Lazım olan ərzaqlar:
Xəmiri üçün:
1 yumurta
Bir cimdik duz
1 çay qaşığı maya
100 qram "Welington" kərə yağı
İsti süd
Təxmini iki kasa un
İçlik üçün:
Yumurta sarısı
1 stəkan "Welington" ərinmiş kərə yağı
2 stəkan şəkər tozu (çox şirin istəsəniz, 3 stəkan götürün)
Un
Hazırlanması:
Bunları qarışdıraraq xəmir yoğururuq və axırda ərinmiş yağı əlavə edib yenə yoğururuq, xəmir hazır olduqdan sonra üzərinə sellofan sərib gəlməyə qoyuruq. Xəmir gələnə qədər içliyi hazırlayaq.
İçliyin ərzaqlarını qarışdırdıqdan sonra un əlavə edərək ovuntu halına salın. Fikir verin ki, ovuntu nə çox quru, nə də çox yumşaq olmasın.
Xəmiri gəldikdən sonra götürüb kündələrə ayırırsınız. Kündələri yayaraq lavaş edib, 4-5 lavaş üst-üstə atıb kərə və ya marqarin yağı ilə aralarını yağlayırsınız. Sonra onu dar zolaqlar formasında kəsib, mütəkkə kimi bükürsünüz.
Xəmirin hamısını qurtaranadək elədiyiniz mütəkkələrin üzərini sellofan ilə örtüb soyuq yerə qoyun ki, siz xəmirin hamısın qurtaranadək mütəkkələr daha da şişməsin. Hamısını qurtardıqdan sonra mütəkkəni əlinizin baş barmağı ilə içini oyursuz və çuxur edirsiniz.
Həmin çuxura hazırladığınız içlikdən 1 xörək qaşığı dolu qoyub, ağzını möhkəm bükürsünüz ki, açılmasın.
Sonra bükdüyünüz xəmirləri əl ilə ya da oxlov ilə barmaq qalınlığında qalana qədər yayırıq.
Üzərini belə bir alətlə basaraq bəzəyirsiniz.
Üstünə yumurta çəkib 250-300 dərəcədə bişməyə qoyursunuz.
Tıxmamız hazırdır.
Nuş olsun.