Bu gün 1 Aprel - gülüş günüdür. Bu xəbərimdə sizlərə Qadin.Net istifadəçilərinin başına gələn 1 aprel zarafatlarını təqdim edirəm.
Pərvanə Əliyeva
Aprelin 1-də çoxlari kimi məni də aldadıblar, məndə aldatmışam. Buna görə də aprelin 1-ni yadımda saxlayıram ki, heç kim məni aldatmasın, yenə də o gün gəlib çatanda yadımdan çıxır. Keçən il yoldaşım mənə zəng elədi ki, axşam dostu öz ailəsi ilə bizə gələcək. Dedim: "Adama indi deyərlər? Axı mən təkbaşına necə catdırım?" Nə isə. Tez durdum, bir hazırlıq gördüm ki, gəl görəsən. Süfrəni bəzədim, dəm-dəsgah. Qonaqlar da saat 6-da gəlməli idi. Saata baxıram ki, 6-dan keçir, gəlmirlər. Yoldaşıma zəng etdim ki, "noldu qonaqlar?" Deyir: "Dəlisən? Nə dost? Bu gün aprelin 1-dir. Səni aldatdım". O anda elə bil başıma qaynar su tökdülər. Hirsimdən o qədər ağladım ki... 3 gün yoldaşımı dindirmədim.
Ruhəngiz
Keçən il aprelin 1-də oğlum gəlib mənə deyir ki, "ay ana, sənin başında tük var ee". Əvvəl bu söz mənə çatmadı. Əlimi başıma atdım. Gülüb deyir: "Başda tük olar da". Bir neçə il bundan qabaq əl telefonumu götürüb zəngə qoydum.Guya mənə zəng gəldi.Deyirəm: "Hə, gəlirsiz? Bu vaxt?" Yalançı danışığımı qurtardım.Yoldaşım deyir: "N olub?" Axşam saat 9-10 olardı .Deyirəm: "Qardaşın, qızlar, kürəkənləri gəlirlər". O da işdən yenicə gəlmişdi. Deyindi ki, "bu vaxt bu qədər adam gələr? Gedim nə alım?" Dözmədim, yazığım gəldi.Həm də adamı gülmək tutur axı. Dedim: "1 aprel zarafatıdır".
Dr.Ağayeva
Aprelin 1-i dedikdə xatirəmdə yalnız bu hadisə qalıb.Tələbəlik illərindəydim.Bacım da şəhərdə ailəsi ilə yaşayırdı.Aprelin 1-də dərsdən gəldim, bacımı aldatmaq istədim. SMS yazdım ki, "ana rayondan gəlib, mənim yanımdadır". Ancaq həqiqətən fikrim var idi ki, bir azdan zəng vurub yalan olduğunu deyəm.Yadımdan cıxdı,telefonu da səssizə qoyub yatmışam.Bacım da elə himə bəndmiş. Həmin vaxt bacım 7-8 aylıq hamiləydi. Mən yaşadığım ev binanın 9-cu mərtəbəsiydi və həmin gün də lift işləmirdi.Bacım işdən çıxıb, iki avtobus dəyişib, birtəhər gəlib cıxıb. Ayaqla da qalxıb 9-cu mərtəbəyə.Mən də şirin yuxuda...Bir də gördüm bacım başımın üstündə...Təngnəfəs olmuş halda. "Ana hanı?" dedi. Bir baxdım yazığın vəziyyətinə,vicdan əzabından öldüm... Əsl qiyamət bu günün 1 aprel olduğunu deyəndə qopdu... Hamı düşdü üstümə, danladılar o ki var. O gün-bu gün mənim 1 aprel zarafatım bitdi.
Fidan
Martın 31-də axşam xalam İsveçrədən Bakıya bizə gələcəyini demişdi (xalam İsveçrədə yaşayır). Həmin gün anam cürbəcür yeməklər,salatlar hazırlamışdı, hətta bütün yaxınlarına da demişdi. Aprelin 1-də xalam artıq Bakıda olmalı idi. Xalam zəng etdi, anam da soruşdu ki, "Çatırsız?" Xalam da nə desə yaxşıdı: "Bacı, bu gün ayın necəsidir?" Aman da deyir: "Aprelin 1-i". Anama onda catdı ki, xalam zarafat edib.
Ruslan
Mən dostumu aldatmışam. Dedim ki, "Mən qəza törətmişəm, tez gəl". Amma əslində dostlarımla restorandaydıq. Mənim özümə də başqa dostum zəng vurdu ki, "Məni tutublar, polisdəyəm". Durub getdik şöbəyə, gördük yalandı, amma çox inandırıcı idi onun danışığı.
S.S.90...S A M I R...
1 Aprel - Gülüş günü, bizim dildə desək, aldatma günü...
Mən də bir çoxları kimi həm aldatmışam, həm də aldanmışam....Belə hadisələr ən çox məktəb vaxtı olub. Bir dəfə müəlliməmizi aldadıb dərsdən qaçdıq. Bir dəfə də dostum məni aldadıb. Şəhərdə idik, gəldi ki, "anan səni evdə gözləyir"... Mən də eləməyib tənbəllik, durub gəldim evə. Heç ağlıma gəlməyib ki, 1 aprel günüdür (telefonumun olmayan vaxtları idi, telefonum olsaydı, zəng vurub soruşardım ki, "ay ana neynirsən məni").
