ət-Tur (Dağ) surəsi
(Məkkədə nazil olmuşdur, 49 ayədir)
Bismillahir rəhmanir-rəhim!
- And olsun (Allahın Musa ilə danışdığı) Tur dağına;
- And olsun yazılmış kitaba (Tövrata, Qurana, yaxud bütün ilahi kitablara) -
- Açıq dəri üzərində (olan kitaba);
- And olsun (mələklərin ibadət etdiyi) Beytülməmura;
- And olsun yüksək tavana (uca göyə)
- Və dolub daşan (alovlanan) dənizə ki,
- Rəbbinin əzabı (Ya Peyğəmbər!) mütləq vaqe olacaqdır!
- Onu heç kəs dəf edə bilməz!
- O gün göy hərəkətə gəlib fırlanacaq (çalxalanacaq),
- Dağlar yerindən qopub (havada toz kimi) oynayacaqdır.
- O gün vay (peyğəmbərləri) yalançı hesab edənlərin halına!
- O kəslər ki, (dünyada) yalana qurşanıb qəflət içində oynayarlar.
- O gün onlar zorla cəhənnəm oduna sürüklənəcəklər.
- (Onlara belə deyiləcəkdir: ) Bu sizin (dünyada) yalan hesab etdiyiniz cəhənnəm odudur!
- (Vəhyə, Qurana sehr dediyiniz kimi) bu da sehrdir, yoxsa (gözünüz qapanıb onun həqiqət olduğunu) görmürsünüz?
- Yanın orada! İstər dözün, istər yox; sizin üçün eynidir (həmişəlik Cəhənnəmdə qalacaqsınız). Siz ancaq etdiyiniz əməllərin cəzasını çəkəclər!
- Müttəqilər isə, şübhəsiz ki, cənnətlər və nemətlər içində olacaqlar.
- Rəbbinin onlara əta etdiyi nemətlərdən zövq (ləzzət) alacaqlar. Rəbbi onları cəhənnəm əzabından qorumuşdur.
- (Onlara belə deyiləcəkdir: ) (Dünyada) etdiyiniz yaxşı əməllərin müqabilində nuşcanlıqla yeyin-için;
- Səf-səf düzülmüş taxtlara söykəndiyiniz halda! Biz onları iri (ahu) gözlü hurilərlə evləndirəcəyik.
- İman gətirib övladları imanla arxalarınca gedənlərin nəsillərini də (Cənnətdə) özlərinə qoşacağıq. Onların əməllərindən heç bir şey əskiltməyəcəyik. Hər kəs öz əməlinin girovudur!
- Onları istədikləri meyvə və ətlə (bol-bol) təmin edəcəyik.
- Onlar orada bir-birinə (şərab dolu) qədəh ötürəcəklər. Onda (cənnət şərabının xislətində dünyakından fərqli olaraq) nə lağlağılıq, nə də günaha təhrik vardır.
- Onların ətrafında (xidmət üçün) özlərinə məxsus olan, sədəf içində gizlənmiş inci kimi gözəl oğlanlar dolanacaqlar.
- Onlar (dünyada gördükləri işlər barəsində) bir-birindən hal-əhval tutmağa başlayacaqlar.
- Və (söhbət əsnasında) belə deyəcəklər: Biz bundan əvvəl (dünyada) ailəmiz içində olarkən (Rəbbimizin əzabından) qorxardıq.
- Artıq Allah bizə mərhəmət buyurub (minnət qoyub) bizi cəhənnəm (səmum) əzabından qorudu.
- Biz bundan əvvəl (dünyada) Ona ibadət edirdik. Şübhəsiz ki, O, (vədinə sadiq) kərəm sahibidir, rəhm edəndir!
- Elə isə (ya Peyğəmbər! Sən müşriklərə) öyüd-nəsihət ver. Sən öz Rəbbinin neməti (nübüvvət və islam dini) sayəsində nə kahinsən, nə də divanə!
- Yoxsa onlar (sənin barəndə): (O) şairdir. Biz (ruzigarın gərdişi nəticəsində) onun başına gələcək müsibəti (ölüb getməsini) gözləyirik! deyirlər.
- De: Gözləyin, mən də sizinlə birlikdə (sizin başınıza gələcək müsibəti) gözləyənlərdənəm!
- Yoxsa onların puç ağılları bunu (bu cür batil sözləri deməyi) onlara əmr edir? Xeyr, onlar azğın bir qövmdürlər.
- Yoxsa onlar: Onu (Quranı) özündən uydurdun! - deyirlər. Xeyr, onlar (həsədləri, təkəbbürləri və inadları üzündən) iman gətirmirlər.
- Əgər doğru deyirlərsə, qoy onlar bunun (bu Quran) kimi bir kəlam gətirsinlər!
- Yoxsa onlar heç bir şeydən (xaliqsiz) yarandılar?! Yaxud onlar (öz-özlərini) yaradanlardır?!
- Yoxsa göyləri və yeri yaratdılar?! Xeyr, onlar (Allaha) ürəkdən inanmırlar!
- Yoxsa (ya Peyğəmbər) sənin Rəbbinin xəzinələri onlardadır?! Yaxud (hər şeyə) onlar hakimdirlər?!
