Bakıda hava 23°
USD 1.7000 AZN
EUR 1.9478 AZN
09:59Xəyalə Murad Sabahınız xeyirli,gününüz uğurlu olsun,Əziz Qadin.Netlilər! 09:59Xəyalə Murad Yeni iş və dərs həftəsində hər birinizi salamlayıram!
40489

Milli Geyim Gününün təsis edilməsi ideyası dəstəkləndi - FOTO

Milli Geyim Gününün təsis edilməsi ideyası dəstəkləndi - FOTO


Azərbaycanın mədəniyyət xadimləri Azərbaycan Milli Geyim Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilovanın Milli Geyim Gününün təsis edilməsi ideyasını dəstəkləyiblər.

Qadin.Net Milli.Az-a istinadən xəbər verir ki, G. Xəlilovanın sözlərinə görə, Azərbaycan xalqının milli dəyərlərinin, mədəniyyətinin, incəsənətinin və qədim irsinin təbliğ edilməsi bu gün prioritet vəzifələrdən biridir: "Azərbaycanın milli geyimi iftixar predmetidir, xalqın və ölkənin müxtəlif region sakinlərinin özünəməxsusluğunu əks etdirir. Onu da nəzərə almaq lazımdır ki, XXI əsrdə yaşayırıq və milli kostyumu təkcə bayramlarda deyil, həm də gündəlik həyatda geyinmək üçün onun stilizasiyasına diqqət ayrılmalıdır. Azərbaycanda Milli Geyim Gününün təsis edilməsi ideyası tərəfimdən hələ 2006-cı ildə verilib və bununla əlaqədar bir çox iş görülüb. Azərbaycan Mədəniyyət və Turizm Nazirliyi 2016-cı ildə bu ideyanı dəstəkləyərək mənə rəsmi məktub göndərib. Bu, çox sevindiricidir və düşünürəm ki, belə bayram tarixinin təsis edilməsinin vaxtı çatıb. Bundan başqa, Milli Geyim Gününün təsis edilməsi ölkədə turizm sənayesinin inkişafına xeyli töhfə verə bilər".

Azərbaycanın məşhur mədəniyyət xadimləri bu ideyanı dəstəkləyiblər. Onlar həmin günü necə gördükləri və hansı tarixin seçilməsi barədə Trend-in apardığı sorğuda danışıblar.

Xalq artisti, "Şöhrət" ordenli, xanəndə Səkinə İsmayılova: "Biz getdikcə daha çoz öz köklərimizə can atırıq, mənbələrimizə qayıdırıq, bu da çox sevindiricidir və Milli Geyim Gününün təsis edilməsindən xəbər verir. Çoxdan lazımdır! Dünyanın bir çox ölkəsində Milli Geyim Gününə həsr olunmuş müxtəlif festivallar və karnavallar keçirilir ki, bu da mədəniyyətin və turizm sənayesinin inkişafına yardım edir. Xalq mahnıları və muğam ifaçıları adətən milli geyimlərdə çıxış edirlər, özü də xaricdə ökənin siması, mədəniyyət və ənənələrin elçisi sayılırlar. Milli kostyumlar həmişə qiymətli tarixi mənbələrdən biri olub, axı xüsusi parça, rəng və ya ornamentin köməkliyi ilə xalqın ətraf mühit və insan haqqında baxışlarını öyrənmək, adət və ənənələr, özünəməxsusluq və milli mentalitet  haqqında tanış olmaq mümkündür. Konkret bayram gününə gəlincə, Novruz bayramı ərəfəsində keçirmək, yaxud öz tarixini təsis etmək olar".

Xalq artisti, "Şöhrət" ordenli, aktrisa Afaq Bəşirqızı: "Gözəl ideyaya görə Gülnarə xanıma təşəkkürümü bildirirəm! Bu mənim çoxdankı arzumdur! Mən istərdim ki, təkcə rəqqaslar və artistlər səhnəyə milli geyimdə çıxmasınlar, qoy bütün qadınlarımız müxtəlif bayramlara belə gözəl libaslar geyinsinlər. Hər bir regionumuz özünəməxsus mili geyimi və ənənələri ilə fərqlənir. Bu sahəni mütləq qorumaq və inkişaf etdirmək lazımdır. Bütün dizaynerlər və rəssamlar həmin günü öz bacarıqlarını, xalq tətbiqi sənəti ustaları isə Azərbaycana həsr olunmuş öz işlərini nümayiş etdirə bilərlər. Azərbaycan qadınlarının əsl gözəlliyini göstərmək üçün həmin gün bayram yürüşünün, paradların, müxtəlif dəfilə və yaradıcılıq gecələrinin, milli geyimdə gözəllik müsabiqələrinin keçirilməsi ilə əlamətdar ola bilər. Həmin günü Martın 8-nə və ya  Novruz bayramı ərəfəsinə salmaq mümkündür, ən yaxşı öz tarixi olsun,  hadisələrin mərkəzi isə İçərişəhər olar. Bizim və gələcək nəsil üçün Milli Geyim Gününün təsis edilməsini çox vacib hesab edirəm".

