İlk baxışda estetik olduğu bilinən burunlar, silikonlu olduğu bəlli olan dodaqlar, bir kökdən səkkiz telin çıxdığı əkim xətasına məruz qalmış saçlar... Bütün bunlar xətalı estetik əməliyyatın mənfi nəticələridir. Bəs gözəlləşmək uğruna çirkinləşməmək və sağlamlığımızdan olmamaq üçün nə etməliyik? Həkimlərin fikirincə, estetik cərrahiyyədə ilk əməliyyatlar ən asan və ən yaxşı nəticə verən olur.
Ümumiyyətlə, əməliyyat olunmuş bölgələrdə toxumalar pozulmuş olur. Buna görə də ikinci əməliyyat daha çətindir, istənilən nəticəni almaq da asan olmur. Belə xətaların yaranmasının səbəbi insanların təcrübəli, ixtisaslaşmış həkimlərə müraciət etməməsidir. Estetik əməliyyatlarda ən çox edilən 5 xəta belə izah olunur:
Burun əməliyyatı
Estetik ve plastik cərahhı Prof. Dr. Erol Kışlaoğlu burun əməliyyatlarında rast gəlinən ən böyük səhvin təbii olmayan, çox dik, üzə uyğun olmayan və baxanda əməliyyat olduğu açıq şəkildə bilinən burunlar olduğunu bildirdi. Bunun əhəmiyyətli bir səbəbinin də burun əməliyyatlarının bəzən plastik cərrah olmayan həkimlər tərəfindən edilməməsi olduğunu vurğulayıb. Bəzi həkimlərin hava yolunu açarkən burundan lazım olandan daha çox sümük və qığırdaq götürdüyünü və açıqda qalan sümükləri yaxınlaşdırmadan əməliyyatı sona çatdırdığını izah etdi. Əyri qisimləri düzəltmək əvəzinə çıxartdıqlarını söyləyən Kışlaoğlu bu səhvin zaman keçdikcə insan üçün böyük problemlər yarada biləcəyini də sözlərinə əlavə etdi.Erol Kışlaoğluna görə, burun əməliyyatlarında edilən digər bir səhv də nəfəs alma problemi olan kəslərin əvvəl nəfəs yolu açma - septoplasti, sonra da estetik əməliyyat yəni - rinoplasti etdirmələridir. Halbuki, septoplasti zamanı qığırdaq toxuması alınır, sonrakı əməliyyat üçün kafi toxuma qalmır. Bu iki əməliyyata ehtiyacı olduğunu düşünənlər ikisini də bir yerdə etməyi planlaşdırmalıdırlar. Burun əməliyyatlarıyla əlaqədar meydana gələ biləcək digər bir problem də açıq burun əməliyyatlarından sonra iki burun dəliyinin arasında, xüsusilə qarabuğdayı insanlarda iz qalmasıdır.
Əməliyyat səhvləri:
Təbii görünməyən, çox dik, üzə uyğun olmayan burunlar. Çox qığırdaq və sümük alındığı üçün çox pis bir görünüşə sahib burunlar olur ki, sonradan bunları düzəltmək üçün qabırğadan sümük, ya da qulaqdan qığırdaq alınması lazımdır. Səhv əməliyyatlar sonrası xəstə nəfəs almaqda çətinlik çəkir.
Liposaksiya.
Erol Kışlaoğlu liposaksiya əməliyyatlarında edilən ən böyük səhvin xəstəni arıqlatmaq məqsədiylə lazım olduğundan daha çox yağ çəkilməsi olduğunu ifadə edir. Kışlaoğluna görə, liposaksiya arıqlatma deyil, gözəl forma vermə əməliyyatıdır. Burada məqsəd bədənin piyli olma səbəbi ilə formasız olan bölgələrini daha formalı hala gətirməkdir. Çox yağ çəkilməsinin xəstənin sağlamlığı baxımından böyük risk daşıdığını ifadə edən Kışlaoğlu söylədi: "Liposaksiya əməliyyatının nəticəsində bəzi görüntü pozğunluqları və deformasiya meydana gələ bilər. Dərinin müəyyən kiçilə bilmə tutumu var və bu tutumdan artıq olduqda dəridə sallanmalar, çuxurlar meydana gəlir.
Liposaksiya səhvləri:
Liposaksiyada ən əhəmiyyətli risk səhv əməliyyat zamanı və ya əməliyyatdan sonra damarlarda laxtanın əmələ gələrək, ağciyərlərdə tromblaşmaya səbəb olmasıdır. Bu, elə bir səhvdir ki, adamı ölümə apara bilər.Yenə şüursuz bir cərrah əli ilə düz olmayan, kələ-kötür görünüşlər ortaya çıxa bilər.Qarın bölgəsinə edilən səhv liposaksiya əməliyyatları səbəbiylə sallanmalar meydana gəlir. Xüsusilə yaşlı xəstələrdə diz qapağının üzərindən yağ alma əməliyyatı doğru edilməzsə, buradakı dəri dizin üzərinə sallana bilir.
Döş əməliyyatı
Erol Kışlaoğluna görə, döş böyütmə əməliyyatlarında ən böyük problem xəstə ilə həkim arasında doğru bir ünsiyyətin olmaması və döşlərin ölçüsündə ortaq bir qərara gələ bilməmələridir. Bunun nəticəsində xəstə döşünün yeni ölçüsünə alışa bilmir, ya da əvvəl bəyənsə belə sonra daşıya bilmir. Döş böyütmə əməliyyatlarında da digər estetik əməliyyatlarda olduğu kimi, ən böyük problem təbii olmayan nəticədir. Çox böyük protezlər təbii nəticə vermir, bəzən mənfi təsirə də səbəb ola bilir.
