DataLife Engine > PRINT > Bürclərə görə sağlamlıq məsləhətləri

2014-cü ildə bir çoxlarının sağlamlığı 2013-cü ilə nisbətən daha yaxşı olacaq. At ili bizə özümüzü yaxşı hiss etməyimiz üçün çoxlu enerıi verəcək. Orqanizm özünü sağaltma ilə məşğul olacaq, biz isə ona aktiv olaraq kömək edəcəyik. Ön plana sağlam həyat tərzi keçəcək və biz mövcud xəstəliklərin ağırlaşmasının qarşısını şüurlu surətdə alacağıq.

Bununla belə bəzi orqanlarımıza xüsusi diqqət yetirməliyik. İlk növbədə risk sahəsində onurğa və oynaqlar dayanır. Üzərinizə düşən yükü orqanizminizin imkanları ilə ölçün, gimnastika ilə məşğul olub rahat ayaqqabılar geyinin.

Bundan əlavə tənəffüs sisteminizi də qoruyun - pis havalandırılmış və rütubətli məkanlardan uzaq olun. Daha çox maşınlar olmayan yerlərdə və meşələrdə gəzintiyə çıxın.

Böyrəklərinizi də qorumağa çalışın. Yağlı qidalardan imtina edin, ekzotik ərzaqlardan istifadəni məhdudlaşdırın, daha yaxşı olardı ki, yaşadığınız ərazidə olan ərzaqlarla qidalanasınız.

Sinir sistemi də zərbə altına düşəcək. Səbirsizlik və tez özündən çıxma sizin ruhi tarazlığınızı poza bilər, ona görə də ruhi vəziyyətinizi nəzarətdə saxlamalı və ya həkimə müraciət etməlisiniz. Mümkün qədər stressli vəziyyətlərdən uzaq olmağı, tənəffüs məşqləri edib sakitləşdirici çay içməyi məsləhət görürük.

Xatırladaq ki, "düzgün" bürc işarələri kimi 1-18 arası tarixində anadan olmuş insanlar götürülür, qalanlarına isə əvvəl və ya sonra gələn bürclər təsir edir - həm xarakterinə, həm də astroloji proqnozlara...

QOÇ (21 mart-20 aprel)

2014-cü ildə Qoçların risk sahəsində mədəaltı vəzi dayanır. Diqqətli şəkildə menyu tərtib etməli və ancaq sağlam qidalanmadan istifadə etməlisiniz. Qida rasionunuzdan yağlı, qızardılmış yeməklərı, ağ çörək və şirniyyatları çıxarın.

Miqren və adi baş ağrıları ola bilər. Bu, əsasən yorğunluqdan və uzun müddətli eyni vəziyyətdə olmaqdan yaranır. Əgər siz kompüterlə işləyirsinizsə, tez-tez ayağa qalxıb hərəkət etməli və küçəyə çıxmalısınız. Gün ərzində ən azı 30 dəqiqə havada olmalısınız.

Buğa (21 aprel-20 may)

Buğalarda 2014-cü ildə sağlamlıqla bağlı hər şey qaydasında olacaq. Movcud xəstəliklərin ağırlaşması və ciddi problemlərlə çətin ki qarşılaşasınız. Ancaq fəsillə bağlı soyuqdəymə halları ola bilər, ona görə də pis hava zamanı isti geyinməlisiniz. Xüsusən ayaqlarınızı donmadan, soyuqdan qoruyun.

Bundan başqa angina, bronxit kimi xəstəliklərdən uzaq olmaq üçün soyuq içkilərdən imtina etməli, boyun və sinənizi isti saxlamalısınız. Donma zamanı çalışın ki, küçəyə çıxamayasınız və kondisioner altında oturmayasınız.

Əkizlər (21 may-21 iyun)

2014-cü ildə Əkizlərə xüsusilə əsəb sistemini qorumaq tövsiyə olunur. Bu sahədə olan problemlər fizioloji xəstəliklərin inkişafına şərait yaradır və psixosomatik təzahürlərə təkan verir. Ona görə də istənilən vəziyyətdə sakitliyinizi və ruhi sabitliyinizi qoruyun, meditasiya ilə məşğul olun və ya psixoloji vəziyyətinizi sabitləşdirən hobbi tapın.

Bundan başqa bronxlarınızı və ağciyərlərinizi də qoruyun. Hətta kiçik öskürməyə belə diqqət edin və həkimə gedin. Siz həmçinin istirahətə getmək haqda ciddi düşünün və yeri dəqiq seçin. Elə ölkə və ya əraziləri seçin ki, sizin xəstəliyinizi kəskinləşdirib səhhətinizdə problem yaratmasın.

