Tərkibi:
Dana əti- 1 kq
Soğan- 1 ədəd
"Bizim Tarla" soyulmuş pomidorları- 400 q
Sarımsaq- 2 diş
Yumurta- 2 ədəd
Pendir- 200 q
Qurudulmuş oreqano- 2 ç.q
Qururdulmuş reyhan- 2 ç.q
Qurudulmuş cəfəri- 2 ç.q
İstiot- 1-2 ç.q
Duz- 1-2 ç.q
Suxari- 3 x.q
Hazırlanması:
Soğanı uzunsov doğrayırıq. Sarımsağı ya sürtkəcdən keçiririk, ya da sarımsaq əzənlə əzirik. Yumurtanı qaynadıb sürtkəçdən keçiririk. Pendiri də sürtkəcdən keçirib qarışdırmaq lazımdır.
Sarımsağın üzərinə suxari, qurudulmuş reyhan, cəfəri, oreqano və duz əlavə edib yaxşı-yaxşı qarışdırmaq lazımdır.
Əti 1 sm enində kəsirik.
Üzərinə duz- istiot səpirik.
Sonra içliyi üzərinə qaşıqla çəkirik.
Əti rulet kimi büküb iplə bağlayırıq. Bişirəcəyimiz qaba ilk öncə soğanı əlavə edirik. Ruleti qoyub üzərinə pomidor pastasını əlavə edirik.
Üzərini falqa ilə bağlayıb 180 dərəcədə 2 saat bişiririk.
Bişdikdən sonra falqa kağızını çıxarırıq. Süfrəyə verməzdən əvvəl 1,5-2 sm enliyində rulet formasında doğrayırıq. Üzərinə də bişdiyi sousdan əlavə edirik.
Nuş olsun!