Bakıda hava
USD 1.7000 AZN
EUR 1.9478 AZN
21:18Surayye Ozunde gunah gormur ele adadakilari pisliyir 21:17Surayye Salam canim Kadere qulaq asdin?Qiz yaman seydi ha 14:32Ayla Ayla Salam canim necəsən? Sima hanı? 13:17PERI hervaxtiniz xeyir qizlar hardasiz
39984

70 yaşlı futbolçu-FOTO

70 yaşlı futbolçu-FOTO


Bu yaxınlarda 70 yaşını geridə qoyan futbolçu İbrahim Cəmilov ilə Bərdənin idman meydançasında görüşürük. Söhbətə başlar-başlamaz onu qiymətləndirib ad gününü qeyd edən dostlarına, idmansevərlərə təşəkkürünü bildirir. İbrahim dayı futbol meydançasındakı uşaqlarla məşq edə-edə söhbətimizi davam etdiririk.

Qeyd edək ki, İbrahim dayı Bərdə şəhər Uşaq İdman Məktəbinin məşqçisi Şakir Məhərrəmovun uşaqların hazırlığı üçün ayırdığı günlərdə müntəzəm olaraq onlara qoşulur. Ömrünün bu çağında belə, aşıb-daşan futbol həvəsi uşaqlara xoş təsir bağışlayır.

Qadin.Net Milli.Az -a istinadən bildirir ki,  İbrahim dayıya, yaşından asılı olmayaraq, hamı "Petka" deyir. Balaca uşaqlar da onu belə çağırır. Burda o, hamı ilə yaşıd, tay-tuşdur sanki. Onu Petka deyə çağıran hər kəsə hay verir. Ola bilsin ki, yaşının bu çağında belə gümrah, cavan olmağının səbəblərindən biri də elə səmimi, sadə insan olmasıdır. Söhbətimiz əsnasında öyrənirik ki, balaca olanda Çapayevin kinosuna baxan ailə üzvləri ona Petka ayamasını veriblər. Elə o vaxtdan da hamı ona belə müraciət edib və zamanla bu ad İbrahim dayıya doğmalaşıb.

Məşq bitəndən sonra həmsöhbətimiz bizə futbola necə gəldiyindən danışır: "Lap uşaq yaşlarımdan futbol oynayıram. Onda idman məktəbi yox idi deyə sinif yoldaşlarımla oynayırdım. Rəhmətlik Tofiq müəllim 16 yaşımda məni Bərdənin məhsul komandasına dəvət elədi. 2-3 il orda oynadım. Günlərin birində Bərdəyə "Araz- Naxçıvan" klubu gəlmişdi. O vaxt SSRİ birinciliyində oynayırdılar deyə təzə heyət yığırdılar. Rəhmətlik Tofiq Axundov Bonişevski, Markarovla bir dövrdə Neftçidə oynamışdı, oyunumu bəyəndi və məni komandaya daxil elədi".

İbrahim dayının təmsil olunduğu komandalar dəfələrlə SSRİ birinciliyi kubokunda iştirak edib: "Hərbi xidmətdə olarkən də futbolu davam etdirdim. Həmin vaxtlarda üzvü olduğum Sabirabad komandası Respublika Məhsul Cəmiyyətinin çempionu oldu. Əsgərlikdən gələndən sonra idman məktəbində işə qəbul olundum. Bundan sonra futbolda nailiyyətlərimiz davam etdi. Bərdənin "Məhsul" Cəmiyyəti respublika çempionluğunu qazandı. 1973-cü ildə Respublika Yığma "Məhsul" Cəmiyyəti adından Quba komandasının tərkibində SSRİ birinciliyində oynadıq".

Həmsöhbətimiz Bərdə komandasının iştirakı ilə əldə etdiyi qələbəni oyunlarının zirvəsi hesab edir: "Təmsil etdiyim bütün qələbələrdən daha çox doğma Bərdə komandamın qələbəsinə sevinmişəm. Ən yaddaqalan oyun da elə öz komandamızın - Bərdənin Respublika "Məhsul" Cəmiyyətinin çempion olmasıdır. Mənim üçün Bərdənin qələbəsi SSRİ birinciliyində oynamaqdan şərəfli idi".

O, futboldakı uğurlarına görə də Bərdə komandasına minnətdardır: "Məni bu torpaq yetişdirib. Futbolu bərdəli uşaqlarla oynaya-oynaya öyrənmişəm. Böyük futbolu görəndən sonra isə böyük futbolçulardan əsl futbolu öyrəndim".

İbrahim dayının yetirmələrinin də uğurlarına çox sevinir: "Vaqif, Əli, Naib, Namiq SSRİ birinciliyində ikinci yerə çıxdıqlarına görə ustalığa namizədlik adı alıblar. Onlar maneəsiz olaraq idman ustalığına namizəd olublar. Azərbaycanın "Məhsul" Cəmiyyəti SSRİ birinciliyində ikinci yerə çıxıb. Bunlardan böyük fəxr olunası nə ola bilər ki?!"