Hər dəfə məni aldatmayacaqlar ki... Bu dəfə növbə məndə idi. Dostuma zəng vurdum ki, "Pis hadisə baş verib, mütləq gəlməlisən Bakıya" Guya bir dostumuz var, rəhmətə gedib. Yazıq uşaq durub rayondan gəldi, bu biri dostumuzu da diri-diri gömdük torpağa...
Vəfa
Aprelin 1-də uşaq vaxtı anamdan xəbərsiz həyətə düşmüşdüm. Qonşumuzun qızı dedi ki, "anan səni axtarır". Mən də qorxudan ölüb-dirildim. Evə gələndən sonra bildim ki, məni aldadıb. Anamdan soruşdum, məni axtarmadığını dedi: "Bu gün aprelin 1-dir axı, aldadıb səni".
Ayka
Mart ayının 31-i, gecə 12-ni keçmişdi, aprelin 1-i idi. Mən aldatma günü olduğunu unutmuşdum. Gecə 1-ə işləmiş nişanlımdan SMS gəldi (Rusiyada olurdu): "Səhər birbaşa reyslə gəlirəm". Öz-özümə dedim: "Axi niyə birdən-birə dedi ki, gəlim danışarıq" Həmin gecə səhərə kimi yatmadım, səhər oldu, günorta oldu, ha gözlə ki, gəlib çıxar. Axır ki zəng etdi və başladı gülməyə: "1 aprelin mübarək, zarafat edirdim. Mən gələn ay gələcəm"
Gülay Əliyeva
Sevdiyim oğlan bir dəfə aldatdı kı, "evə gedirəm, bir həftə gəlməyəcəm". Biz eyni qrupda oxuyurduq. Mən də çox pis oldum ki, bir həftə görməyəcəyəm. Sonra dedi ki, "zarafat idi". Mən də onu aldatmışdım ki, "atamın yaxın dostu mənə elçi gəlir, sən gəlməsən məni verəcəklər". O da çox pis oldu. Sonda başa düşdü ki,aldadıram.
Mamedova Leyla (GÜNƏŞ)
Məni aldadan qardaşım olub. Mən dərsdə olanda zəng vurdu ki, "ananın vəziyyəti ağırdır, həkimə aparırıq. Evə gəl, tez ol". Mən də dərsdən gəldim, amma anam mənə qapını açıb gülürdü...
Bənzər xəbərlər...
XƏBƏR LENTİ
Avropanın ən məşhur balı keçirildi
Maraqlı tapşırıqlar - 1
Lavandalı limonat
Düşmənin atıb qaçdığı hərbi texnika və silah-sursatların yeni görüntüləri yayıldı - VİDEO
Labirint-3
Şirələrin faydaları
Görkəmli yazıçı, böyük alim Mir Cəlal Paşayevin doğumundan 106 il keçir
Ən çox hansı mobil telefonlar alınır? - REYTİNQ
Bu gün Azərbaycanda Od çərşənbəsidir
Meşə kababı (foto-resept)
Kosmetikamızı özümüz hazırlayaq (2)
Gəlinciklərinə 200 min dollar xərclədi
İnsanlarla başıayaqlıların ortaq cəhəti
Ana südü xərçəng xəstəliyinin qarşısını alır
Günün qoroskopu - 05.11.2013
İnsanları geyindirən kitabxana
Artıq cəza da yoxdur: valideynlərə faydalı məsləhətlər
Ramil Usubovdan polis olmaq istəyənlərə
Paytaxt üzrə koronavirusa yoluxma ən çox hansı rayonunda qeydə alınıb?
BÜRCLƏR bizə nə vəd edir?- 19 Dekabr
Qiymət artımı açıqlaması
Genetik: Koronavirus özünü çox qeyri-adi aparır
Ağrılı aybaşı
O mesajlar niyə göndərilir? - Müdafiə Nazirliyi açıqladı
Metropolitenin bəzi işçilərinin maaşı 30-50 faiz artırılıb
WhatsApp-da yeni rekord
Göyçay çayı məcrasını dəyişdi - TƏHLÜKƏ
ABŞ-dan şok etiraf
Çobanyastığı maskası
Müəllimlərin işə qəbulu üzrə növbəti imtahanlar keçirilir
Niyə təbii gülümsəməyi süni şəkildə edə bilmirik?
Almalı piroq (foto resept)
Tələbələrdən Yanukoviçə 250 metrlik məktub
Ballı-yumurtalı pəhriz
NASA xəbərdarlıq etdi-FOTO
Meyvə tərkibləri
Qırmızı rəngin fərqli tonları geyimlərdə
Maraqlı məsləhətlər
Xərçəngə qarşı universal vasitə hazırlanır
Hindistanda "su pərisi" dünyaya gəldi
Google-un gəlirləri azalır
"Super nənə" adına layiq görüldü-FOTO
AbŞ-da soyuqdan ölənlərin sayi artır
Evlərə "kupça"nı necə almaq olar?
Qəzəbli sürücüləri necə dayandırmalı? - MÜZAKİRƏ
Məşhur müğənnini Maykl Ceksona bənzətdilər-FOTO
Azərbaycanda aptekdə çalışmaq istəyənlər üçün yenilik
Almaniya qondarma "erməni soyqırımı"nı tanıdı
Victoria Beckhamdan dəriyə qulluq
Mübarizsiz 10 il...
- ŞƏRHLƏR