Əməliyyat səhvləri:
Təbii olmayan, uzaqdan baxanda sərt, iki kürə kimi dayanan döşlər;
İki döş arasında bərabərsizlik, asimmetrik görünüş;
Protezlərin xəstəni narahat edəcək qədər böyük olması;
Çətinliklə qoyulan protezlərin mənfi təsirinin olması. Məsələn; nadir rast gəlinsə də, kapsula kontrakturu (döş protezləri ətrafında yarana bilən sərt və fibroz toxuma) olaraq adlandırılan vəziyyətdə protezin ətrafında bədən sərt bir zireh meydana gətirə bilir.
Dodağı dolğunlaşdırma
Burun kimi dodaq da üzün ən diqqət çəkən bölgəsi olduğundan ediləcək ən kiçik bir səhv dərhal gözə çarpır. Erol Kışlaoğlu dodaq dolğunlaşdırmaq məqsədilə şəxsin öz toxumasından istifadə edilə biləcəyi və ya hyalüronik turşu (qırışları müalicə etməyə kömək edən doldurucu vasitə) kimi təbii maddələrin də seçilə biləcəyini ifadə etdi.
Dodaq dolğunlaşdırma səhvləri:
Çox süni və şiş görünüşlər;
Bədənlə uyğun olmayan plomb maddələrinin yaratdığı, həm görünüş, həm də sağlamlıq baxımından problem yaradan mənfi təsir.
Saç əkmə
Saç əkmə sadə görünsə də, həm xəstə, həm də həkim üçün son dərəcə əhəmiyyətli və diqqət tələb edən bir əməliyyatdır. Mikro implantasiya üsulunda hər bir saç kökü tək-tək alınaraq əkilir. Bu əməliyyatda səbir göstərilməzsə, ya da təcrübəli əllər tərəfindən edilməzsə, bir çox problemlər yarana bilər. Saçlar alın və gicgahlardakı çökəklər nəzərə alınmadan əkildiyi zaman başın üst qismində toplanan saçlar çevrə şəklində qoyma saça bənzəyən görünüşün yaranmasına səbəb olur.
Saç əkmə əməliyyatında olan səhvlər:
Təbii olmayan bir görünüş ortaya çıxa bilir.
Saç köklərinin tək-tək deyil, bir yerdə əkilməsi səbəbilə bir kökdən çıxan onlarla teli göstərə bilərik.
XƏBƏR LENTİ
Miskinlərin 8 xüsusiyyəti
Ev işləri nə qədər kaloriya yandırır
"Harry Potter"i dilənçi bilib 5 dollar verdilər -FOTO
Şagirdlər dərs ilinə hazırdır, məktəblər necə?
20 rayonda qaz olmayacaq
COVID-19-la mübarizə nə vaxt bitəcək? - Açıqlama
Gülşənə bacısının ölüm xəbərini verdilər
Hikmət Hacıyev: “Ermənistana qarşı tədbir görülməsi üçün Avropa Məhkəməsinə müraciət edəcəyik”
Bu şəxlər 190 manat ala bilməyəcək - Rəsmi
Körpələrin gec yeriməsi
Konfransda Leninin ruhu ilə danışdılar
Tut və ərik haqqında bilmədiklərimiz
"Azərbaycana kiberhücumların 90 faizi xaricdən həyata keçirilir"
Mərc gələrək xırda puldan oyun oynamaq olarmı?
Dəbli geyimlər - 2-ci hissə
Yer kürəsini gözləyən bəla: çox az qalıb
"BakuBus" avtobuslarında "Wi-Fi" sisteminin işə düşəcəyi vaxt açıqlandı
Məsum və məhkum
Kremlə iyunadək vaxt verildi
Necati Şaşmaz Amerikada evlənib?-FOTO
İspanaq salatı (foto resept)
Azərbaycan əsgərləri Əfqanıstanda
Yeni növ canlı alimləri dəhşətə gətirdi-FOTO
Yarpaqları saralan gülləri necə xilas etməli?
Günün ulduz falı - 09.02.2014
Azərbaycan əhalisinin gəlirləri artıb
Şerlok Holms təsvirli pul buraxıldı_FOTO
Kəfən olan gəlinlik
Qanvermənin faydaları
Qozun sağlamlığımıza faydaları
DIQQƏT! Güclü maqnit qasırğası gəlir
Tuba Böyüküstündən ayrıldıqdan sonra aktrisa ilə sevgili oldu
2018-in rəngi - Bənövşəyi
Qarakənd üzərindəki vertolyot faciəsi
Qadınlar haqqında lətifələr
Binalara baxış keçirilir
Puzzle -in 4 faydası
Yaxşı yaddaşa sahib olmaq üçün nə etməliyik
Ermənilər dinc azərbaycanlını atəşə tutdular
Şah yeməyi (foto resept)
Bakının bir hissəsi susuz qalacaq
Arıqlamağa nələr mane olur?
Naxçıvana uçuşların sayı artırılır? - RƏSMİ AÇIQLAMA
“WhatsApp” 2020-ci ildən bu telefonlarda işləməyəcək
Evinə çıxarış almaq istəyənlər üçün mühüm xəbər
Məşhur aktyora 17 illik həbs cəzası
Qənirə Paşayeva Dondar Quşçuda erməni mərmisi düşən evdə - VİDEO
"Səkkizinci qitə"yə dair yeni dəlillər tapıldı
Bakıda mənzillər kəskin ucuzlaşdı
Həkimlə məsləhətləşmədən idmana başlamayın!
- ŞƏRHLƏR