Uşaqlarda köklük genetik səbəblərlə yanaşı ekoloji və psixoloji faktlarla da ola bilər. Bununla yanaşı ən böyük risk ailənin səhv qidalanma vərdişləri və həyat tərzidir.
Bu günün gombul uşağı sabahın kök yeniyetməsi və hətta gəncidir. Çox zaman dırnaqarası baxılan köklük,əslində vacib bir problemdir. Evdə davamlı düzgün qidalanmamaqdan ortaya çıxan köklük uşaqlarda xarici görünüşlə bağlı problemlərlə yanaşı tənbəlliyə gətirib çıxardır. Uşaqlarda piylənmə son illərdə daha da artıb. Belə uşaqlarda isə gələcəkdə ürək xəstəlikləri ilə yanaşı bir çox xəstəliklər də yarana bilər.
Səhər-axşam idman
Uşaqların idmana və hərəkətli bir həyat tərzi keçirməyə vərdiş etdirmək lazımdır. Yeniyetmə dövründə alınan kilolarda xüsusilə qidalanma vərdişi əhəmiyyət daşıyır. Xüsusilə də məktəb yeməkxanalarında fast-food kimi düzgün olmayan qidalar və uşaqların idman etməməsi piylənməyə səbəb olur. Ona görə də uşaqlara cib xərcliyi vermək əvəzinə evdən özünüzün hazırladığınız buterbrod, meyvədən ibarət bir çanta hazırlayın.
Yemək üçün qadağa qoymayın
Ümumiyyətlə, bütün uşaqların sevdiyi fast-food məhsulları zərərli qidaların siyahısında birincidir. Həkimlərin fərziyələrinə görə, uşaqlara fast-food verilməməlidir. Kök uşağın qida rasionu dietoloq nəzarəti altında olmalıdır. Bu zaman fiziki fəaliyyəti artırmaq və müalicə dövründə uşağın kilosunu sabit saxlayaraq çəki ilə birlikdə əmələ gəlmiş sağlamlıq problemi varsa, onu da həkim məsləhəti ilə həll etmək lazımdır. Və ayda 1-3 kq-ı keçmədən uşağın arıqlaması düzgündür.
Qidalanmanı rejimə salın!
Kilo problemi olan uşaqlara qidalanma rejimi əsas şərtdir. Uşağı birdən-birə cansıxıcı rejimə salmayın. Mütəmadi olaraq həddindən artıq yağlı qidaları, yağda qızardılmış yeməkləri, əti azaldın, amma tamamilə kəsməyin. Bunlarla yanaşı, şirniyyatları və uşaqlar tərəfindən çox sevilən kartof, tort, şokoladı azaldın.
Uşaqlarda piylənmənin səbəbi
Ən mühüm səbəbi ailədəki səhv vərdişlərdir. Körpəlikdən etibarən “Kök uşaqlar sağlamdır” inancından əl çəkin. Ana südü ən yaxşı qidadır. Çalışın ki, uşağa ilk 6 ay ana südü verəsiniz. Bəzi valideynlər işlədiyi üçün yemək bişirib çatdıra bilmədiyini bəhanə edərək uşağa hazır qidalar verir və ən böyük səhvi də o zaman edir. Buna görə də uşağınızın sağlam olmasını istəyirsinizsə, ona daha çox diqqət ayırın. Amma kök olduğunu düşünürsünüzsə, o zaman pəhriz mütəxəssisinə müraciət edin. Aparılan araşdırmalar göstərir ki, normadan artıq kiloya sahib olan uşaqlarda yuxu pozğunluqları, yuxuda danışma, ürək və qan-damar xəstəlikləri əmələ gəlir.
Uşaqlar bizim gələcəyimizdir. Onlara yaxşı baxın!