Mariya Marqarita Vinkelman kometanı (quyruqlu ulduz) kəşf edən ilk qadın astronomdur.
1670-ci ildə Almaniyanın Leypsiq şəhərində anadan olmuşdur. Rahib olan atası qadınların təhsil almasının vacibliyinə inanırdı və bu səbəbdən öz qızına çox erkən yaşdan etibarən müəllimlik edir. Atasının ölümündən sonra Mariyanın təhsili ilə əmisi məşğul olur.
Mariya kiçik yaşlarında astronomiyaya maraq göstərməyə başlayır. Gənclik illərində astronomiya ilə əlaqəsini gücləndirmək üçün ailəvi tanış olduğu astronom Kristofer Arnoldun köməkçisi və şagirdi olur.
Arnold vasitəsiylə Mariya dövrünün ən məşhur alman astronomlarından biri olan Qotfrid Kirxlə tanış olur. Aralarındakı 30 illik yaş fərqinə baxmayaraq, onlar 1692-ci ildə ailə qururlar. Beləliklə, o, astronomiya karyerasına başlamış olur. 1700-cü ildə Berlin Elmlər Akademiyası qurulur və Mariyanın həyat yoldaşı akademiyanın astronomiya bölməsi üzrə təyin edilir, Mariya özü isə rəsmi olmadan Qotfridə çalışmalarında kömək edir. Onların 4 övladı dünyaya gəlir və onların hər biri valideynlərinin yolunu gedərək astronomiya çalışmalarına qoşulurlar.
Mariya qadın olduğu üçün universitetdə astronomiya üzrə geniş çalışması mümkün olmur. Onun dövründə əksər astronomlar universitet təhsili almamışdılar və bu sahədəki praktiki çalışmalar rəsmi quruluşların xaricində həyata keçirilirdi. Nə Kristofer Arnold, nə də Qotfrid Kirx universitet təhsili almışdılar. Evlənmədən əvvəl Kirx Mariyanın təhsilini Arnolddan təslim alsa da, həqiqətdə şagirdi Mariya ustasına bərabər bir səviyyəyə gəlib çatmışdı.
Berlin Elmlər Akademiyasında Mariya və Qotfrid birlikdə işləyirdilər. Mariya hər axşam saat 9-dan sonra göy üzünü izləyirdi. Birlikdə çalışmaları ilə Ayın mərhələlərini, Günəşin batmasını, tutulmasını və digər planetlərin qarşılıqlı mövqelərini hesablayaraq təqvimlər və almanaxlar hazırlamışdılar. Onların bu çalışmaları xüsusi ilə də təqvimlərin satışından gələn gəlirlər akademiya üçün böyük bir maddi qaynaq yaratmışdı.
1702-ci ildə Mariya hələ məlum olmayan bir quyruqlu ulduz (kometa) kəşf etdi: 1702 kometası (C/1702H). Kometanın kəşfini Qotfrid yayımlayır və məqaləsində Mariyadan heç bəhs etmir. Bunun səbəbini özünün Akademiyanın rəsmi astronomu olması, həyat yoldaşının isə orada qeyri-rəsmi çalışdığını və bunu daha əvvəl açıq bildirməməsi səbəbi ilə Akademiyanın ona qarşı reaksiyasından qorxması kimi izah edir. Lakin Qotfrid səhvini düzəldərək 1710-cu ildə kometanın kəşfinin həyat yoldaşına aid olduğunu açıqlayır.
Mariyanın uğuru qeyri-rəsmi olsa da geniş bir şəkildə qəbul edilir. O, Akademiyanın rəhbəri Leybnislə təcrübələri haqqında aktiv yazışır. 1709-cu ildə Leybnis Prussiya kraliçasına yazır ki, "Onun uğurları ədəbiyyatda görünməsə də, astronomiya təhsilinin ən dərinlərində yer almaqdadır".
1710-cu ildə Mariyanın həyat yoldaşı Qotfrid Kirx vəfat edir və Akademya Mariya ilə əlaqəsini kəsir. Mariyanın qadın olması onun Akademiyada işlərini davam etdirməsinə əngəl olur. Akademiya digər institutlar tərəfindən lağa qoyulacağından ehtiyat edir, hətta rəhbər Leybnis də Mariyanı qorumaqda aciz qalmışdı.
Mariya vəzifə üçün Krallıq Sarayına verdiyi ərizənin cavabını 18 ay gözləyir. Nəhayət, 1712-ci ildə ona rədd cavabı verilir. Bundan kədərlənən Mariya belə demişdi: "İndi qorxulu bir səhrada getdiyimi hiss edirəm, su yoxdur və qidalar da acıdır".
Mariya nəinki mənəvi zərbə almışdı, eyni zamanda artıq atasız qalmış 4 uşağın maddi vəziyyətini də düşünməli idi.
