Bakıda hava 11°
USD 1.7002 AZN
EUR 2.0005 AZN
13:10Gözel Gözlum Salam her kese 11:30Xəyalə Murad Hər birinizə xoş həftə sonu diləyirəm! 11:29Xəyalə Murad Hər vaxtınız xeyir olsun,Əziz Qadin.Netlilər! 17 noyabr 21:12Xəyalə Murad Xoş gəldin, Samirə) Hər zaman sən gələsən! 17 noyabr 20:59ARiEL_ViViAN(SaMiRə) sohbet otaqina gelinde sayt ehliii... 17 noyabr 20:53ARiEL_ViViAN(SaMiRə) Salam Sayt ehli.Necesiz? 17 noyabr 12:01Xəyalə Murad Hər vaxtınız xeyir olsun, Əziz Qadin.Netlilər! 15 noyabr 15:23Xəyalə Murad Hər vaxtınız xeyir olsun,Əziz Qadin.Netlilər! 15 noyabr 11:05gun ka sabaxiniz xeyirli ve ugurlu olsun 15 noyabr 09:01Emma Svon Hər kəsə salam!!!
37855

Yuxu

 

Yuxu

 

…Əlini qaldırıb bir daha zərbə endirdi. Artıq gücü tükənirdi. Möhkəm-möhkəm sıxmışdı ovcundakını. Onu ölmək yox, ölərkən ovcundakını itirmək qorxusu narahat edirdi. Bu qədər insanın əziyyətini itirmək demək idi. Namusu, şərəfi itirmək. Yox olmaq demək idi. Yer üzündən silinmək.

 

"Yo-o-ox!" hayqırtısıyla bir daha irəli atıldı. Qarşısındakı iri cüssəli adam arxaya addım atdı. Qara pencək, ağ köynək və qalstuklu idi. Kənardan hər hansı bir bank işçisinə bənzətmək olardı. Amma çox güclü idi. Adi insandan 6-7 qat güclü. Qara gözləri.. yox bu sadəcə qara deyildi, qapqara idi. Sanki gözünə zülmət çökmüşdü. İnsani reaksiyaları robotlaşmış hərəkətlər əvəzləmişdi sanki. Vurulan zərbədən belə cəld yayınma və əks-hücum etmə qabiliyyəti ancaq peşəkar konfuçuda ola bilərdi.

 

"Axı bu yapon da deyil!" fikirləri beynindən keçərkən qara pencəkli onu götürüb bir daha divara çırpdı. Dar döngənin sonunda böyük küçə, mərkəzi yol vardı. Adamlar o yana, bu yana şütüsə də bu qaranlıq dalanda nələr baş verdiyini görmürdü. Belindəki sancılar artmağa başladı. Ağzından qan tökülürdü. Tərləmişdi. Bədəninin təri göz qapaqlarından leysan kimi axır, gözüylə bərabər beynini də dumanlandırırdı.

 

Qara pencəkli yavaş yavaş yaxınlaşırdı. Belindəki silaha əl atdı. Küçənin sonundakı maşın əyləci və təkərlərin asfalta sürtülərək çıxartdığı ciyiltili səsi onu bir anlıq dayandırdı. Üzünü çevirib dalanın sonuna baxdı.

 

Bu bəlkə də son şans idi. Ya uğur, ya da fiasko. Əzələlərində qalan taqəti ayağındakı son təpərlə birləşdirib irəli sıçradı. Havada ikən gözünü ən son gərginliklə bir nöqtəyə - kəmərin belindəki silaha tuşladı. Əlini uzatdı. Silahı toqqadan çıxarıb geriyə atıldı. O artıq geri çönmüşdü. Vurmaq vaxtı idi. Tətiyi çəkdi…

 

***

- Bunu nə vaxt gətiriblər?

- Yarım saat əvvəl. Küçənin tinində tapıblar.

- Kim güllələyib?

- Hələ bilinmir. Amma peşəkar olub. Bax. Bir güllə ürəyinin üst nahiyəsinə, bir güllə də gördüyün alnının ortasına. Mərmi düz mərkəzi beyinə keçib. Düşünürəm ki, 2-3 saniyəyə keçinib..

- Səncə mafia işləridi? Yəqin kimsə sifariş edibmiş bunu.

- Mafia olub olmadığını bilmirəm. Amma sifariş olmayıb. Əlbəayağa olublar. Üstəlik əlində silah vardı. Tətiyə basılı idi.

- Tətiyə basılı?

- Hə, amma DNK testləri yerdəki qanın sadəcə bir insana aid olduğunu göstərir. Üstəlik silah boş olub. Boş silahla nə etmək istəyirmiş görəsən.

- Ehh.. Bəziləri bir silahla bütün dünyanı dəyişə biləcəyini düşünür.

 

AzYa

Səslərin sayı: 0
0
992
Loading...
loading...
Şərhlər
Adıniız:*
E-Mail:
ıifrə: *
Son yazılar
Son şərhlər
Maraqlıdır