Tərkibi
İçi üçün:
300 qr pendir, ya da şor
1 dəstə cəfəri
Duz
Xəmiri üçün:
5 - 6 stəkan un
1 stəkan süd
1 paket yaş xəmir mayası (quru maya da olar)
1 xörək qaşığı şəkər
Üzəri üçün:
2 ədəd yumurta
1 stəkan qatıq
Yarım stəkandan az duru yağ
Duz
Hazırlanması:
Dərin bir kasaya unu qoyuruq (əvvəl yarısını qoyun, yoğurarkən qalanını əlavə edərsiniz ). Stəkana mayanı, 1 yemək qaşığı şəkəri qoyub ilıq su əlavə edirik.
Maya ilıq suda əriyənə qədər qarışdırırıq.
Maya yaxşıca qabaranda una əlavə edirik.
1 stəkan südü, duzu əlavə edib yoğurmağa başlayırıq.
1 stəkan su artıra bilərik, yumşaq bir xəmir alınmalıdır.
Yoğurduğumuz xəmirin üzərini bağlayıb iki qatı olana qədər qabarmasını gözləyirik.
Bir tərəfdən dərin bir kasaya pendir və ya şoru qoyub, yuduğumuz cəfəriləri doğrayırıq.
Qabaran xəmiri kiçik portağal böyüklüyündə hissələrə ayırırıq.
Xəmir taxtasında xəmir kündələrini pidə formasında uzununa açırıq.
Açdığımız xəmirin ortasına içliyi qoyub bağlamağa başlayırıq.
Rulet formasına gətiririk.
Bağladığımız kündələri iki barmaq qalınlığında kəsirik.
Düz bir qaba bir az duru yağ qoyub kəsdiyimiz xəmirlərin yalnız bir tərəfini batırırıq (Bunu bir-birinə yapışmaması üçün edirik. Dərin bir qaba qoymuruq çünki, xəmiri çox batırsanız yağlı olar). Yağladığımız soba qabına qoyuruq.
Üzərinə tələsiriksə tez qabarması üçün paket keçiririk.
Qabaran xəmirin üzərinə, bir kasada çırpdığımız 2 yumurta, 1 su stəkanı qatıq, yarım su stəkanından az duru yağ qarışığını hər yerinə tökürük.
200 dərəcədə qızdırılmış sobada üzəri qızarana qədər bişiririk.
Nuş olsun.
(Tərcümə edilib)