20 həftəni tamamlayaraq hamiləliyin tam yarısını keçirmiş olursunuz. Bu dövrdə və sonrakı dövrlərdə körpənizin hərəkətlərini daha tez və daha rahat hiss edə biləcəksiz. Bu həftədə ana namizədləri özlərini daha müsbət və daha enerjili hiss edərlər. Hamilə paltarlarını geyməyə başladığınız dövrün tam zamanıdır.
Döl
Böyüyən körpəniz bu həftədə 15-16,5 sm. boyunda, 300-320 qr. ağırlığındadır. Körpənizi ana bətnindən etibarən sevgiylə böyüdün. Körpə artıq səsləri eşitməyə başlayır. Bədəninizin xaricindən gələn səsləri və danışmaları eşidə bilər və reaksiya verə bilər. Körpəniz həzm sisteminin inkişafı üçün udqunma hərəkətlərini çox tez edər. Artıq daha çox hərəkət etməkdədir. Yumruqlar, təpiklər atar, qıvrılaraq dönə bilər. Dövr-dövr yatar və oyanar. Saç və dırnaqları uzanmağa davam edər. Ürək atışları sürətlənir. Kişi körpələrdə xayalar qarın boşluğundan torbalara doğru enməyə başlayır. Qız körpələrdə isə yumurtalıqlarında təxminən 6 milyon yumurta hüceyrəsi vardır. Lanugo deyilən incə tüklər bütün bədənini örtür. Əzələləri daha da güclənməkdədir.
Ultrason
Siz bu həftə ultrasona getməklə körpənizdə baş verən bütün dəyişiklikləri görə bilərsiniz. Ultrason həmkinin sizin və körpənizdə olan çatışmamazlıqlarıda göstərmək üçün çox gözəl vasitədir. Əgər ultrasonda hər hansısa bir problem aşkarlanarsa, onda mütləq siz həkiminizə müraciət edərək bir müalicə dövrü keçməlisiniz.
Ağrılar
Kürək və bel ağrılarınız artaraq davam edə bilər. Belinizi kiçik bir yastıqla dəstəkləyərək oturun. Uzun müddət ayaqda qalmayın. Bu dövrlərdə maddələr mübadiləsi və hormonlardaki dəyişmələrdən, kilo artmalarından qaynaqlanan tərləmə və istilik ola bilər. İncə və pambıqlı paltarlar seçim edərək sərin mühitlərdə dayanmağa diqqət yetirin. Qasılmaların artması sizi gecə yarısı yuxudan oyandıra bilər. Qıçlarınızı gərərək ayaq barmaqlarınızı yuxarı doğru qaldıraraq və ya bir neçə dəqiqə gəzməklə bu qıcanmalardan xilas ola bilərsiniz. Göbək dəliyi ilə qasıq arasındakı linea nigra adı verilən tünd qəhvəyi xətt yaxşıca görünməyə başlar. Doğumdan bir müddət sonra özbaşına itər. Həzmsizlik və mədə yanması şikayətləriniz davam edə bilər. Yatmadan 2-3 saat əvvəlinə qədər yediklərinizi həzm olmağa diqqət yetirin, mədənizi narahat edən yeməklərdən uzaq durun, hər zamanki kimi az və tez yeyin. Yatarkən bədəninizin üst tərəfini yüksəldərək yatmağı unutmayın.
Qidalanma
Hamiləlik dövrü ərzində quru yeməklər istifade edilməməlidir. Həddindən artıq duz və duzlu yeməklərdən uzaq durulmalıdır. Mineral və vitamin cəhətdən zəngin tərəvəz və meyvələri qəbul etmək, zülal cəhətdən zəngin ət və süd məhsullarını qəbul etmək, beyin inkişafı cəhətdən gündə 1-2 ədəd qoz və həftədə 1-2 gün balıq qəbul etmək tövsiyə edilir.
Hamiləlikdə bol maye alışı çox əhəmiyyətlidir. Maye ehtiyacının böyük bir qisimini su içərək qarşılamaq lazımdır. Gündəlik təxminən 2 litr su içilməlidir. Unutmayın nizamlı qidalanmaq sizin və körpənizin sağlamlığı baxımından çox əhəmiyyətlidir. Siqaret və spirtdən uzaq durun.
Təhlillər