Hər bir xanıma gözəl və baxımlı olmağı arzu edirəm...

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

selvi