Tərkibi:
Noxud- 200 q
Düyü- 600 q
Qoyun əti- 800 q
Soğan- 200 q
Kök- 600 q
Sarımsaq- 1 ədəd
Acı bibər- 1 ədəd
Duz- 2 çay qaşığı
Zirə- 1 ç.q
"Best Cow" kərə yağı-300 q
Hazırlanması:
İlk öncə noxud, düyü yuyulur və suda 2-3 saat saxlanılır.
Qoyun ətini xırda-xırda doğramaq lazımdır.
Soğanı nazik-nazik, yumru-yumru doğrayırıq. Kökü isə şəkildəki kimi uzunsov doğramaq lazımdır.
İri və dərin bir qazan götürüb yağ əlavə edib oda qoyuruq.
Yağ yaxşıca qızdıqdan sonra soğanı əlavə edirik. Soğan qızardıqdan sonra ət əlavə olunur.
Ət də 5-7 dəqiqə bişdikdən sonra kök əlavə olunub daha 5 dəqiqə bişirilir.
Kök yumşalana kimi qarışdıraraq bişiririk. Sonra ətin üzərinə çıxana qədər su əlavə edirik.
Ortasına üst qabığı soyulmuş bütöv bir sarımsaq qoyuruq. Bir də acı bibər.
Sonra üzərinə noxudu əlavə edirik. Duz səpirik. 10 dəqiqə bişiririk.
Əgər lazım olarsa, yenə su əlavə edə bilərsiniz. Sonra sarımsağı və acı bibəri götürmək lazımdır.
Düyünü əlavə edirik, qarışdırmadan aralarını taxta qaşıqla açırıq ki, düyü aralara süzülsün.
Yüksək odda bişirməyə davam edirik.
Su tamamilə quruduqdan sonra sarımsağı və acı bibəri plovun üzərinə yenidən yerləşdiririk.
Üzərinə zirə səpirik. Lap az odda plovumuzu dəmə qoyuruq. 25-30 dəqiqə sonra plovumuz hazırdır.
Nuş olsun!