Bakıda hava 11°
USD 1.7002 AZN
EUR 2.0005 AZN

"İsveçə gedə bilməsəm də..." Xəyalə Muradla müsahibə

"İsveçə gedə bilməsəm də..." Xəyalə Muradla müsahibə

Bu günlərdə həm xətri əziz dost adına, həm Qadin.Net ailəsi adına, həm də ədəbiyyat aləmində yeni, fərqli addımlar atan yazıçı adına bizi çox sevindirən xəbər aldıq. Saytımızın baş redaktoru, yazıçı Xəyalə Murad "VI Beynəlxalq Ədəbiyyat Festivalı"-nın açılışı üçün təşkil edilmiş müsabiqədə uğur əldə edib. Xəyalə Murad müsabiqəyə 38 ölkədən qoşulmuş 1200 iştirakçı (yazıçı) arasından fərqlənərək finalist olub.

-Əvvəlcə sizi səmimi qəlbdən təbrik edirəm. Zəhmət olmasa təəssüratlarınızı bizimlə bölüşün.

 

"Çox sağ olun. Təəssüratım- möhtəşəm! Başqa cür ola da bilməz. Bu xəbəri aldığımda sevincimin həddi hüdudu yox idi. Qeyd edim ki, bu müsabiqədə finalist olan üç Azərbaycanlıdan biriyəm. Digər qalibləri çox axtardım, lakin ədəbi təsəllüslərini bilmədiyim üçün tanıya bilmədim. Müsahibədən istifadə edərək onları da təbrik edirəm. Çox istedadlı yazıçılar iştirak edirdi. Üstəlik tanıdığım, əsərlərinə dəyər verdiyim qələm sahiblərinin hekayələrinə də yer verilmişdi. Böyük maştablı müsabiqə olduğu üçün demək olar Dünyanın hər yerindən yazıçı qoşulmuşdu. "Yaşam naminə" adlı hekayəmin müsabiqədə yarışan 1200 hekayə içində fərqləndiyini bilmək olduqca xoşdur. "

 

"İsveçə gedə bilməsəm də..." Xəyalə Muradla müsahibə


- Mümkünsə bu müsabiqə barədə bizə məlumat verin. Harada kecirilir, hansı kateqoriyaları özündə əks etdirir, necə bir formata sahibdir?

"Festival 2012-ci ildən bu yana hər il müxtəlif ölkələrdə (Qazaxıstan, Qırğızıstan, Böyük Britaniya, İsveç) keçirilir. Əsasən üç hissədən ibarətdir. 1-ci hissə "Ədəbi müsabiqələr", 2-ci hissə "Ədəbi festival", 3-cü hissə "Kitab forumu"(seminarlar). "Ədəbi müsabiqə" özü dörd kateqoriyaya bölünür: Ədəbi məqalə, ədəbi tərcümə, illüstrasiya, bədii əsər haqqında videofilm. Əsasən ingilis dilinə üstünlük verilir və rəqabət olduqca yüksək olur."

- Necə oldu ki, iştirak etmək qərarına gəldiniz?

 

"Bu festival ötən ildən diqqətimi çəkirdi. Lakin ötən il əsər qəbulunun son tarixini ötürmüşdüm. Bu il isə elanı görər-görməz tərcümə kateqoriyası üzrə özümü sınadım, nəticəsindən də razı qaldım".

- Öz çevənizdə kifayət qədər uğura imza atmış birisiniz. Son kitabınızın satış sürəti bunu deməyə imkan yaradır. Bəs ölkə xaricində belə bir uğura sahib olmaq necə hissdir?


