Bir çox insan gündəlik tutmaz çünki ya yazacaq bir şey tapa bilməz ya da düşündüklərimi, yaşadıqlarımı yazsam nə olacaq deyə düşünər. Onsuz da çətin olan həyatlarını bir də gündəlik tutaraq çətinləşdirmək istəməzlər. Əslində tutulan gündəliklər -ki artıq bloglarda bu işi görür, "fərdi tarixlərimizi" meydana gətirir, öz şəxsiyyətlərimizi tapmağımızı təmin edirlər.
Əslində gündəlik tutaraq bu suallara cavab tapmaq mümkündür;
Mən kiməm?
Mən bu anda və bu mövzularda nə düşünürəm?
Gündəlik tutmağın ya da gündəlik olaraq yazmağın ən gözəl tərəfi o günün düşüncələrini, hiss edilənlərini, çətinliklərini, hirsliliklərini və təcrübələrini qeyd altına almaqdır. Bu nə işə yarayacaq desəniz cavabım belə olar; həm fərdi olaraq inkişafınıza qatqınız olacaq, həm özünüzü kəşf etməyinizə həm də gerçək tarixin qeyd altına alınmasına. Birdə düşüncə və duyğularınızı yazmağınız fərqində olmadığınız xüsusiyyət və güclərinizi, içinizdəki dahiliyi ortaya çıxaracaq.
Bu arada gündəliyi bəlkə fərqli başlıqlar altında düşünməyiniz də faydalı ola bilər;
1. Hirsimi əks etdirə biləcəyim ən etibarlı yer.
Yolda ya da başqa bir yerdə çox hirsləndiyiniz zaman bəlkə də heç istəmədiyiniz bir şeylər etmək məcburiyyətində qalırsınız ya da edə bilmədiyiniz üçün beyninizin içində davamlı o hadisəni xatırlayıb "kaş ki bunu etsəydim" deyirsiniz. İndi yaşadığınız şeyi və hirsinizi gündəliyinizə yazaraq ola biləcək istənməyən bir vəziyyətdən özünüzü qurtara bilərsiniz. Yalnız çox hirsləndiyinizdə bunu axşam gündəliyimə yazmalıyam deyə düşünməyə özünüzü öyrəşdirməyiniz yetər. Üstəlik yazdığınız zaman bəlkə də çox axmaqca bir şey etdiyinizi ya da hadisəyə özünüzün səbəb olduğunuzun da fərqinə vara bilərsiniz.
2. Stressimi alan bir şey.
Bütün duyğu və düşüncələrinizi gündəliyinizə yaza bilərsiniz. Əgər bütün qorxularınızı, qayğılarınızı, həsrətlərinizi yaza bilirsinizsə ruhi inkişafınıza bilmədən də olsa bir qatqı təmin etdiyinizi görəcəksiniz. Özünüzü kəşf etdikcə özünüzə yeni yeni yollar çəkə biləcək, strategiyalar təyin edə biləcəksiniz. Əgər başınız çox qarışıqdırsa bunları yazıb qarşınıza alaraq bir nizam və intizam yaratma şansınız olacaq. Yazacağınız şeylərdə "Bu gün belə hiss edirəm;", "Ehtiyacım olan şey" ya da "İstədiyim şey" şəklində başlayan cümlələr qurmalısınız.
3. Gündəlik, həyatın gerçəkləridir.
İnsanın obyektiv olaraq özünə mehriban və şəfqətli davranmağı öyrənməsi çətindir. Gündəlik tutduğunuz zaman həyatınızın sizi sürüdüyü macəranı, kim olduğunuzu, harada olduğunuzu və hara getdiyinizi kəşf edərsiniz. Yazdıqca içinizdə basdırılmış olan duyğuların çölə çıxdığını görəcəksiniz. Əslində özünüzü kəşf etdikcə içinizdəki günahkarlığı öldürəcək, günahkarlıq hissinizin azaldığını görəcəksiniz. Özümüzdə yəni içimizdə tutduğumuz duyğuların ağırlığını bir müddət sonra daşıya bilməyəcəyimizi hiss edərik. Yazdığımız zaman bu duyğuların hansılarının bizə yaxşı,hansılarının pis təsir etdiyini tapa bilərik. Həyatınız və ümumi həyat üzərinə yazmaq sizin məqsədlərinizi təzələyər, sizə güc verər. Və təbii ki yeni bir istiqamət.
4. Gündəlik, şəxsiyyətin yenidən qazanılmasını təmin edər.
Özünü yeməyə verərək ya da pis vərdişlərlə beyninizi keyidə bilər, həyatı özünüzdən uzaqlaşdıra bilərsiniz. Yalnız qələm və kağızı ya da klaviaturanı kəşf edərək özünüzdə gizli qalmış yerləri ortaya çıxara bilərsiniz. Bəzən bilinməsini istəmədiyimiz şeyləri gündəliyə gizləyərkən, bəzən yeni fikirlərimizi yazarıq. Yazmaq dünyanın kilidini açmaqdır əslində. Yazılarımızla hisslərimizi, yaradıcılığımızı və təxəyyülümüzü inkişaf etdirərik. Yazaraq doğru zamanda doğru şeyi ifadə edə biləcək ən doğru sözü tapmağı öyrənərik.
5. Gündəlik, xəyallarınızı konkretləşdirər.
Bir çoxumuz özümüzlə olan əlaqəmizi diqqətə almarıq və hətta belə bir şeyin olduğunu belə qəbul etmərik. Halbuki özümüzü anlamaq və kəşf etmək bəlkə də səfərimizin ilk çıxış nöqtəsi olmalıdır. Əgər yazmağa başlasaq düşüncələrimizin və xəyallarımızın hansılarının daha əhəmiyyətli və mənalı olduğunu yavaş yavaş kəşf etməyə başlarıq. Və həqiqətən həyatdan nə gözlədiyimizi ancaq belə kəşf edə bilərik.
Necə gündəlik tutacağam?
1. Bir gündəlik tapın. Hər gün bir gün əvvəlini ya da hər axşam o gün nələr yaşadığınızı, düşüncələrinizi bura yazın. Hətta sabah nələr olacağını, gözlədiklərinizi də yazın. Hər ay sonunda yazdıqlarınıza nəzər salın baxaq nələr düşünəcəksiniz.
2. Bir kiçik dəftər alın. Bu dəftəri çantanız daxil hər yerdə daşıyın.Yaxşı bir şeylər olduğu zaman ya da tam əksi dərhal qeyd edin. Yəni bir şeyləri yaşayan kimi, bir şeyləri düşünən kimi dərhal qeyd edin. Bunu avtobusda gedərkən ya da kimlərisə gözləyərkən belə edə bilərsiniz.
