Bakıda hava
USD AZN
EUR AZN
20 yanvar 15:17Iceberg Allah rehmet elesin
41328

“Dərinliklərdə nəyin gizləndiyini bilmirik…”

 

 

“Dərinliklərdə nəyin gizləndiyini bilmirik…”



 

 “Dərinliklərdə nəyin gizləndiyini bilmirik…”

Paula Hokinslə müsahibə 

“Qatardakı qız” peşəkarcasına yazılmış trillerdir. Bu janrın daimi oxucusu idiniz?

 

- Yeniyetməlik dövründən oxumaqdayam. Detektiv janrına marağım məhz Aqata Kristi ilə başlayıb. Lakin Donna Tarttın “Gizli əhvalat” kitabı necə deyərlər gözümü açdı, məndə prisixoloji janra sözün əsil mənasında sevgi oyatdı. İzlədiyiniz kimi saysız-hesabsız kriminal əsərlər, trillerlər oxuyuram. Tarttın yaradıcılığı ilə yanaşı Keyt Atkinsonun “Cekson Brodi” seriyasını çox sevirəm. Tana Frençin, Harriet Lane, Meqan Abbott və Gillian Flynnin daimi oxucusu olduğumu da vurğulamaq istəyirəm.

 

Baş qəhrəmanlar- tamamilə bir-birinə zidd obrazlardır. Aralarında real tanışlarınızın prototipi var?

- Bütün yazıçılar bu sualla qarşılaşır. Təbii ki mən də hər yazıçı kimi insanları müşahidə edir, onların xüsusiyyətlərini obrazlarımın simasına köçürürəm. Hətta bir obrazın simasında tanıdığım onlarla insanın xüsusiyyəti cəmlənə bilir.

 Uzun illər jurnalist olaraq işləmisiniz. Nə zamansa bədii əsər yazmaq istəyiniz olub?

 

- Uşaqlıqdan yazmağı sevmişəm. Hətta kimsəyə göstərmədiyim natamam hekayələrimi bu günədək saxlayıram. Bəziləri bir neçə səhifəlik, bəziləri də minlərlə sözdən ibarət natamam romanlardır. Əsas odur ki, istədiyim vaxt onlara nəzər sala, üzərində yenidən işləyə bilərəm.

 

“Dərinliklərdə nəyin gizləndiyini bilmirik…”

 

 

Qatardakı qızın əsas xüsusiyyəti alkoqol aslılığıdır. Xəstəliyi, aslılığı bu dərəcədə real təsvir etmək üçün hər hansı araşdırma etmisinizmi?

- Bunun üçün xüsusi araşdırmaya ehtiyac yox idi. Hamımız spirtli içkidən istifadə edən yüzlərlə insan tanıyırıq. Sərxoşluğun özü ilə gətirdiyi xaos heç kəsə sirr deyil. Sərxoşluğu kimsə cəmiyyət arasında nümayiş etdirmir. Reyçl kimi uçurum kandarında dayanan onlarla insanlar var ki, alkoqolizm aslılığını güclə nizamlayırlar.

Daha çox sərxoş insanların bir qismində rast gəlinən yaddaş itkisinə aid araşdırma etmişdim. Bilirəm ki, bəziləri sərxoş olanda yaşadıqlarını unudur və zamanla xatırlayır, bəziləri isə birdəfəlik unudur və heç zaman xatırlamır.

Bir çox oxucular “Qatardakı qız”-ı “Gone Girl” ə bənzədirlər. Bu cür müqayisələrə necə baxırsınız?

- Mən “Gone Girl”-i sevərək oxuyuram. Onu qeyri-adi kitab hesab edirəm. Emi obrazında Filinn illərlə dillərdən düşməyəcək qadın obrazını yaradıb. Kitablarımız haqqında hətta ən cuzi bənzətmə belə mənim üçün şərəfdir. Nəyə əsasən bənzədildiyini bilirəm. Lakin bir daha qeyd edirəm, “Qatardakı Qız” tamamilə fərqli kitabdır. Mənim qəhrəmanım Reyçl işini, ailəsini, evini və həyatında sahib olduğu hər şeyini itirib. Ən vacibi fikirlərini, xatirələrini, reallığı və özünü idarə edə bilmir. Filinn qəhrəmanı Emi isə sağlam fikir yürüdə, rul arxasında özünə əmin otura bilir.

