Tərkibi:
Qaymaq-200 q
Şəkər tozu- 180 q
Un-300 q
"Zeytun bağları" zeytun yağı-3 x.q
Kəsmik- 350 q
Qatılaşdırılmış süd-150 q
Limon -1 ədəd
Qara şokolad- 30 q
Soda-1ç.q
Sirkə-1ç.q
Vanilin
Hazırlanması:
Qaymağın üzərinə şəkər tozu, vanilin, sirkədə öldürülmüş soda əlavə edib qarışdırırıq.
Sonra zeytun yağı və un az-az əlavə edib qarışdırıb yumşaq xəmir hazırlayırıq.
Xəmiri 4 hissəyə bölüb 0,5 mm qalınlığında açırıq.
Uyğun boşqabla kəsirik. Kənardan çıxan xəmiri yenidən kündəliyib yayırıq.
Və beləliklə, 6 kündə əmələ gəlir. Bişirəcəyimiz qaba qoyub bir-bir bişiririk.
Çəngəllə bir neçə yerdən deşmək lazımdır ki, şişməsin. Üzü qızarana kimi bişirmək lazımdır.
Bütün layları bişirdikdən sonra soyumasını gözləyirik. Kremi hazırlayırıq.
Limonu təmiz-təmiz yuyub quruladıqdan sonra sürtgəcin xırda gözü ilə qabığını çıxarırıq.
Limonun şirəsini çıxarırıq. Kəsmiyi qatılaşdırılmış süd, limon qabığı və şirəsi ilə yaxşı-yaxşı qarışdırmaq lazımdır.
Krem kəmşirin alınır. Əgər şirinliyinin çox olmasını istəyirsinizsə, 2 xörək qaşığı şəkər pudrası əlavə edə bilərsiniz.
Kremi layların arasına və üzərinə bol-bol çəkirik. Üzərinə şokolod sürtgəcdən keçirib badamla bəzəyə bilərsiniz.
Kakos sevənlər şokolad yerinə kakos istifadə edə bilərlər.
Sonra ən az 2 saat soyuducuda saxlamaq lazımdır. Lakin bir gecə saxlasanız daha yaxşı olar.
Nuş olsun!