Əməkdar incəsənət xadimi, "Şöhrət" ordenli, yazıçı Natiq Rəsulzadə: "Bu, çox orjinal və yaxşı ideyanı tam dəstəkləyirəm! Təəssüf ki, bir çox ölkədə insanlar milli ənənələrdən uzaqlaşırlar, həyat sürətlə ötüb keçir və müasirlik öz torlarını o qədər örtür ki, mənbələrimizi unuduruq. Milli kostyumlar xalqların özünəməxsus mədəniyyətlərinin vizual əksidir, ölkəmizdə buna həmişə xüsusi diqqət ayrılıb. Buna görə də belə günün təsis edilməsini aktual hesab edirəm. Fikrimcə, bu hər şeydən əvvəl gənclər arasında böyük maraq doğuracaq. Onlar təkcə Novruz bayramında deyil, həmin gün də müxtəlif aksiyalar, rəngarəng sərgilər, parlaq dəb nümayişləri və s. keçirərdi. Bu cür səmərəli ideyaların həyata keçirilməsi cəmiyyətimizin gələcək inkişafı üçün çox önəmlidir".

Xalq artisti, müğənni Faiq Ağayev: "Bu, əla ideyadır! Bizim çox zəngin və qədim mədəniyyətimiz, o cümlədən tarixdə təcəssüm etmiş milli geyimimiz var. Üstəlik çox istərdim ki, gənclərin nikah mərasimlərində və toylarda məhz milli geyimlərdə iştirak etmək dəbi yaransın. Bu, çox gözəldir və ənənələrə hörmətdir! Uşaqlıqdan milli geyimi aşılamaq, ona maraq doğurmaq lazımdır, bu da özlüyündə tərbiyəvi funksiyanı, milli irs və adətlərə hörməti daşıyır. Həmin günü adət və ənənələrə rəngarəng formada əməl edərək Novruz ərəfəsindəki çərşənbələrdən ( su, od, külək və torpaq) birinə salmaq olar. Bu, gözəl ölkəmiz barədə bütün dünyaya məlumat vermək üçün daha bir imkandır, çünki bizə müxtəlif ölkələrdən xeyli sayda qonaq gəlir".

Xalq artisti, bəstəkar Aygün Səmədzadə: "Çox gözəl ideyadır və həmin günü Azərbaycanda dövlət bayramı - Respublika Gününün qeyd edildiyi 28 May tarixinə salmaq olar. Gözəl hava, bahar, çiçəklər və hamı milli geyim və kostyumlarda! Həmin gün müxtəlif müsabiqələr, festivallar, sərgilər və dəb gecələri, ölkə şəhərlərinin küçələrində milli geyimlərdə karnaval yürüşləri keçirmək mümkündür. Sevindirici haldır ki, milli geyimə maraq daha çox gənc nəslin nümayəndələri arasında özünü göstərir. Üstəlik bu bizim üçün sadəcə dəbə ehtiram əlaməti deyil, həm də gündəlik həyatın rəmzinə çevrilməlidir. Milli kostyum təkcə geyim deyil, həm də bütöv xalq və ayrıca insan, ənənələr və xarakter, arzular və gözəllik haqqında xəbər verən böyük tarixdir".

Xalq artisti, rəqqasə Təranə Muradova: "Əla ideyadır! Məlum olduğu kimi, xalq rəqslərinin ifası zamanı səhnədə xüsusi milli geyimlərdə və kostyumlarda çıxış edirik, buna görə də mən xoreoqraf kimi həmin günün aprelin 29-da qeyd edilən Beynəlxalq Rəqs Günündə -  bütün rəqs üslublarına həsr olunmuş bayramda təsis edilməsini istərdim. Mədəniyyət həyatının vacib hadisələri ilə bağlı istənilən başqa gün də olar. Həmin gün hamını parlaq milli kostyumlarda, buta, nar kimi milli ornamentli üslublaşdırılan müasir geyimlərdə görmək gözəl olardı. Düşünürəm ki, ənənələr, folklor mahnılar və rəqslərin olacağı gözəl bayram uzun müddət insanların yaddaşında qalacaq və irsimizin, mədəniyyətimizin və incəsənətimizin gözəl təbliğatına çevriləcək".

