Tərkibi:
1 kq. təzə paxla
4-5 ədəd pomidor
2 ədəd iri soğan
3-4 ədəd bolqar bibəri
5 yumurta
Duru yağ
Su
Azərduz yodlu narın xörək duzu, istiot, sarıkök
Hazırlanması:
Əvvəlcə paxlaları ülgüclə təmizləyib,nazik uzun-uzun doğrayırıq.
Bişirəcəyimiz tavaya əlavə edib,üzərinə 1 stəkan yarım su tökürük.Əvvəl qapağını örtürük su qaynara düşsün.Daha sonra qapağı açıq saxlayıb su quruyana qədər lobyaları bişiririk.
Paxlalar bişənə qədər başqa bir qabda əvvəl soğanları xırda doğrayıb qovururuq.
Sonra bibərləri doğrayıb soğanla birgə qovurmağa davam edirik.
Ən sonda pomidoru doğrayıb bura əlavə edirik.
Bu hazırladığımız qarışığı paxlanın suyu quruyandan sonra üzərinə əlavə edirik.
Yaxşı-yaxşı qarışdırıb,duz,istiot,sarıkök vururuq və bir müddət qovururuq.
Tərəvəzlər tam bişdikdən sonra yumurtanı vururuq və tez qarışdırırıq ki,yumurta hər yerə yayılsın.Qapağı örtüb,vam xodda yumurtalar bişənə kimi bişiririk.
Və budur yeməyimiz hazırdı.
Nuş olsun!
P.S. Paxla vitamin və zülal baxımından son dərəcə zəngin bir qidadır.Ayrıca paxla B1, B2, B6 və K vitaminlərinin yanında azot, nişasta, kalium və maqnezium mineralları baxımından da olduqca zəngindir.
Yay gədiyi zaman mənim ən çox bişirdiyim yeməklərdən biridir bu. Çox sevdiyim yeməklər sırasındadır.
Xanımlar siz bu yeməyi hansı formada bişirirsiniz?