Xərçəng (22 iyun-22 iyul)

2014-cü ildə Xərçənglər ağciyərlərinə, həmçinin mədə və böyrəklərinə xüsusi diqqət yetirməlidirlər. Çox soyuqdan çəkinin və qida balansınızı tənzimləyin. Mümkün qədər yeməkxanalarda yeməyin - heç olmasa ərzağın keyfiyyətinə əmin olduğunuz yerlərdə yeyin. Yağlı ətdən imtina edin, hind toyuğu və toyuq ətinə üstünlük verin. Kəskin qidalar və konservləşdirilmiş tərəvəzlərdən istifadədən çəkinin.

Bundan əlavə əsəb sistemi də risk sahəsində ola bilər. Narahatçılığa səbəb olmayan yerdə bəhanə axtarmayın, hər şeyə pozitiv yanaşın və tez-tez özünüzə kiçik hədiyyələr edin. Özünüzü sevin və əzizləyin, o zaman depressiya, stress və gərginliyin olma ehtimalını minimuma endirəcəksiniz.

Şir (23 iyul-22 avqust)

2014-cü ildə Şirlərdə onurğa risk sahəsindədir. İstehsal fəaliyyəti ilə törənmiş xroniki ağrılar və sıxılmalar ehtimalı var. Tez-tez belinizə istirahət verin, turnikdən sallanmağa çalışın və heç olmasa bir neçə dəfə sağlamlaşdırıcı massaja gedin.

Bundan əlavə Şirlərə ürək-damar sisteminizi də qorumaq tövsiyə olunur. Rejiminizi gözləyin, arterial təzyiqinizə nəzarət edin və elə bir kompleks qidalanma seçin ki, əlavə olaraq damarları yükləməyəsiniz.

Enerjinizi ət məhsullarından deyil, orqanizminiz üçün faydalı olan ərzaqlardan, məsələn kərə yağından istifadə edin. Müntəzəm olaraq meyvə və tərəvəzlər yeyin, kolbasanı pendir və şorla əvəz edin, daha çox göyərti və kərəvizdən istifadə edin.

Qız (23 avqust-22 sentyabr)

Qızlarda 2014-cü ildə sağlamlıqla bağlı problemlər gözlənilmir. Ancaq siz qayalara dırmaşma, xizək sürmə kimi idman növləri ilə məşğul olsanız, özünüz xoşagəlməz hallara səbəb olarsınız. Sizə yüksəkliklə bağlı hər şeydən uzaq olmaq tövsiyə olunur - travma və təbii fəlakətlər sahələrinə (uçqun, sel, qar uçqunu yığını) düşmə ehtimalı var.

Bundan əlavə siz qastronom eksperimentlərindən əl çəkməlisiniz. Sizdə həzm sistemi risk sahəsindədir, qastrit və başqa xəstəliklər kəskinləşə bilər. Sizin menyunuz adəti üzrə olsa mədə də özünü tez-tez yada salmaz. Bacardığınız qədər ayaqüstü yeməklərdən çəkinin, daha çox öz ərazinizdə bitən meyvə və tərəvəzlər yeyin.

Tərəzi (23 sentyabr-22 oktyabr)

Tərəzilərdə 2014-cü ildə fizioloji sağlamlıqla bağlı hər şey yaxşı olacaq. Hətta sizi xroniki və irsi xəstəliklər belə narahat etməyəcək. Ancaq bununla belə əsəb sisteminizi qorumalısınız.Tənəffüs gimnastikasıyla, yoqa və autotreninqlə məşğul olun. Tez-tez aromatik yağlarla vanna qəbul edin, pozitiv insanlarla ünsiyyət qurun və hər gün eyni vaxtda yatmağa çalışın. Bundan başqa suya atlanma və dayvinq (sualtı gəzinti) məşqləri ilə məşğul olmayın, belə ki sinir sisteminiz zədə ala bilər. Sizə ümumiyyətlə hava çatışmazlığına səbəb olacaq hər şeydən uzaq olmağı məsləhət görürük. Gözlənilməz hallar sizdə asanlıqla azad ola bilməyəcəyiniz stress yaraada bilər.

Əqrəb (23 oktyabr-21 noyabr)

2014-cü ildə Əqrəblərdə hansısa sənətlə bağlı xəstəlik baş qaldıra bilər. Əgər siz işinizlə əlaqədar uzun müddət eyni vəziyyətdə qalırsınızsa və ya bədəninizin hansısa hissəsinə daha çox yük düşürsə (əllərə, ayaqlar və ya onurğaya), o zaman müntəzəm olaraq massaja getməniz lazımdır.

