DataLife Engine > PRINT > Ətlibura (foto resept)

Xəmiri üçün:

1 kq un
3 ədəd yumurta
250 q "Wellington" kərə yağ
1 stəkan süd
2 x.q xama
1/2 ç.q quru maya

İçlik üçün:

0,5 kq yumşaq dana əti

2 x.q zoğal axtası

Bir baş soğan

Duz

Sarıkök

1 x.q "Wellington" kərə yağı

Yağlanması üçün "Wellington" kərə yağı

Qızardılması üçün duru yağ

Üzəri üçün:

Sumaq və şəkər pudrası

Hazırlanması:

Xəmirimiz gəldikdən sonra kündələrə ayırıb lavaşlar yayırıq.

Sonra hər qatını yağlayaraq 4 lavaşdan sonra dar zolaqlar kəsirik.

Zolaqları yumrulayaraq toplar düzəldirik.

Bunları etməmişdən öncə ətimizi və soğanı ətçəkən maşından tavaya çəkirik və qovrulmağa qoyuruq. Qovrulan zaman zoğal axtasını da maşından çəkirik. Ət bişəndə yağı, duzu, sarıkökü əlavə edirik və çəkdiyimiz axtanı da əlavə edərək qazı söndürürük. Yalnız soyuyandan sonra istifadə etmək olar.

Həmin topları yayırıq və ətdən bir qaşıq qoyuruq.

Ətrafını bərk basaraq şəkildəki kimi naxış vururuq və 180-200 dərəcədə bişməyə qoyuruq.

Üzəri azca çəhrayı olan kimi götürürük. Əsas odur ki, alt hissəsi bişsin.

Soyuduqdan sonra balaca qabda şəkər pudrasını və sumağı qarışdırırıq. Yaxşı olar ki, qarışığı ələyə əlavə edib kənarda saxlayasınız.

Balaca qaba yağımızı əlavə edirik və qızmağa qoyuruq.

Ətliburalarımızın hər iki tərəfini qızardırıq.

Dərhal yağdan çıxardığımız zaman üzərinə pudralı qarışığı ələyirik. Qurusa, pudra üzərinə yapışmayacaq.

Budur, ətliburamız hazırdır.

Nuş olsun!