"Düzdür, "Adsız" romanım digər kitablarımdan daha uğurlu oldu. Lakin hər şey qarşıdadır. Üzərimdə işləməyə, daha dəyərli kitablar yazmağa çalışıram. Ölkə xaricində uğur qazanmağa gəldikdə isə bir çox beynəlxalq müsabiqələri izləyirəm. Hazırda başqa beynəlxalq ədəbi müsabiqələrdə yarışmaqdayam. Qeyd edim ki, bu günədək ölkə xaricində əldə etdiyim ilk uğurum bu deyil. Ancaq bu müsabiqənin yeri tamam başqadır." love


- Stokholuma dəvət alsanız belə getmədiniz. Getməməyinizin səbəbi nədir?

"Getməmək səbəbim gec xəbər tutmağımla bağlıdır. Hekayəmi bu müsabiqəyə göndərəndə diqqət çəkəcəyini düşünməmişdim. Tamamilə unutduğumu da deyə bilərəm. Sadəcə noyabr ayının 26-sı sayt üçün məqalə hazırlayanda email-ə daxil oldum və o möhtəşəm xəbəri oxudum. Finalist olduğum üçün bir həftəlik Stokholma dəvət olunurdum. Dəvətdə günlərə görə ədəbi görüşlərin cədvəli verilmişdi. Lakin məndən cavabı noyabrın 16-sı gözlədiklərini vurğulamışdılar. Mənsə on gün sonra xəbər tutmuşdum. Müsabiqədə layiqli yer tutduğum üçün sevindiyim qədər məktubu on gün gec gördüyümə və məhz bu səbəbdən Stokholma getməkdən, tanınmış yazıçılarla tanış olmaqdan, ədəbi seminarlarda dinləyici olmaqdan məhrum olduğum üçün məyus olmuşdum. Üzr məktubu yazıb məsələni izah etməklə sertifikatıma qovuşmaq şansına layiq görüldüm. İsveçə gedə bilməsəm də sertifikatı evimə gətirə bildim..."

- Yəqin ki, bununla kifayətlənməyəcək, bu müsabiqədə təkrarən öz qələm təcrübənizi nümayiş etdirəcəksiniz?

"Mütləq! Lakin bu dəfəki hədəfim birincilik əldə etməkdir. Bunun üçün daim inkişaf etməyə can atır, özümü ədəbi cəhətdən yetişdirməkdəyəm!"

 

- Biz də Qadin.Netlilər olaraq sizə şəxsi işlərinizdə və yaradıcılığınızda uğur arzulayırıq.

- Təşəkkür edirəm! 

 


Səslərin sayı: 1
4
607
Loading...
loading...
Şərhlər
Offline
Xəyalə Murad
Tebrikler!!
yaxsi stimuldur, yeni -yeni nailiyyetler arzu edirem!

Təşəkkür edirəm. Sizi yenidən görmək çox xoşdur.
12 dekabr 2017 18:34
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
Bakuji
Tebrikler!!
yaxsi stimuldur, yeni -yeni nailiyyetler arzu edirem!
12 dekabr 2017 16:29
Offline
Xəyalə Murad
Bir daha təbriklər, və uğurlar ))

Çox sağ ol love Suallar üçün də sənə təşəkkür edirəm.
6 dekabr 2017 23:17
imza: Bu daş əvvəldən belə DAŞ deyildi...Yumşaq torpaq idi...Yağış amansızca yağıb onu palçığa döndərdi...Külək deyinə-deyinə əsdi, üst-başını qurutdu...Günəş də quru olduğunu görüb onu yandırmağa cəhd etdi və yandırdı...Bu prosses illərlə təkrarlandı, təkrarlandı...O yumşaq torpaq bu üçlüyün zülümlərindən qurtulmaq üçün çarəsiz qalıb DAŞLAŞMAĞA qərar verdi. Və DAŞA döndü. İndi ona nə yağış, nə külək, nə də günəş təsir edə bilir...
PS. Gəlin bir-birimizi DAŞLAŞDIRMAYAQ!
Offline
Iceberg
Bir daha təbriklər, və uğurlar ))
6 dekabr 2017 23:10
imza: shafaabdulla.blogspot.com
Adıniız:*
E-Mail:
ıifrə: *
Son yazılar
Son şərhlər
Maraqlıdır