Xalq artisti, dirijor Yalçın Adıgözəlov: "Çox gözəl ideyadır və belə günü çoxdan təsis etmək lazımdır, çünki milli kostyum xalqımızın tarixi sərvəti, qədim Azərbaycan mədəniyyətinin bütöv təbəqəsidir və ölkə regionlarının özünəməxsusluğunu əks etdirir, müxtəlif dövrlərin əlamətlərini daşıyır. Mən Kiyevdə çox olmuşam və görmüşəm ki, insanlar Milli Geyim Günündə doğma torpağa sevgi əlaməti olaraq fəxr, vətənpərvərlik və qürur hissi ilə Ukrayna köynəyində gəzirlər. Əgər Azərbaycanda belə gün təsis edilsə, ailəm milli elementləri olan geyim və kostyumlar geyinərək işə gedəcəyik, yaxud şəhərdə gəzəcəyik, bu hadisəni qeyd edəcəyik. Fikrimcə, bu, ümumxalq və çox gözəl gün olacaq. Onu Novruz bayramı ərəfəsində, məsələn, ölkədə çoxlu turistin olduğu axır çərşənbədə keçirmək olar. Həmin gün bütün Bakı və regionlar bir böyük parlaq bayrama qərq olacaq"

Milli Geyim Gününün təsis edilməsi ideyası dəstəkləndi - FOTO


Səslərin sayı: 0
1
115
loading...
Şərhlər
Offline
Ayla Ayla
Çox sevindim həmin gün hamı geyinsin
19 aprel 2019 17:58
Adıniız:*
E-Mail:
ıifrə: *
Son şərhlər
  • 10:09 - Müəllif: RAULgotIS
    Həkim məsləhəti (5707)

    Həkim məsləhəti

    Покерный рум PokerDOM выдает что такое твой бонус на покердом всем новым игрокам. Для получения бонуса достаточно зарегистрировать аккаунт по инструкции нашего сайта. Покерный рум PokerDOM выдает что такое твой бонус на покердом всем новым игрокам. Для получения бонуса достаточно зарегистрировать аккаунт по инструкции нашего сайта....
  • 02:36 - Müəllif: BennieUneroFL
    Həkim məsləhəti (5707)

    Həkim məsləhəti

    Car Filters – GTP Motorsports Car Filters – GTP Motorsports!
  • 21:52 - Müəllif: Surayye
    Faydalı dizayna malik əşyalar (1)

    Faydalı dizayna malik əşyalar

    ticaret merkezindekini basa dusmedim qalanalri maraglidi
  • Sabriye hər kəsi TƏƏCCÜBLƏNDİRDİ-FOTO

    Bu sekli Dominikde cekdiribler de
  • Məşhur aktrisa ən böyük qorxusunu AÇIQLADI-FOTO

    Bu aktrisani ele Postaci Saban kinosunda gorub sevmisem
  • Meryem Üzerli anasını belə təbrik etdi-FOTO

    Qizi da ozune oxuyur ki. Bes atasi kimdi?
  • Stallonenin qızı gözəlliyi ilə hər kəsi HEYRƏTLƏNDİRDİ - FOTO

    Silvestr Stallone Kann festivalına qızı ilə gəlib. Sofiya gözəlliyi ilə hamını heyrətə salıb.
  • 21:13 - Müəllif: FerminkefWF
    Həkim məsləhəti (5707)

    Həkim məsləhəti

    Ктп сэндвич 25-2500ква псс-10-пу, Ктп комплектные трансформаторные подстанции москва, Производство ктп москва и другое на нашем специализированном сайте: - Это то, что Вам нужно!https://vk.com/club111724259
  • Gülşən çanta üstündə məhkəməlik oldu

    Allah bilir orda ne olub gunahlarini yumaq mene dusmez
  • Məşhur aktrisa ən böyük qorxusunu AÇIQLADI-FOTO

    "Ən böyük qorxum ağrı çəkərək ölməkdir!" dedi.
loading...
Son yazılar
Hansı fəsili daha çox sevirsiniz?
Yaz
Yay
Payız
Qış