Tərkibi:
Xəmir üçün:
Un- 250 q
Yumurta- 2 ədəd
"Best Cow" kərə yağı-125 q
Su- 3-6 x.q
Duz
İçlik:
Qızıl balıq-600 q
Pendir-250 q
İspanaq-1 dəstə
Xama-3-4 x.q
Duz
Hazırlanması:
İlk öncə Xəmirimizi yoğurub soyuducuya yerləşdiririk. 30 dəqiqə soyuducuda qalmalıdır.
İçliyimizi hazırlayırıq.
Qızıl balığı xırda-xırda doğrayıb üzərinə pendiri də eyni ilə doğrayıb əlavə edirik.
Birlikdə 5 dəqiqə bişiririk.
Sonra ispanağı və xamanı əlavə edirik. Duz səpip bişənə qədər bəzən qarışdırmaq lazımdır. Sonra xəmiri 2 hissəyə bölürük. lakin biri kiçik, biri böyük olmalıdır. İri hissəsni yayıb bişirəcəyimiz qaba qoyuruq.
Üzərinə içliyi əlavə edirik.
Kiçik olan hissəni də yayıb üzərinə əlavə edirik. 180 dərəcədə 80 dəqiqə bişməlidir.
Bişənə yaxın piroqu çıxarıb üzərini yumurta ilə yağlayırıq. Və 5 dəqiqə də soba da qalmalıdır.
Qızıl balıq piroqumuz hazırdır.
Nuş olsun!