DataLife Engine > PRINT > Səbzi plov (foto resept)

Tərkibi:

3 stəkan düyü

1 kq qoyun əti (mal əti və ya toyuqda ola bilər)

3 dəstə kəvər

3 ədəd yumurta

Alça turşusu

5 ədəd iri soğan

Kərə yağı

Azərduz yodlu narın xörək duzu, istiot, sarı kök

Hazırlanması:

Qoyun ətini iri-iri doğrayıb qoyuruq bişsin.

Sonra kəvərlər təmizlənir 3 yerə bölünüb yuyulur.Yaxşı olarki biraz suda qalsın onda daha təmiz olur.Sonra ətin suyundan azca götürüb qazanın içinə tökürük və yuyulmuş kəvərləri içinə töküb ağzını qapaqla örtürük arada qarışdırırıq.

Kəvər artıq hazırdı.Ət bişdikdə suyu ilə birlikdə kəvərin içinə tökürük.

Soğanları uzun-uzun doğrayıb kərə yağında qızardırıq.Qızarana yaxın sarı kök əlavə edib qarışdırırıq.

Hazır olan soğançaya alça turşusu tökürük.(bu bankanı öz həyətimizdən yığıb bağlamışam)

Soğançanı kəvərli qarışığa qatırıq.Buda hazır formasıdı

İndi isə keçək aşın dəmlənməsinə.Qazana suyu töküb qoyuruq qaynasın.Qaynayan suya düz tökürük.Duzunu bir az çox etsəz lap əla olar.Çünki düyü duzu canına çəkir.

Su qaynadıqda düyünü tökürük.Düyünün bişməyini bilmək üçün düyünü əlimizə əzilməlidi.Düyü hazır olduqda aşsüzənə süzürük.

Suyu süzüldükdən sonra başqa bir qaba töküb yağlayırıq.Belə edəndə həm aş çox yağlı olmur həm də hər yeri yağlanır.

Qazmağı isə belə hazırlayıram.Yumurtaları bir qaba qoyub çalıram üzərinə düyü əlavə edirəm.Qazanın dibinə yağ töküb qızdırırıq və qazmağı qazana töküb hər tərəfə yayıram.Yumurta bir az bişən kimi düyünü üzərinə tökürük.

Düyünün üzərinə sarı kök tökürük.Agzını qapaqla örtüb qoyuruq dəmə

Buda hazır forması. Nuş olsun!