Qadın və kişi psixologiyasına dair misal
Onun (Qızın) gündəliyi:
Bu gün axşam ərim özünü qəribə aparırdı. Bizim sevimli restoranımızda şam yeməyi yeyəcəyimizə dair sözləşdik. Mən bütün günü rəfiqələrimlə dükanları gəzişdik və restorana bir az gecikdim. Düşünürdüm ki, onu məhz bu səbəb kədərləndirib. Söhbət adama yapışmırdı. Təklif etdim ki, rahat danışmağımız üçün bir az sakit yerə çəkilək. Razılaşdı, amma yenə də söhbətcil olmadı. Ondan nə baş verdiyini soruşdum, heç nəyin baş vermədiyini dedi. Ondan kədərlənməsində mənim günahkar olub-olmadığımı soruşdum. O isə heç də kədərli olmadığını, təqsirkar da olmadığımı və heç nəyə görə narahat olmamağımı söylədi. Evə gedərkən, yol üstündə onu sevdiyimi söylədim. Gülümsədi və yol ilə getməyə davam etdi.
Onun davranışını izah edə bilmirəm, anlaya bilmirəm Nə üçün o da mənə sevdiyini söyləmədi? Evə çatdığımız zaman, hiss etdim ki, onu tamamilə itirmişəm. Mənə yaxınınlaşmadı. Sadəcə divanda oturub, televizora baxdı. Elə bu cür uzaq və kənarla çəkilən halda qalmışdı. Nəhayət, ona yatmağa getdiyimi söylədim. On beş dəqiqədən sonra o da yataq otağına gəldi. Hiss edirdim ki, onu nə isə narahat edir və xəyalları haradasa uzaqlardadır. O, yuxuya getdi, mən isə gecənin yarısını ağladım. Bilmirəm, necə olum, nə edim. Bircə onu blirəm ki, fikri başqa yerdədir. Mənim həyatım dağılır, məhv olur...
Onun (Oğlanın) gündəliyi:
Motosikl hələ də işə düşmür və nə üçün belə olduğunu anlaya bilmirəm.
Hazırladı: Fərid Abdullah