Bakıda hava
USD 1.7000 AZN
EUR 1.9478 AZN
23 fevral 20:18Ayla Ayla Dalaka gəldi amma Sabriye yoxdu gören Sude nu udacag?! 23 fevral 20:18Ayla Ayla Surayyə canım Survivora baxıram,Özetdi.Sən də bax
39991

Xəstəliyin aşkarlanması

Xəstəliyin aşkarlanması

Bir gün dünyaya bir uşaq gəldi. Hər kəs sevincli, nəşəli idi. Gözəl hədiyyələr alan kim, gözəl adlar düşünən kim, hər kəs çox xoşbəxt idi. Həmin an bir şeyin fərqinə vardım. Bu uşaq da öləcək. Onda niyə yaşlaşınca bir ayağın çuxurda olur ki? Onsuz da doğulanda bir ayağın çuxurda doğulursan. Sonra sual verdim görəsən hansımız ilk öləcəyik ? Cavab tapa bilmədim, həyatda başımıza nə gələcəyi haqqında heç bir məlumatımız yoxdur. Bu fikirlə küçəyə çıxdım, qarşıma heç vaxt sevmədiyim, görəndə yolumu dəyişdirdiyim qonşumuz çıxıdı. Həyatımda ilk dəfə ona:

- Salam. Dedim

O - Ələyküm salam, necəsən ? Evinizdəkilər necədir?

 - Çox sağ ol yaxşıdılar. Mən də yaxşıyam, heç vaxt olmdığım kimi yaxşıyam.

 Uşaq vaxtı elə düşünürdüm ki, mən yeridiyimdə günəş də mənimlə yeriyir, ətrafıma işıq saçmaq üçün, bu gün də elə hiss etdim. Böyüyəli bunları heç xatırlamırdım. Sonra sürətləndim, günəşi sınamaq istədim baxdım ki, yenə mənimlə addımlayır. Bu gün uşaqlaşmışdım, ya böyümüşdüm, anlamadım. Getdiyim evdə başqaları haqqında danışırdılar. Mən filmi irəli çevirmiş kimi onları izdəyirdim. Hərəkətlərini görürdüm, lakin eşitmirdim. Sonra məndən nəsə soruşdular, mövzudan xəbərsiz idim deyə donuq gözlərlə onlara baxdım.

 “Onsuz da bu dünyanın adamı deyildi. İndi lap betər olub“, dedilər. İlk dəfə idi bu söz məni incitmədi. Çünki çox doğru deyirdilər. Mən bu dünyanın adamı deyiləm. Çox sevindim, çox, hər kəs fərqindədir. Kimsə bu dünyanın adamı deyil ki, onları da sevməyə başladım. Evə qayıdarkən yenə o xoşum gəlməyən adamı gördüm, bayaq salam vermişdim deyə ikinci dəfə vermədim. Amma üzünə gülümsədim. O da gülümsədi.

Evə çatanda anamın iş gördüyünü gördüm, tez ona kömək etdim. Daha doğrusu ona icazə vermədim, bütün işi özüm gördüm. Sonra çay dəmlədim, gedib onun sevdiyi konfeti alıb gətirdim, birlikdə çay içdik. Hər ona baxdığımda qucaqlayıb öpdüm. Anam bu dəyişikliyə məəttəl qaldı. Əslində həmişə etdiyim hərəkətlərdi. Amma bu dəfə həddi aşmışdım. Anam dedi : - Yuxuda mənim öldüyümü filan görmüsən, ya xəstələnmisən? Çiyinlərimi çəkərək yox dedim. Əslində yuxuda idim, oyandım. Hər kəs bir gün gec, bir gün tez öləcəkdir. Amma mən bunu daha tez öyrəndim. Dəyişməyə qərar verdim. Hər kəs məndən qorxmağa başladı, xəstə olduğumu düşündülər. Yediyim yeməkdən pişiyə verəndə diaqnozlarında haqlı olduqlarına tam əmin oldular. Əslində mən heyvanları da, insanları da sevirəm. Bu gün bazarda pulumun çoxunu dilənçilərə verdim. Əslində dilənçiləri heç sevmərəm, oğru ilə bir tutaram onları, amma bu gün nədənsə onları da sevdim, həm də çox, hətta dua edəndə də onlara çox sağ ol deməyi unutmadım. Bu gün evə köhnə bir geyimdə gəldim, amma evdən çıxanda təzə aldıqlarımı geyinmişdim. Anam soruşdu, geyimin hanı ? Ehtiyacı olana verdim, dedim. Sən həqiqətən xəstəsən dedi. Özünün geyimin belə çoxdur? Təzə geyimin bircə onlar idi. Mənim heç nəyə ehtiyacım yoxudr ki, ölənə qədər bu köhnələrlə keçinərəm. Həm ölü insan nə bilir ki, üstündəki təzədir, ya köhnə? Məgər biz diri insanlarıq?

