Gəzdim eli-obanı cənnət gördüm buranı.
Bu dəfə sizlərə bölgələrimizin şahı olan Qarabağımızdan yazacam. Qarabağımızın gözəlliyindən danışmağa bu xəbər bəs etməz. Hər daşında, hər qarışında bərəkət ,gözəllik olan bu bölgəmiz indi mənfur düşmənlərimizin əsarətindədir. O düşmənlər ki, torpağıımızı, sənətimizi, mətbəximizi mənimsəməyə çalışırlar. Qarabağ mətbəxi çox zəngindir. Növ-növ plovları, dolmaları dillər əzbəridir.
İlk öncə yeməklərdən başlayaq.
Ali müsəmma plov
Düyü duzlu suda qaynadılıb yarımhazır vəziyyətə çatdırılır, süzülür, yağlanır, bir hissəsinə zəfəran vurulur, qazmaq hazırlanır və dəmə qoyulur. Aş qarası hazırlamaq üçün qoyun əti doğranıb azca suda bişirilir və qızardılır. Daha sonra əti yağda qızardılmış soğan, albuxara, zəfəran şirəsi, darçın və az miqdarda ət suyu əlavə edilərək öz buğunda bişirilir. Düyü təpəcik şəklində qaba çəkilir, üstünə zəfəran şirəsi vurulmuş düyü tökülür, yanına aş qarası qoyaraq süfrəyə verilir.
Ümümiyyətlə Qarabağ bölgəsində plov çeşidləri çoxdur.
Turşu qovurma plov
Səbzi plov
http://qadin.net/index.php?newsid=8699
Çolpalı plov
Qiyməli plov
Boyanalı aş
Südlü plov
Əvəlikli aş
Şüyüdlü plov
Axtaçilov
Axtaçilov plov növlərindən biridir. Düyü yuyulur, qaynadılır. Süzülməsinə azca qalmış qabaqcadan yulub hazırlanmış axta zoğal qazana tökülür, düyü ilə 2-3 dəqiqə qaynadılıb süzülür. Qazmaq hazırlanır. Sonra süzülmüş düyü də onun üstünə tökülərək dəmə qoyulur. Süfrəyə verilərkən yanında badımcan dolması, və ya göyərtili kükü, həmçinin sarımsaqlı qatıq da verilir
Qatıqlı aş
Düyü duzlu suda bişirilir. Bişənə yaxın pərpətöyün göyərtisi doğranıb tökülür. Qarışmamış halda sinilərə tökülüb soyudulur.Qatığa sarımsaq vurularaq qatılaşmış düyü və göyərtinin üzərinə əlavə edilib qarışdırılır. Pərpətöyün əvəzinə şüyüd, dağ keşnişi, keşniş və nanə vurula bilər. Bu yemək yay fəslində hazırlanır.
Qırxbuğumlu aş
Düyü duzlu suda 3 saat saxlanılır. Düyünü qaynadırıq. Qaynadılan zaman qırxbuğum əlavə edirik. Sonra qazan dibinə qoyun əti düzülük üzərinə qırxbuğumlu düyü tökürük və yağ əlavə edib dəmə qoyuruq.
Şeştrəngli aş
Canına çəkmə
Qoyun əti noxudla birlikdə qaynadılır. Bişirdikdən sonra içərisinə yumru düyü tökülür. Suyu çəkilib yağa düşənə qədər bişirilir. Bişənə yaxın zoğal və ya zoğal axtası tökülür.
Qəlya
Quzu əti bişirilir.Yağa düşəndə bişmiş şabalıd, gavalı turşusu, heyva doğranıb əlavə olunur. Daha sonra zəfəran, darçın, duz, istiot əlavə edilir.
Bozartma
Göyərti kətəsi
http://qadin.net/index.php?newsid=12848
Yarpızlı, quzuqulaqlı Qarabağ dovğası
Qeyd edim ki, Qarabağ dovğasına noxud vurulmur.
İndidə şirniyyatlardan danışaq.
Qarabağ kətəsi
Saytımızda öz məxsusi yerini almış şirniyyatdır.
http://qadin.net/index.php?newsid=868
Qaysaba
Əridilmiş yağa çəyirdəkləri çıxarılmış xurma, qaysı, əncir mürəbbəsi vurulur. Meyvələr yumşalana qədər bişirilib, üzərinə darçın səpilib süfrəyə verilir.
Və əvəzolunmaz Qarabağ tortu
P.S. Sizlərdən də öz bölgənizə aid olan yeməkləri mənə təqdim etməyinizi xahiş edirəm. Ola bilsin ki, mənim də bilmədiklərim olar, sizlərdən öyrənərəm. Öncədən təşəkkür edirəm.