Çoxluq hamiləlik:
Əkiz və digər çoxluq hamiləlik halları gündəlik kalori və qida maddələri və dəmir ehtiyacının artdığı vəziyyətlərdir. Daimi qidalanmaya əlavə olaraq, normaldan yüksək dozada dəmir preparatları və vitamin preparatları istifadə etmək gərəkə bilər.
Adolesan (yetkinlik dövründə) hamiləlik:
18 yaşdan daha az yaşı olan qadınlarda yaşanan hamiləliklərdə böyüyən körpənin ehtiyacları ilə yanaşı hələ böyümə və inkişafını tamamlamamış ana namizədin da digər ana namizədlərə görə daha çox miqdarda kaloriyə və qida maddələrinə ehtiyacı vardır. Bu ehtiyacları qarşılamaq üçün bu ana namizədlərin qidalanmalarına xüsusi diqqət yetirilməlidir və həkimlərin təklif etdiyi dəmir və vitamin preparatlarını nizamlı olaraq istifadə etmək lazımdır.
Qısa fasilələrlə baş verən hamiləliklər:
Hamiləlik əsnasında sərf olunan qida maddələri və bədənin dəmir və vitamin anbarları hamiləlik zamanı və hamiləlik dövründən sonra təkrar bərpa oluna bilər. Ancaq bunun üçün aylarla ifadə edilən bir müddətə ehtiyac vardır. Hələ bir hamiləliyin təsirləri silinmədən yaşanan ikinci bir hamiləlikdə bu vacib amil nəzərə alınmalıdır. İki hamiləlik arasında keçməsi lazım olan ən qısa müddət iki il hesab olunsa da, eyni zamanda bu proses qadının qidalanma vəziyyəti və ümumi sağlamlıq vəziyyətiylə sıx əlaqədar olduğundan qəti bir rəqəm verilməsi qeyri-mümkündür.
Vegetarianlar və hamiləlikdə bəslənmə:
Vegetarian pəhriz tətbiq edən ana namizədlərdə problem zülal qaynaqlarının əldə edilməsi üçün alınması lazım olan qidalar imtina ilə əlaqəlidir və belə ana namizədlərdə heyvan mənşəli qida maddələrindən alınması lazım olan B12 vitaminin qeyri-kafi səviyyədə olur. Buna görə də, vegetarien ana namizədlərin diqqətli və planlı bir qidalanma proqramı tətbiq etmələri və mövzunu həkimlərlə məsləhətləşmələri lazımdır. Qatı vegetarian pəhriz tətbiq edənlərə hamiləlik dövründə heç olmasa süd, süd məhsulları və yumurta kimi zülal qaynaqlarını almaları tövsiyyə edilir. B12 qaynağını qarşılamaq üçün isə vitamin preparatlarından istifadə tələb oluna bilər.
Süd intoleransı (süd içməyən ana namizədlər):
Süd içmirsinizsə, bu mütləq kalsiumu qeyri-kafi alırsınız mənasını verməz. Kalsium ehtiyacınızı digər süd məhsullarından də ödəyə bilərsiniz. Pendir, qatıq, ya da digər süd məhsullarını qida rasionunuza daxil etsəniz, heç süd içməsəniz belə gündəlik kalsium ehtiyacınızı qarşılaya bilərsiniz. Süd, ya da süd məhsullarından heç qəbul etmirsinizsə, onda əlavə kalsium möhkəmlətməsi lazımdır.
Allergik qida:
Allergik olduğunuz və buna görə qəbul etmədiyiniz qidaların siyahısı uzandıqca hamiləlikdə qidalanma mövzusunda problemlərin ortaya çıxma ehtimalı artır. Həkiminizə bu mövzunu mütləq bildirməli və alternativ qida maddələri haqqında məlumat almalısınız.
Tibbi problemlər:
Diabet, xroniki böyrək, ürək-damar, ağciyər və digər sistemlərə aid xəstəliyi olan ana namizədlərin bəzi qidaları qəbul etməsində təhlükə ola bilər. Hamiləliyinizə nəzarət edən həkiminiz alternativ qida maddələri haqqında sizə məlumat verəcəkdir.