Bundan başqa sizin həyat tərzinizlə bağlı problemlər ola bilər. Ona görə də sizə ziyan edən vərdişlərdən uzaq olmaq tövsiyə olunur. Əsasən alkoqollu içkilərdən uzaq olmağa çalışın - o sizin həm fiziki, həm də psixoloji vəziyyətinizə pis təsir göstərəcəkdir.

Oxatan (22 noyabr-21 dekabr)

Oxatanlarda 2014-cü ildə çanaq oynaqları risk sahəsindədir. Mümkün qədər ağırlıq qaldırmayın və rahat ayaqqabılar geyinin. Əgər sizdə artıq çəki varsa, mütləq arıqlamaq lazımdır, həddindən artıq yük xroniki ağrıların yaranmasına səbəb ola bilər. Sizə ayaq üstə çox qalmaq olmaz. Əgər sizin sənətiniz məcbur edir ki, ayaq üstə olasız, o zaman müntəzəm olaraq fizioterapiyaya getmək lazımdır.

Bundan başqa impulsiv hərəkətlərdən uzaq olun - onlar müxtəlif travmalara səbəb ola bilər. Həmçinin əsəb sisteminizi də qoruyun, yüksək qıcıqlanma sizin psixoloji vəziyyətinizə pis təsir edir, panika və depressiyalar ola bilər. Bu zaman özbaşına heç nə etməyin, mütləq həkimə müraciət edin.

Oğlaq (22 dekabr-19 yanvar)

2014-cü ildə Oğlaqların sağlamlığı üçün heç bir təhlükə gözlənilmir. Sizin çox möhkəm sağlamlığınız və stabil psixoloji vəziyyətiniz olacaq. Ancaq başqalarıyla "paylaşacağınız" infeksion xəstəliklər ola bilər. Əgər sizdə immunitet çox zəifdirsə, o zaman onu möhkəmləndirməyə başlamalı və xəstə insanlarla ünsiyyətdən çəkinməlisiniz. Əgər öskürən və asqıran insanlarla bir məkanda olsanız, o zaman cuna sarğılardan istifadə edin. Bundan başqa sizə tez-tez açıq havada olub idmanla, ən azından səhər gimnastikasıyla məşğul olmağı tövsiyə edirik. Bu, sizin orqanizminizə viruslara qarşı dayanıqlı olmağa kömək olacaq. Yaz və payız aylarında kompleks vitaminlər qəbul edin.

Dolça (20 yanvar-18 fevral)

Dolçalara 2014-cü ildə əsasən yeldən uzaq olmaq lazımdır, təkcə soyuqlamadan deyil, bel və ayaqlarda ağrılar, həmçinin sinirlərdə də soyuqlamadan uzaq olmaq lazımdır. Bundan əlavə xroniki yorğunluq sindromu da yarana bilər. Ona görə də istirahətə vaxt ayırın, yaxşıca yatıb dincəlin. Günlərinizi elə planlaşdırın ki, özünüzə və sevimli əyləncələrinizə vaxt ayırasız. Sizdə neqativ emosiyalar oyadan və qıcıqlandıran insanlardan uzaq olmağa çalışın. Əks halda sizin əsəb sisteminizlə yanaşı əmək qabiliyyətiniz də zədələnə bilər. Ümumiyyətlə, üzümüzə gələn ildə pozitiv nə qədər çox olarsa, özünüzü bir o qədər yaxşı hiss edəcəksiniz. Həmçinin sizə neqativ emosiyalar verən və qıcıqlandıran insanlarla ünsiyyətdən uzaq olmaq tövsiyə olunur.

Balıqlar (19 fevral-20 mart)

Balıqların 2014-cü ildə sağlamlıqları normada olacaq. Düzdür, əgər sizdə hansısa xroniki və ya irsi xəstəliklər varsa, o zaman ağırlaşmadan özünüzü qorumalı və oyanmalara yol verməməlisiniz. Qalan hər şey əla olacaq. Həm də siz hansısa köhnə xəstəlikdən möcüzəli şəkildə azad ola bilərsiz. Pozitiv anlara baxmayaraq qidanıza diqqət yetirməlisiniz. Belə ki, sizi narahat edən qidaları qəbul etməməlisiniz, əzginlik sizin orqanizminizin ona ziyan etdiyinizi bildirən cavab siqnalıdır. Çalışın tez-tez üzməyə gedəsiniz, açıq havada hovuzlarda olasınız. Bu, sizin fiziki və psixoloji vəziyyətinizi lazımi səviyyədə saxlayacaqdır.