Zaman zaman üzümüzdə, ya da dekolte hissəmizdə, yəni sinə və kürəyimizdə çıxan sızanaqların meydana gəlməsində hormonal dəyişiklər, stress, ya da gigiyena mövzusunda kifayət qədər həssas olmamaq kimi faktorlar yatır.
Kürəyimizdəki və sinəmizdəki sızanaqlar qış aylarında çox göz qarşısında olmadığı üçün o qədər diqqətimizi çəkməsə də, yaz aylarıyla birlikdə narahatedici bir hal alır. Kimsə geyindiyi kürəyi açıq paltarın, ya da sinə dekolteli bir bluzun sızanaqlar səbəbindən pis görünməsini istəməz.
Kürək və sinədə çıxan sızanaqlardan xilas olmaq o qədər çətin deyil. Üzünüzə göstərdiyiniz diqqəti bədəninizə da göstərsəniz, fərqi gözlərinizlə görə bilərsiniz. Üç addımda kürək və sinə bölgəsindəki sızanaqların meydana gəlməsini azaldıb onlardan xilas ola bilərsiniz.
1) Təmizlik: Üzümüzü hər gün təmizləyib baxımını edirik. Ancaq eyni şeyi vücudumuz üçün etdiyimiz deyilə bilməz. Kürək və sinədə çıxan sızanaqları qarşısını almaq üçün edilməsi lazım olan ilk və ən əhəmiyyətli addım bədən təmizliyinə əhəmiyyət verməkdir. Bədənimizi, xüsusilə, sızanaq çıxan bölgələri hər gün antibakterial sabunla yumalıyıq. Necə üzümüzü yumadığımız zaman dərimiz reaksiya göstərirsə, bədənimiz üçün də bu vəziyyət əsaslıdır.
2) Pillinq: Pillinq, əminik ki, hamımızın dəri baxım prosesində ən azı həftədə bir dəfə iştirak edir. Üzümüzdəki kir və ölü dərini atmaq gözəlliyimiz üçün çox əhəmiyyətlidir. Bəs üzümüz xaricindəki bölgələr? Bədənimizin da eynilə üzümüz kimi pillinqə ehtiyacı var. Bədəninizi də eynilə üzünüzü olduğu kimi nizamlı olaraq bədən üçün olan pillinqlərlə həftədə iki dəfə ovaraq kir və ölü dəridən təmizləməlisiniz.
3) Paltarlar: Geydiyimiz paltarların parçalarının dərimizə hava aldırması, ya da tərləyərkən tərin paltara hopması çox əhəmiyyətlidir. Çünki tər dərimizdə bakteriyaların meydana gəlməsinə, yəni sızanaqlara səbəb olur. Xüsusilə, idman edərkən geyilən paltarlara diqqət gösterilməlidir. Bunun səbəbi ən çox idman edərkən tərləməmizdir. İstifadə olunan paltarların hava aldırması və pambıq olması şərtdir. İdmandan dərhal sonra duş almaq lazımdır, çünki tər bədənimizdə nə qədər az müddət qalarsa, o qədər yaxşıdır.
Bu üç addıma diqqət etsəniz, sızanaqlarınızın azaldığına şahid olacaqsınız.