Tərkibi:
500 q mayalı xəmir (adi çörək xəmiri)
500 q toyuq əti (çəkilmiş)
4 ədəd kartof
1 ədəd soğan
1 ədəd alma
2 xörək qaşığı duru yağ
1 ədəd yumurta
2 xörək qaşığı xama
1 çay qaşığı xardal
Kəklikotu
Göyərti
Duz, istiot
Hazırlanması:
Əvvəlcə kartof və soğan dördkünc şəkildə doğranılır. Sonra azca duz səpilib duru yağda qızardılır (bir az bərk olanda qazı söndürün.).
Sonra isə tavadan boşaldın ki, soyusun.
Soyumuş kartofa xırda doğranmış alma və çəkilmiş toyuq ətini əlavə edin.
Sonra isə keşniş, şüyüd, xama, duz, istiot, kəklikotu və xardal əlavə edib yaxşıca qarışdırın.
Hazır acımış xəmiri iki hissəyə bölün (biri yekə, biri balaca olmalıdır, xəmirin altı və üstü üçün). Xəmiri bişirəcəyiniz qabı yağlayın, Xəmiri üzərinə yerləşdirin və üzərinə içliyi əlavə edirik.
İkinci kündənin xəmirini də yayıb dəlik-dəlik edin. Əgər belə alətiniz yoxdursa, adi bıçaqla da çox səliqəli halda (şəkildəki kimi) etmək olar.
Hazır xəmiri üst hissəyə qoyun, qabın yan hissələrində xəmiri yaxşı bükün ki, içi axmasın. Sonda piroqun üzərinə çalınmış yumurta çəkib biraz gözləyin (5-10 dəqiqə).
Əvvəlcədən 180 dərəcədə isidilmiş sobada 35-40 dəqiqə ərzində bişirin.
Toyuq ətli, kartoflu piroqumuz hazırdır.
[thumb]http://qadin.net/uploads/posts/2014-11/1415532976_ba66c078a59a51cb3a7d282bab866.jpg[/thumb]
Nuş olsun!
(Tərcümə edilib)