- Yoxsa onların üstünə çıxıb (vəhyi) dinlədikləri bir nərdivanı vardır?! Elə isə qoy onların (vəhyi) dinləyənləri açıq-aşkar bir dəlil gətirsinlər!
- Yoxsa qızlar Onun (Allahın), oğlanlar isə sizindir?!
- Yoxsa (ya Peyğəmbər! Risaləti təbliğ etdiyinə görə) sən onlardan bir ücrət (mükafat) istəyirsən və onlar ağır borc yükü altındadırlar?!
- Yoxsa onlar qeybi bilir və (orada olanı) yazırlar?! (Qiyamətin, axirət həyatının olmadığını oradan öyrənib Muhəmməd əleyhissəlamla mübahisə edirlər?)
- Yoxsa (ya Peyğəmbər! Sənə qarşı) bir tələ qurmaq istəyirlər? Amma kafirlər özləri o tələyə düşəcəklər!
- Yoxsa onların Allahdan başqa bir tanrısı vardır? Allah bunların Ona qoşduqları şəriklərdən tamamilə uzaqdır!
- Əgər onlar göyün bir parçasının (başlarına) düşdüyünü görsələr: Bulud topasıdır! deyərlər (özlərinə əzab gəldiyinə inanmazlar).
- Elə isə (dəhşətdən) sarsılıb karıxacaqları günə qovuşana qədər sən onları tərk et!
- O gün hiylələri onlara heç bir fayda verməyəcəkdir (Allahın əzabını onlardan dəf edə bilməyəcək) və onlara heç bir kömək olunmayacaqdır.
- Şübhəsiz ki, zalımları (kafirləri) hələ bundan başqa da (dünyada və qəbir evində) əzab gözləyir. Lakin onların əksəriyyəti (bunu) bilməz!
- (Ya Peyğəmbər!) Sən öz Rəbinin hökmünə səbr et! Şübhəsiz ki, sən Bizim gözümüzün qabağındasan (himayəmiz altındasan). (Namaza) qalxdıqda Rəbbini həmd-səna ilə zikr et!
- Gecənin bir vaxtında nə ulduzlar batandan sonra (dan yeri söküləndə, yaxud sübh çağı) da Allahı təqdis edib şəninə təriflər de! (Gün ərzində vacib və əlavə namazları qıl!)
XƏBƏR LENTİ
Deyirəm bəlkə gülək?
Arda Turan ilk dəfə oğlunu göstərdi - FOTO
İki başlı uşaq doğuldu
Bu gün Qədir-Xum bayramıdır
Yağları əridən içkilər
Günün ulduz falı - 22.02.2014
Sellulitdən necə xilas olmalı?
Şahmar Ələkbərovun 70 illik yubileyi keçirilib
Qadın.Netlilərin evlilik təklifləri (2-ci hissə)
Kartoflu siqaret böreği (foto-resept)
ÜST gözlənilən xəbəri verdi - COVID-19-un ilk işəyarayan müalicəsi tapıldı - VİDEO
Koronavirusdan qorunmaq üçün BUNLARI EDİN - Professor AÇIQLADI/VİDEO
Praktik gözəllik tövsiyələri
Türkiyənin son Ukrayna qərarı
Çörək(foto resept)
Başın ağrılı bəlası
Əsmər qadınlara ən çox yaraşan 4 rəng
Albalı tortu "Qara meşə" (foto resept)
Bakı İslam Universitetinə qəbul qaydaları DƏYİŞDİ
Xaşxaşlı mini tort (foto resept)
Napalyon tortu (foto resept)
ASAN növbədə gözləyənlərə sms göndərəcək
Qurama (Dərs-5)
Müge Boz Qəbələdən ev almağa hazırlaşır-FOTO
Yaz fəsli üçün maskalar
2014-cü ilin ziyafət ayaqqabıları
"Ana-uşaq ölümlərinin artmasında hər iki tərəfin günahı var"
Arxeoloqlar Nizami Gəncəviyə hədiyyə edilmiş kəndi aşkarladılar
İki ağzı və iki dili olan uşaq dünyaya gəldi - FOTO
Qoca mühəndis hamını heyrətləndirdi
2019-da sərvətlərinə sərvət qatan milyarderlər
Dünyada internet nə vəziyyətdədir?
Bir-birindən fərqli şaftalı rəng çalarında olan saç modelləri
Prezidentlər görüşəcək
Gürcüstana qar yağdı-FOTO
Ölümlərini "kəşf" edənlər
Rühəngiz Müsəvi yeni imicdə-VİDEO
“Çalıquşu”nun yazıldığı ev külə döndü - FOTO
Gimnastımız İtaliyada uğurla çıxış edib
Kişilər xəstələnərkən qadınlara nisbətən daha çox əziyyət çəkirlər
Dayə seçərkən nələrə diqqət vermək lazımdır?
Bu gündən açıq havada fəaliyyət göstərən kafe və restoranlar açılır
Yuxudan gümrah oyan - 7 məsləhət
Müdafiə Nazirliyinin nümayəndə heyəti Gürcüstana gedəcək
Bu da yeni Subaru
Bu avtobusda imkansız şəxslər pulsuz daşınır
Fərqli stul modelləri
TQDK-dan qəbul elanı
İnternetdə ən çox axtarılan söz açıqlandı
Zinət əşyalarına qulluq
- ŞƏRHLƏR