Ölmüş birinin gündəliyi: 30 fevral 200?

Səslərin sayı: 4
11
1769
loading...
Şərhlər
Offline
Aida M-ova
●♥ Səma ♥●,
Bəyəndiyinə sevindim. Dostların xoş sözlərindən sonra yazını dayandırmağı düşünmürəm. Qismətsə davamlı olacaq inşəAllah
8 sentyabr 2015 20:35
Offline
●♥ Səma ♥●
Təbriklər,Aida! Əla alınıb good !Bu yazını çox sevdim. Ardını mütləq gözləyəcəyəm.Təşəkkürlər.
8 sentyabr 2015 19:46
imza: Qırılmış bir qadın elə susar ki,sükutundan kar olarsan....
Offline
Aida M-ova
Dəniz84,
Sən sağ ol give_ros
8 sentyabr 2015 11:01
Offline
Aysel İ.
Fərqli və düşündürücü yazıdır. Çoxlarımızın görmədiyi, görə bilmədiyi realliqdir əslində.Təşəkkürlər Aida.
8 sentyabr 2015 09:12
imza: Yalnız acizlər boyun əyib unudurlar, güclülər isə o yana-bu yana qaçır, qadir taleyi qeyri-bərabər döyüşə çağırırlar.
Offline
Aida M-ova
Ceylan Mumoğlu,
O əsəri oxumaq istəmişdim, amma oxumamışdım. Bundan sonra oxumağa çalışacam.
Fatma xanım,
Elə düşündüyünüzə sevindim.
Şəri Babayeva,
Sona çatdıra bilsəm onda qeyd edərəm
4 sentyabr 2015 20:42
Offline
Şəri Babayeva
Aida M-ova,
yəqin ki, tarixi gizli tutmaq üçün.

Niyə gizli tutursan tarixi Aida? scratch_
4 sentyabr 2015 19:27
imza: Qadın təbiəti gərəyi zəifdir; amma ağrıya ən çox o dözər. Qadının müqavimətini qıran tək şey xəyal etdiyi kişinin boş çıxmasıdır...
Offline
Fatma xanım
Məgər biz diri insanlarıq? Çox təsirlidi yazın
4 sentyabr 2015 19:04
imza: Şükr etməyəndən sonra dünyaları yesən nə faydası.

Qadin.Net - Xəbər göndərilməsi qaydaları
http://www.youtube.com/watch?v=Ly-9VN5Ye_8
Offline
Ceylan Mumoğlu
Aida M-ova,
Tarixən belə fərqli düşünənlər və fərqli hiss edən insanlar mövcud olublar. Onlardan biri də məşhur rus yazıçısı Qoqol olub. Yeri gəlmişkən onun da bir əsəri var, adı "Bir dəlinin gündəliyi"dir. Onun da əsərində tarixlər qeyri-adi qoyulub.

Həmin əsərdən seçmələri faceook profilimdə paylaşmışdım.
4 sentyabr 2015 17:55
Offline
Aida M-ova
Davamı olsa, gözəl olardı.

İnşəAllah davam etdirəcəm
Niyə məs sual işarəsi? Əslində biz insanlar hamımız yuxudayıq

Ella yəqin ki, tarixi gizli tutmaq üçün. Əlbəttə yuxudayıq bully
4 sentyabr 2015 17:24
Offline
Ellada Babayeva
Maraqla oxudum axırda bu söz məni çaşdırdı.
Ölmüş birinin gündəliyi: 30 fevral 200?
Niyə məs sual işarəsi? Əslində biz insanlar hamımız yuxudayıq..
4 sentyabr 2015 17:02
imza: Hiss və ağıl həyat gəmisinin yelkəni və sükanı kimidir; biri hərəkətə gətirir, o biri istiqamətləndirir.
Cübran.
Offline
Xəyalə Murad
Fərqli və olduqca təsirli yazıdı. Davamı olsa, gözəl olardı.
4 sentyabr 2015 16:56
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Adıniız:*
E-Mail:
ıifrə: *
Son şərhlər
loading...
Son yazılar
Kitabxana ...
Tez-tez gedirem
Vaxtım yoxdur
Artıq tarixə qovuşub!
İnternet sağolsun )
Şəxsi kitabxanam var!