"Petka" kimi tanınan və sevilən müsahibimiz Rusiyada keçiriləcək 2018-ci il dünya çempionatı haqqında fikirlərini də bizimlə bölüşür: "Moskvada baş tutacaq dünya çempionatında kimin birinci, ya ikinci olmasını demək qeyri-mümkündür. Tarixdə gözlənilməz oyunlar çox olub. Fransa öz müstəmləkəsi olan Əlcəzairə uduzub. Futbol mütəxəssisləri təqribi proqnozlar versələr də, oyunlardan qabaq nəticələr barədə fikir söyləmək çətindir. Kimin qalib olacağını oyunlar göstərəcək".

Qocaman futbolçu çempionluğun finalında oynayan komandaların hamısını birinciliyə iddialı hesab edir: "Almanlar stabil komandadır. Braziliya komandasına almanların komandası qədər güvənmirəm. İspaniya güclüdür. Ümumiyyətlə, orda hamı güclüdür. Gücsüz ora gedib çıxa bilmir. Məsələn, gözlənilmədiyi halda futbolun vətəni olan İtaliya futbolçuları oyundan kənarda qaldı".

Müsahibimiz komandaya deyil, gözəl futbol oynayanlara azarkeşlik etdiyini deyir. Ən çox da Messinin oyununu sevir. Hesab edir ki, o, çox təmkinlidir, paxıl deyil, komandanın xeyrinə oynayır.

"Petka" ürək ağrısı ilə Bərdə futbolunun problemlərdən də danışır: "Stadiona baxan, qulluq edən yoxdur. Ot örtüyü yanır, əlacsız qalıb özümüz suvarırıq. Ancaq idman məktəbi gücü nəyə çatırsa, onu edir. İsmayıl, Şakir, Vaqif, Cabbar müəllim burda zülm çəkir. Çalışırıq ki, uşaqlar məşqsiz qalmasın".

İbrahim dayı hər gün stadiona gəlir. Sağlamlığına görə futbola borclu olduğunu, həmçinin "nə qədər, canımda can var, oynayacam" deyir. İndi tək arzusu nəvəsinin də özü kimi futbolçu olmasıdır: "50 yaşında oğlum, 30 yaşında nəvəm var. Nəvələrimdən biri də burada uşaqlarla birgə məşq edir. İstəyirəm ki, qismət olsa, yolumu davam etdirsin".

Sovet dövründə futbolçuların ancaq maaşla dolandığından elə də böyük gəlir əldə edə bilmədiyini vurğulayan İbrahim dayı yaxşı dostlar qazandığına görə də futbola minnətdardır.

70 yaşlı futbolçu-FOTO


Səslərin sayı: 0
0
337
loading...
Şərhlər
Adıniız:*
E-Mail:
ıifrə: *
Son şərhlər
  • 21:18 - Müəllif: Surayye
    Yun köynəkləri necə yumalı? (1)

    Yun köynəkləri necə yumalı?

    Olmaz axi 60da qirisar men 30da yuyuram
  • 21:17 - Müəllif: Surayye
    "Qumlu" keks (foto resept) (3)

    "Qumlu" keks (foto resept)

    Ay da bu kremi ne qeder axtarmisam Allah razi olsun
  • 48 saat dayanmadan oyun oynadı-FOTO

    Ayla AylaTut qulağından sürü küçəyə. Hələ yemək aparır ki yesin. Uşağın yuxusuna görə narahat olmurAgzina salik canim menim. O play steysonu baglatmaq lazimdi
  • Ürək sağlamlığını qoruyan qidalar

    Maqneziumla zəngin olan daha bir qida yer fındığıdır. Onnu yeyən zaman siz eyni zamanda kifayət qədər vitamin və mineral da qəbul etmiş olacaqsınız. 4cstəkan qovrulmuş yer fındığı 64 mq maqnezium və yaxşı dozalı kalsium deməkdir.Magneziyum yemeliyik bilmirdim tesekkurler
  • Pizza dilimləri ilə böyüyən körpə

    Ussss pitsa yerine yeyerem seni
  • Modelin qaşları diqqət çəkir-FOTO

    Seksenlerin makiyajini elemese yaxsidi
  • 3 günə 3 kiloqram arıqladan pomidor pəhrizi

    Yoxlayacam gorüm ne mene seydi
  • Maykl Ceksonun ailəsi 100 milyon dollar tələb edir - SƏBƏB

    Qadin.Net axşam.az -a istinadən xəbər verir ki, onlar sözügedən kanalın müğənni haqda çəkilən “Neverlendi tərk edərkən” filminə görə 100 milyon dollar tələb edir.
  • Ürək sağlamlığını qoruyan qidalar

    Çox dəyərli və maarifləndirici xəbərdir. Təşəkkür edirəm, Ülkər xanım. Sizin xəbərlərinizi yenidən görmək xoş oldu. Bu inanılmaz tərəvəzin tərkibində fitonukleotidlər, bol vitaminlər həmçinin külli miqdarda magnezium vardır. Onun qəbulu orqanizmi iltihabı prosesləri aradan qaldıran altioksidantlarla zəngiləşdiri, detoksikasiyanı təmin edir, damar divarlarını təmizləyir, bu da təzyiqin azalmasına və ürəyin əlavə gərginlikdən azad olmasına səbəb olur.
  • Məşhurlar 80-ci illərdə

    Anjelina ile beonsa yarasdirdim
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!