Uzun müddət Emi Silver təxəllüsü ilə romantik komediya yazırdınız. Birdən birə triller yazmağa necə risk etdiniz?

- Əvvəla bildirim ki, romantik komediya yazmaq mənim öz ideyam olmayıb. Naşir sxem verdi və bunun əsasında kitab yazıb yaza bilməyəcəyimi soruşdu. Mən yazdım və bundan utanmıram. Lakin özümü o üslubda heç vaxt rahat hiss etməmişəm. Hətta romantik komediyaları yazanda hadisələr get-gedə qaranlıqlaşırdı. Bu təsadüfü deyildi. O janr mənlik deyildi. Toxunduğum, başladığım hər şey zülmətə qərq olurdu. Beləliklə, triller yazmağa başladım. Məncə ən düzgün qərarı da məhz o an verdim.  

 

“Dərinliklərdə nəyin gizləndiyini bilmirik…”



 

Bir çox yazıçıların fərqli yazı ritualı var. Bəs siz necə yazırsınız?

- Yazmaq üçün tək qalmağa çalışıram. Bu başqaları ilə dayanmadan qəhrəmanlarım haqqında danışmaqdan yaxşıdır. Nəql etmədə nəsə alınmayanda gəzməyə çıxıram. Bu düşüncələrimi qaydasına salmağa kömək edir.

Son kitabınız “Into the Water” haqqında danışa bilərsiniz? Niyə məhz su?

- Bu kitab uydurulmuş İnglis qəsəbəsində cərəyan edir. Əsər batmış qadınlardan biri Nellə başlayır. Onun ölümü bacısı Jülü illər sonra yenidən Bekforda gəlməyə məcbur edir.  Bir dəfə gözəl çay kənarı ilə gəzirdim. Hava da, su da çimmək üçün ideal idi. Elə ki çayın sərt döngəsinə baxdım qoyun cəsədi gördüm. O boğularaq ölmüşdü. Üzməyi hamı sevə bilər. Lakin su bəzən qorxunc ola bilir. Axı dərinlikdə bizi nəyin gözlədiyini bilmirik. Bu bilinməzlik ani qorxunu, qorxu isə ağır fobiya yarada bilər. Oxucunun yerində olsam kitabda məhz buna nəzər salardım.

Paula Hokins həyatda pozitivdirmi?

- Xeyir! Əsil pessimistəm. Eşitdiyim və ya oxuduğum hər hansı məsələdə mütləq mənfi sonluq gözləyirəm. Hər işə, necə deyim, sanki dəriyə yox altındakı skeletə baxıram. Mənim üçün sevdiyi birini itirən şəxsin acısına müşahidə etmək, o kədəri necə yaşadığını hiss etmək vacibdir. Bu müşahidələr sayəsində “Qatardakı qız” uğurlu alınıb.


Gələcəyə dair planlarınız nələrdir? Məsələn Paula Hokins 10 il sonra özünü harada görmək istəyir?

 - İlahi! Bu çox qəliz sualdır. Mən heç növbəti kitabımda nədən yazacağımı bilmirəm, siz məndən on il sonranı soruşursunuz.Uzun müddətli planlar qurmadığıım üçün bacardığım qədər bu günü, sabahı düşünürəm, illər sonranı yox.

 

Bəs “Qatardakı qız”ın şöhrətindən sonra “Into the Water”-i yazmaqda məqsədiniz nə olub?

- Qeyd edim ki, “Into the Water” kitabını “Qatardakı qız”dan əvvəl yazırdım. Axı həmin ərəfədə tamamilə işsiz idim və yazmaq üçün vaxtım gen-bol idi. Hətta tələsik onu dərc etməyi də düşünmüşdüm. Yaxşı ki, o vaxt bu fikrimdən döndüm. “Qatardakı qız”- dərc olunanda isə birdən birə qopan səs-küy, şan-şöhrət vaxtımı əlimdən aldı. Həftələrlə ölkələri səyahət edir, oxucularla imza günü keçirir, tədbirlərdə iştirak etməli olurdum. Bu da “Into the Water”-in yazılma prosesini ləngidirdi. Eyni zamanda oxucular dörd gözlə yeni kitabımı oxumaq istəyirdilər. Etiraf edim ki, “Qatardakı qız”ın yazılışından daha çətin proses idi.

