Tərkibi:
Xəmiri üçün:
1 ədəd yumurta
100 qram"Best Cow" kərə yağı
1 çay qaşığı maya
Bir çimdik duz
5 stəkan un
Apardığı qədər süd
İçliyi üçün:
5 stəkan üyüdülmüş, qovrulmuş qoz və ya fındıq ləpəsi
4 stəkan şəkər tozu
Yarım çay qaşığı hil
Yarım çay qaşığı mixək
Üzəri üçün:
Yumurta
Fındıq, ya da qoz ləpəsi
Şərbəti üçün:
3 stəkan şəkər tozu
2 stəkan su
1 xörək qaşığı limon suyu
Yayılmış xəmirin arası üçün:
250-300 qram "Best Cow" kərə yağı
Hazırlanması:
Əvvəlcə ləpəni təmizləyib qovururuq, sonra istədiyimiz ölçüdə doğrayırıq, ya da qoz maşınından keçiririk. Sonra onu şəkər tozu və ədviyyatlarla qarışdırırıq.
Xəmirə lazım olanları qarışdırıb xəmir yoğururuq və mayalanmağa qoyuruq.
Sonra xəmiri 16 ədəd kündəyə ayırırıq.
Nazik lavaşlar yayırıq, çalışın ki, çox incə alınsın.
Bişirəcəyiniz listə ərinmiş yağdan fırça ilə çəkirik.
Sonra 3 ədəd lavaşın arasına yağ sürtərək üst-üstə qoyuruq, içliyi üçüncü qata səpirik və beləcə iç tökməyə davam edirik.
Həmin qayda ilə bütün lavaşları edirik, yalnız yerdə iki dənə kündə qalınca yenə iki lavaşı içliksiz üst-üstə qoyuruq, amma hər qatı da yağlayırıq.
Sonra eyni qayda ilə paxlava formasında doğrayırıq və üzərinə qoz ya da fındıq dənəsi düzürük.
180-200 dərəcədə bişməyə qoyuruq. Şərbətimizi paxlava bişənə yaxın qaynadırıq, bir dəfə qaynasa bəs edər, əks halda xarlana bilər. Paxlavamız tam qızarıb bişdikdən sonra sobadan çıxarıb yenidən doğrayırıq və isti-isti şərbəti də əlavə edib, sobaya yenidən qoyuruq və sobanı dərhal söndürürük, 5 dəqiqə saxlayıb paxlavanı sobadan çıxarırıq.
Dadı damağınızdan getməyəcək paxlavamız hazırdır.
Nuş olsun.
