Tərkibi:
Xəmir üçün:
350 ml isti su (və ya süd)
1/2 stəkan duru yağ
1 x.q şəkər tozu
1/2 ç.q "Azərduz" narın xörək duzu
1,5 ç.q quru maya
4,5 stəkan un
İçlik üçün:
1 stəkan xurma
3/4 stəkan quru ərik
1/2 stəkan cem
1/2 stəkan fıstıq
2 x.q şəkər tozu
Xəmirin hazırlanması
Bir qaba, isti su töküb duzu, şəkər tozunu əlavə edirik və şəkəri əriyənə qədər qarışdırıq.
Daha sonra 1 stəkan un və maya əlavə edib çalırıq.
Alınan kütləni 15 dəqiqə isti yerdə saxlayırıq.
İsti xəmirə 1 stəkan un və duru yağ əlavə edirik.
Apardığı qədər un əlavə edib yaxşı qarışdırırıq(2,5 stəkan).
Xəmir hamar olmalı, ələ yapışmamalıdır.
Xəmiri isti yerdən kənara qoyuruq.
Bu arada içliyi hazırlayırıq.
Xurmaları yuyub,tumlarını çıxarıb iki hissəyə bölürük.
Quru əriyi də yuyuruq (əgər çox qurudursa 10 dəqiqə isti suda saxlayın).
Cemi hazır qoyuruq. Olduqca qatı cem seçin ki, xəmirin içinə qoyanda suyu axmasın (indi qatdığımız cem qırmızı qarağat və moruq cemidir).
Fıstıqları iki hissəyə bölürük.
Tavaya töküb, 7-10 dəqiqə qızardırıq.
Qızardıqdan sonra ocaqdan götürüb şəkər tozunu əlavə edib qarışdırırıq.
İçlik hazırdır.
Xəmirin 1/3 hissəsini gül üçün götürürük.
Xəmirin 2/3 hissəsini 4 yerə ayırırıq.Hər bir hissəni şəkildə gördüyünüz kimi yayırıq və içliyi quyuruq.
Xəmiri əvvəlcədən yağlanmış tavaya yerləşdiririk (şəkildə gördüyünüz kimi sıra ilə xurma,ərik qurusu və fıstıqlı xəmiri düzürük).
`
Sonda böyük bir burma alınacaq.
İndi isə bəzək üçün gülləri hazırlayaq.
Güllərin hazırlanması.
Xəmiri yayırıq və stəkanın köməkliyi ilə dairələr kəsirik.
5 girdə xəmiri bir-birinin üstünə qoyuruq (şəkildə gördüyünüz kimi).
Xəmirləri biraz sıxıb yapışdırırıq.
Rulet kimi bururuq.
Ruleti ortadan kəsirik
2 gül alınır və kənarlarını biraz əyirik ləçək kimi
Gülləri piroqun üstünə düzürük
Gülləri xəmirə sıxmaq lazım deyi çünku xəmir sobada şişəcək və güllər özü batacaq xəmirə
180-200 dərəcədə 40-45 dəqiqə sobada bişirik.
GÜL piroqumuz hazırdır.
Nuş olsun!
(tərcümə edilib)