3 günlük bahar detoksu proqramı(I hissə)
Yaza hazırlıq edən hər kəsin niyyəti çəkisini azaltmaq və artıq yağlardan xilas olmaqdı. Pəhriz ustası Nil Şahin Gürhan bir başlanğıc etmək və motivə olmaq üçün 3 günlük maddələr mübadiləsi surətləndirmə proqramı təklif edir.
Bahar gəldi, yay yaxınlaşdı, artıq kilolarımızı qalın qış paltarlarının altına saxlama zamanı geridə qaldı. Bu səbəbdən etməyimiz lazım olan, arıqlamaq, çox yağlardan və istəmədiyimiz bu xarici görünüşdən xilas olmaqdır.
Çəki azaltmaq üçün ən doğru və qalıcı yol, sağlam qidalanma qaydalarını öyrənmək, bu qaydaları həyatın içində mənimsəmək və vərdiş halına gətirməkdir.
Ancaq bir başlanğıc etmək və motivasiya olmaq üçün maksimum 3 gün davam edəcək qısa dövrlü bir maddələr mübadiləsi pəhrizi lazım olduğunu söyləyən Nil Şahin Gürhan "Yalnız bu pəhrizin dərhal sonrasında bol miqdarda yemək, həddindən artıq sərbəst davranmaq, əməyinizin boşa çıxa biləcəyi kimi çəki artmasını da asanlaşdıra bilər" deyir .
Nil Şahin Gürhan 3 günlük bahar detoksunu belə açıqlayır:
"Bu pəhriz maksimum 3 gün edilməlidir. Hər hansı bir çətinlik olarsa və ya azaltmaq istədiyiniz çəki miqdarı yetərincə deyilsə, pəhriz 1 ya da 2 gün də edilsə, kifayət edər. Yarım buraxmamaq, günü tamamlamaq vacibdir. Səhərdən günortaya qədər pəhriz tutub, sonra da axşam pozmaq faydadan çox zərər gətirir . Pəhriz bitdikdən sonra da sağlam qidalanmağa diqqət, bol su içərək və mümkün qədər hərəkətli olmağa səy göstərməlisiniz".
3 günlük bahar detoksu
Səhər yeməyindən əvvəl
1 su stəkan qədər ilıq su
1 su stəkanı qədər soyuq su
Səhər yeməyində
1 su stəkanı süd
3-4 yemək qaşığı qədər yulaf əzməsi
3-4 ədəd bütöv qoz
10- 15 ədəd qarağat
1 çay qaşığı bəkməz
Ara pay
1fincan sadə türk qəhvəsi
Günorta yeməyi
2- 3 ədəd zeytunyağlı ənginarlar
1 su stəkanı qatıq
Bol salat (az zeytunyağı ilə)
Ara pay
1 ovuc ləbləbi
1 ədəd kivi
Axşam
1 ədəd orta boy qızartma balıq
Bol göyərti salatı (az zeytunyağı əlavəli-bol limonlu)
Ara pay
3 halqa təzə ananas
Bu pəhrizi 3 gün arxa arxaya etdikdən sonra 9 qidalanma qaydası paralelində qidalanmaya diqqət göstərməlisiniz. Pəhriz əsnasında və sonrasında hər gün yarım saat piyada yol getmək bu işin ən təsirli vasitələrindəndir.