Bakıda mənzillərin qiymətləri

"Əmlak Ekspert Mərkəzi" MMC-nin eksperti Rövşən Talıbzadənin sözlərinə görə, 2015-ci ilin oktyabr ayında ötən ayla müqayisədə təkrar mənzil bazarında dinamikanın azalması davam edib. Milli.Az Day.Az-a istinadən bildirir ki, buna müvafiq olaraq, bazar üzrə bütün göstəricilərdə azalma qeydə alınıb. Ay ərzində təklifə çıxarılmış (5700-dən artıq) mənzillər üzrə orta qiymət göstəricisi 4,2% azalaraq, 1429 manat/1 kv.metr təşkil edib. Köhnə tikililərə müraciət edənlərin sayında azalma qeydə alınıb.

Ekspert bildirib ki, bağlanan əqdlərin dinamikasının ötən ayla müqayisədə -7,3% düşməsi, köhnə tikililərə müraciət edənlərin passivləşməsi ilə xarakterizə olunub.Aparılan araşdırmalar göstərir ki, təkrar mənzil bazarında ekspozisiya müddətinin və risk dərəcəsinin artımı müşahidə olunur. Bu da öz növbəsində əmlak üzrə gəlirlik dərəcəsini aşağı salır.Təhlillərə əsasən qiymət dinamikasının aşağı templə davam etməsinin əsas səbəbləri makroiqtisadi göstəricilərin sürətlə azalması, ölkənin gəlirlərinin aşağı düşməsi və buna müvafiq olaraq bazara pul axınlarının məhdudlaşması və istehlakçıların alıcılıq qabiliyyətinin azalmasıdır. Maliyyə bazarlarında baş verən qeyri-müəyyən iqtisadi tendensiyaların dərinləşməsi nəticəsində fond və maliyyə bazarlarına etimadın düşməsi də səbəblərdən biri kimi izah olunur. Araşdırmalar göstərir ki, bu tendensiya nəğd alışları məhdudlaşdırmaqla yanaşı ipoteka proqramına və kredit yolu ilə əmlak əldə etmək imkanlarına da mənfi təsir göstərir. İnzibati müdaxilələrin artması da dinamikanın aşağı düşməsində, tələb və təklifin strukturunun ikincinin xeyrinə dəyişməsində əhəmiyyətli rol oynayır.Hazırki mücərrəd situasiyada daşınmaz əmlak bazarının proqnozlaşdırılması olduqca risklidir, üstəgəl bu, bir tərəfdən də real alıcıların bazardan kənarlaşması ilə müşayiət olunur.Beləliklə, qiymət azalması ötən ayla müqayisədə 4,2%, son rüb ərzində 9,4%, ötən ilin müvafiq dövrü ilə müqayisədə 13,5% təşkil edib."Əmlak Ekspert Mərkəzi"-nin 2015-ci ilin oktyabr ayı üçün təkrar mənzil bazarında apardığı monitorinqin nəticələri - 1kv.m/manat