 

“Into the Water” nəşr olunandan oxucu narazılığına və tənqidçilərin etirazına səbəb oldu. Halbuki hər kəs “Qatardakı qız”ın müəllifindən daha maraqlı əsər gözləyirdi. Bu qədər mənfi rəylərə hansı reaksiyanı göstərdiniz?

- Mən öz kitabımı sevə bilərəm, üzərində illərimi həsr edə bilərəm, elə ki, nəşr olundu artıq heç nə etmək mümkün deyil. Yazıçı olmaq məhz budur. Kitabı nəşrə verdiyiniz an onu buraxmalısınız. O qədər dəhşətli məqamdır ki... Bu hissi uçurumdan aşağı düşməyə bənzədirəm. Uçurum nəşrdir. Elə ki kitab nəşr olundu geriyə yol yoxdur. Nə varsa odur. İstəyir tənqid olunsun, istəyir sevilsin, fərq etməz. Sadəcə dərin nəfəs dərib qaldığın yerdən həyata və yaradıcılığa davam edirsən. Bu qədər...

 

Suallarımı cavablandırdığınız üçün sizə təşəkkür edirəm!

Xəyalə MURAD

 

Səslərin sayı: 1
0
802
Digər yazılar
Şərhlər
Adıniız:*
E-Mail:
ıifrə: *
Son şərhlər
  • İlk qadın redaktorumuz

    Привет! Советую взглянуть (ЭТО НЕ РЕКЛАМА) : - какой самый огромный набор лего https://www.instagram.com/tv/B6Sg7DTAHNH/ :-) Жесть Понравилось: 8465477785 пользователямДоброго Всем настроения! Советую взглянуть (ЭТО НЕ РЕКЛАМА) : - какой самый большой h m https://www.instagram.com/p/B6NW2T-gdqM/ :-) Жесть Понравилось: 8465477785 пользователямПривет! Советую взглянуть (ЭТО НЕ РЕКЛАМА) : - какой самый большой изгиб для нарощенных ресниц https://www.youtube.com/watch?v=9r1lwLiMbdo :-) Жесть Понравилось: 8465477785 пользователямПривет! Советую взглянуть (ЭТО НЕ РЕКЛАМА) : - как выиграть monkey scissors https://www.instagram.com/tv/B6Sg7DTAHNH/ :-) Жесть Понравилось: 8465477785 пользователям
  • Bunları tozsoranla təmizləməyin

    Un tozsoranın motoruna girib onu xarab edə bilər.
  • 18:54 - Müəllif: aysel hesenli
    Faciədən 30 il keçir... (1)

    Faciədən 30 il keçir...

    30 il az vaxt deyil
  • Amerika mütəxəssislərindən Toyuq əti haqqında XƏBƏRDARLIQ

    Araşdırmanın nəticələrinə görə, toyuq ətini yumaqla mikrobların yayılmasına şərait yaradırıq.
  • İstanbula gedənlər üçün fransız səyahət dərgisindən tövsiyələr

    Taksiyə minmədən əvvəl qiyməti dəqiqləşdirib, sonra davam edin.
  • Milyader olmadan əvvəl necə görünürdülər?

    Milyader olmadan əvvəl necə görünürdülər?
  • İstanbula gedənlər üçün fransız səyahət dərgisindən tövsiyələr

    "Sizə özel qiymət" deyilərək satmağa çalışan xalçalar əslində normal qiymətindən daha baha satılır.
  • Bunları tozsoranla təmizləməyin

    Saç, filtləri çox sürətli tutar və cihazda daha çox saç girdikdə, tozsoranın gücü böyük ölçüdə azala bilər.
  • Həkimlərdən XƏBƏRDARLIQ-Bu insanlara....

    Həkimlərdən XƏBƏRDARLIQ-Bu insanlara....
  • Diri ilanbalığı uddu ölümdən döndü-FOTO

    Diri ilanbalığı uddu ölümdən döndü-FOTO
loading...
Son yazılar
Hansı fəsili daha çox sevirsiniz?
Yaz
Yay
Payız
Qış