İşsiz qalan Mariya 1714-cü ilə qədər ailə dostları və bacarıqlı həvəskar astronom olan Baron Bernhard Frederik von Krosiqin xüsusi rəsədxanasında işləyir. 1716-cı ildə rus çarı Böyük Pyotrdan təklif alır. Ancaq təklifə müsbət cavab vermir, çünki təqvim hesablarını davam etdirmək üçün Berlində qalmağa qərar verir.
Taleyin oyunu ilə Mariyanın oğlu Kristfrid Akademiya rəsədxanasının direktoru təyin edilir və anası ilə bacısı Kristinanı katibə kimi yanında işə götürür. Mariya xüsusi çalışmalarını etsə də, bir müddət sonra həyat şəraiti onu astronomiyanı tərk etmək məcburiyyətində qoyur.
Beləliklə, Mariya Vinkelman-Kirx sadəcə dövrünün ən qabaqcıl, ən yaxşı tanınan astronomu olaraq qalmadı, eyni zamanda tarixdə quyruqlu ulduz (kometa) kəşf edən ilk qadın oldu. Dərin xəyal qırıqlığına baxmayaraq, kölgədə qalmış karyerası boyunca əhəmiyyətli elmi çalışmalarına davam etmiş və astromiyaya töhfələrini vermişdi.
Onun tanınmasında ən əhəmiyyətli işləri "Aurora Borealis üzərində izləmələri" (1707), "Günəşin Saturn və Venera ilə birləşməsi" (1709), yeni kometa kəşfinə dair məqalələri (1711) olmuşdur.
Bənzər xəbərlər...
XƏBƏR LENTİ
Körpə ağzında dişlə doğuldu-FOTO
Hər yolun sonu Ona çıxır
Mehriban Əliyeva: “Bu cinayətə laqeyd qalmaq onun iştirakçısına çevrilmək deməkdir”
Azərbaycanlı məktəblidən möhtəşəm layihə
Prezident İlham Əliyevə BMT-nin Əhali Fondunun mükafatı təqdim olunub
"Qarabağ" niyə uduzdu?
Heyvanın inanılmaz faydaları
Lazanyalı rollı (foto resept)
Profiterol (foto resept)
Şad xəbər: Azərbaycanda bu borclar silinəcək
Bakıda Dağıstan Mədəniyyəti Günləri başlandı
Dəniz Çakır bir çox saytların bloklanmasını tələb edib
Bayram günlərində Şahdağa 12 min turist gəlib
Analar və qızları
Avtomobilini sığortalamaq istəyənlərin nəzərinə!
HAVA necə olacaq?
Dəri tipləri və onların problemləri
Səyyar ASAN xidmət bu rayonlara gəlir
Qapılar
Xoşbəxt olmağın 8 yolu
Kəs və yapışdır-11
Məryəmin qızı ilə rəqsi 2 milyon izlənildi-VİDEO
Əsgərlərimiz qələbə şüarları ilə yola salınır - VİDEO
Bu qadın 10 illik həbs cəzası alacaq-SƏBƏB
Sürətli oxu - 4
E.ə. II minilliyin sonu-I minilliyin əvvəllərində Azərbaycan-1
Bakısız mümkün olmayan böyük qələbə
Koronavirusdan qorunmaq üçün ən sadə üsul açıqlandı
Azərbaycanda sabaha gözlənilən hava şəraiti açıqlanıb.
Mobil telefon istifadəçilərinə xoş xəbər!
Səkkiz SMS göndərdi, cavab gəlməsə də, evdən çıxdı, həbs edildi
"Atiye" filminin Tanıtım Çarxı yayımlandı-VİDEO
Azərbaycanda gəlinlərin həyatı niyə əzaba dönür?
Ramazanı sağlam keçirmək istəyənlər üçün məsləhətlər
Sinoptiklərdən şad xəbər
Rezidenturada həkim-mütəxəssis hazırlığı aparılan ixtisaslar üzrə təhsilin müddəti müəyyənləşdi
Putinə yenə "yox" dedilər
Məşhur aktrisadan gözlənilməz Açıqlama
Bu tələbələr seçildi
Abdullah Gülün 55 cangüdəni, 45 işçisi və 18 avtomobili var
Kirpik tökülməsi üçün maska
Dünyanın ən güclü parataekvandoçusu at belində Novruzun rəmzi obrazında
HAVA necə olacaq?-7 Mart
Ərdoğan Rusiya qırıcılarını "vur" əmri verdi
"Dərman vasitələri haqqında" qanunda dəyişiklik edildi
Xətaidə yanan binanın sakinlərinə veriləcək MƏBLƏG
Günün qoroskopu: Diqqətli davranın!
Atomdakı qüsursuz nizam
Damalı ətəklər yenidən dəbdədir!
İrəm Dərici sevgilisindən ayrıldı
- ŞƏRHLƏR