Duruşunuza diqqətlə yanaşın. Düz dayanmaqla qarın əzələlərinin daha yaxşı işləməsini təmin edə bilərsiniz. Qulaqlarınız çiyin xəttində olmalı və dizlərinizi bükməməlisiz. Çiyinləriniz də köynək asdığınız asqı kimi düz olmalıdır. Əyri dursanız, donqarınız çıxdığı üçün qozbel görünər, həm də zamanla qalıcı ola bilər. Ağırlığı topuqlara verin. Beləcə həm düzgün qamətə sahib olar, həm də qarın əzələlərinin sağlam işləməsini təmin edə bilərsiniz.
Bütövlükdə bədəni nəzərə alın. Qarın əzələlərini işlədərkən bədənin digər hissələrini də nəzərə alın. Düz qarına sahib olmaq üçün kürək və bel hissəsində olan əzələlərinin də vəziyyəti önəmlidir. Həmçinin bütün bədəni balanslı şəkildə hərəkət etdirsəniz, qarnınız düz olacaq. Amma digər yerlər zəif qalacaq.
Qayıq dönüşü. Dik durun, ayaqlarınızı çiyin xəttində ayırın. Əllərinizi birləşdirin və avar çəkdiyinizi təsəvvür edin. Sağ və sol tərəfdə birləşdirdiyiniz əllərinizi qayıqda oturmuş kimi avar hərəkətini 20 dəfə təkrar edin. Bu məqşləri edərkən dərindən nəfəs alın.
Pişik təpiyi. Ayaqlarınızı birləşdirib dik durun. Qollarınızı təyyarə qanadları kimi iri açın. Nəfəs verin, eyni zamanda,qıçınızı qaldıra bildiyiniz qədər yuxarı qaldırın. Qollar da öndə paralel olaraq dayanmalıdır. Bu hərəkəti hər bir qıç üçün 20 dəfə təkrar edin. Bu nahiyədə olan əzələləriniz hərəkət edəcək və piylərin əriməsini təmin edəcək.
Əsnəmək. Dik durun, topuqlarınızı birləşdirin və əllərinizi qarınınızın altında biri-birinə keçirin. Nəfəs verin və qollarınızı darta bildiyiniz qədər aşağı doğru itələyin. Eyni zamanda, barmaq ucunuzda qalxmağa çalışın. Bu hərəkəti də 10 dəfə təkrarlayın.
Qidalanmağınıza diqqətlə yanaşın. Nə qədər məşq edirsiniz edin, yediklərinizə diqqət etmədiyiniz müddətdə qarınınızı istədiyiniz formaya sala bilməzsiniz. Unutmayın ki, mədəniz qarnınızda yerləşir, onun dolu olması isə birbaşa gözəlliyinizə kölgə salır.
Realist olun. Genləriniz də sizin bədəninizin quruluşunun hansı formada olmasında əhəmiyyətli rol oynayır. Ancaq “Onsuz da ailəmdəki hər kəs kökdür” deyib də, şirniyyatlara dayanmadan qəbul etmək doğru deyil. İstədyiniz nəticəni əldə etmək üçün qarşınıza məqsəd qoyaraq özünüzü arıqlmağa tam kökləsəniz , bədəninizin gözəl görünməyinin əslində, o qədər də çətin olmadığını görəcəksiniz.
Tələsməyin. Heç kim bir gündə mükəmməl qarına qovuşmayıb. Bunun üçün səbirli olub nizamlı şəkildə hərəkət etməlisiniz. Qarnınızdakı piyləri əritmək üçün gündə sadəcə 20 dəqiqənizi ayırmaq kifayətdir. Unutmayın ki, hər şeydən əvvəl səbrli olmaq və nizamlı hərəkət etmək lazımdır.